1 Ni-Korintu ây 8

1A yèk joot gûurra a mâri, ot cèngni, nge orro pî ot dii ni cèngnum jày. Cèngnum jày 'misinirre hay di nirri, amma yiide mgbaanjurre di nirri. 2To nirri dànde go cèngni jày, ey ti haa cèngnum jày kà yey gesi nirri e cèngni ba. 3Amma to nirri yiɗu go di Fay, Fay cèngnu di nit maan. 4A yèk riirra joot yey gûun a mâri gi, ot cèngni, mâri cen a kparri ba, cen Fak kana ba, sey Fay kpolo gbè. 5Ngam koo jàk ây dii go a faktiturum ni deesi, înin daw fak ây, kà yey tâa jàk coorra ây ni nit coorra ây dèy gi, 6orro Fay kpolo tâagina, Tooy Ɓèl, a gin wàa ana jày pî. Ngam wàa tâana, ni Nitcoorra kpolo, Yeesu Kristu, nit yey jày pî tâage ni ey gi, orro ɗa ot dii ngam wàa. 7Amma cèngnum jàk maan cen a gin nit ây pî ba. Ngam a nit ây kana aw rûu ni tèem mâri ha kòsòng, aw riirre joot yey gûun a mâri, aw cèngsi nge jàk hîirra di mâri ɗi. Dànjum tinîir waw dàngge, 'miskige. 8Tiriici ge gòynina mbâra a ɗàm kpees Fay ba. To ot woofa go riirra jàk kana, jày ge âyrra dot ba. To ot riirre go ɗa, jày ge iisirra dot ba. 9Amma iin hakkilo, ngam ta tèem wun a tâam tiròom e ir timgbòlnji a gin nit ây tâage dàngdiya gi ba! 10To nirri rabum go mu tâarre a àay mâri mu rii tiriici, dum nit yey cèngni yèk maan, ge kpèwsu dànjum tinîir wàa dàngdiya, ha e rii joot yey gûun a mâri gi ba yi? 11Kor yey tâage dàngdiya, tâa Kristu wurre ngam wàa gi, gbee ge gbee ngam cèngnum wey. 12Amma ye tâa un mbitɗe jàk maarra a gin kor goosum ây, un àysi daw dànjum tinîir waw tâage dàngdiya gi, un mbitɗe jàk maarra a gin Kristu. 13Ngam maan to tiriici iiwrre go timgbòlnji di kor mum, gim haasirra riirra jooci ba ha tâam timgbàri, ngam ta mi iiw timgbòlnji di kor mum ba.

will be added

X\