1 Yuhanna 1

1Ot kèrfa dunde a yèk gûyrra yey tâage diga ɗaarra, yey rakna, rapna gopna ni nis worro, bangna ni kàn worro gi. 2Gûyrra maan lòrre, ot rabe. Hû go ot seedirre, ot saknurre yèk gûyrra tâam timgbàri, tâage a gin Tooy Ɓèl. Gûyrra gi lòrre a gin worro. 3Jàk yey rapna gi, rakna gi ot saknurre dun ɗa, ha un 'mèmsi ni orro. Ngam orro ot 'mèmsi ni Tooy Ɓèl, ni Hàm wàa Yeesu Kristu. 4Ot kèrfa dunde jàk ây gi, ngam ha kâwum e mûu a tinîir worro. 5E rri yey jày rakna a gin Yeesu gi ot saknurre: Fay tâage kayang, kulpi cen a gin wàa koo càa ba. 6To ot gàa go ot 'mèmsirre ni Fay, amma ot dikɗe a kulpi, hû go ot rèengde rèeng, ot tèerre jàk takundi ba. 7Amma to ot dikɗe go a kayang kà yey tâa Fay a kayang gi, ot 'mèmsirre a tîim worro, njîim Yeesu Hàm wàa ɗa kòlnarre jàk maarra pî. 8To ot gàarre go, jàk maarra cenna ba, ot rûfsirre hak worro, ot cen ni takundi ba. 9Amma to ot lòni go jàk maarra worro, Fay Tooy ɗèm ɗi gòyrre a yèk wàa, yaa ge yaafina jàk maarra, kò ge kòlna a tèem makta pî èege gòyrra ɗèm gi. 10To ot gàarre go ot mbir jàk maarra ba, ot inu di Fay tirèengrum rèeng, yèk wàa cen a tinîir worro ba.

will be added

X\