1 Ni-Tessaloniki ây 3

1Ye tâa a dat maan ot kpàa èfta tinîiri ba, ot dàne ndika ot tâa kpolo worro a Atena. 2De tèefa ot Timote, kor worro, nit tèenjum tèem Fay ni orro a sakta Yèk Kâwrra Kristu, ha e gòynunu a goosum wun, e kpèwsunu tinîiri. 3Ngam ta aw yûusu koo di wuna a tîim wun a riirra 'màar ây gi ba. Un cèngni, gesina ot rii 'màari. 4Ye tâanjina nà ni un gi, ot kàlnuge nà mgban, gaw ɗàana ɗàari. Un cèngnige, jàk maan kpèrra kà yey. 5Ngam maan ye tâa mi kpàa èfta tinîir mum ba, de tèemifa Timote, ha mi cèngni yèk goosum wun. Ngam mi tole, mba Seyɗan rûfnu go, ha loca tèem worro e tâa ɓa hû go gi. 6Amma kòsòng Timote ye ana a gin wun, koyra gi, saknage yèk kâwrra a goosum wun, ni yiide wun. Saknage ɗa, un ɓaysinarre mbâra koo ningàa, un yiɗi un rapna kà yey yiɗina orro ɗa ot rapnu gi. 7Hû go un kor ta worro, goosum wun kpèwsinage tinîiri a fòon, ni 'màar yey riina gi pî. 8Orro ot gûyrre, ye tâa un un gòyrre kpèw a gin Nitcoorra gi. 9Got kpàa ot ini mbew yey ge gerru di Fay ba, a kâwum yey pî kâwsina tinîiri ngam wun a ɗàm kpees wàa. 10Tuma ni unji ot rîirre kpèw a waarra Fay, ha ot rap nis wun, ha ot iisirra dun jày âygirra a goosum wun. 11Nge Fay Too worro ni hak wàa, ni Yeesu Nitcoorra worro aw hîina orri ot irfa a gin wun! 12Nitcoorra e hîinu 'mita un 'mirri, e iisirra dun yiide a tîim wun ni gin nit ây pî, kà yey yiɗina ot dun gi. 13E kpèwsunu tinîiri, ha un tâa delliya a ɗàm kpees Fay Too worro cen jàk maarra, a mgbàr yey ge ira Yeesu Nitcoorra worro ni mûsa nit della ta wàa gi.

will be added

X\