Rooma 7

1Tuupchēēnichuuch, akwaan Yāwuutik choo ānkēt ngʼātuut chēpō Muusa, moonkēt :akwaan kilē pāyuuy kipaat :ngʼātuut chiich nēē tākusopoot? 2Ānkēt akwaan kilē mwoorēy :ngʼātuut kilē maraat :cheepyooso nyoo āpoot kutēpō nkōō saanteenyiin nēē tākusopoot. Ku nēē ma :saanteenyiin, ku maakurataat cheepyoosoonoonēē. 3Ku nēē tākusopoot :saantee akwoop keey :cheepyoosoonoonēē nkōō chiich aka, ku kaaku-ir ngʼōōki. Ku nēē ma :saanteenyiin, ku kaakuutyaaka :cheepyoosoonoonēē kwoop keey nkōō chiich aka. Ku nēē āp :chiich, kumaa-ir ngʼōōki. 4Tuupchēēnichuuch, ngʼālyoon kunyi: /kiikuutyaaytaareenaak kaamuuka nyēpō ngʼātuut paani kiima :Yēēsu akipō akwaan. Ātyookiisyēēkwaan soopōyiitu chiitō aka. Chiichoonēē ku Kiriistō nyoo /kiikuungʼeeta meerat. Ku paannyēēnyi nyuun, āmuukēy a-ir kir nyoo chāmēy :Iriin. 5Kii nēē tākupāytooyēēch :ātēpuutēchooch chēpō ngʼōōki, ku kiingʼēētngʼēētēēch :ngʼātuut kee-ira ngʼal choo āpuuy meerat. 6/Kiikeetyaaytaareeneech nyuun paannyēēnyi ngʼātuutēchoochēē kiirateech sikēē-irchii Iriin pāyit nkōō oor nyoo rēēl nyēpō Toomirmiir. Mā kilēē taay paani kiikutuupēy ngʼātuut choo sirootēēn. 7Ara nee nyuun, rāāchō :ngʼātuut? Acha sōō, mālēē nyoonēē mpō kiitēēn. Ntā kiimoonkēt :aneen ngʼātuut chēpō Muusa oo, ntā kyoosōwuyaa kilē ngʼōōki ku nee? Āmwooraa kilēē nyoonēē āmu ntā kiimāmwoorēy :ngʼātuutēchoochēē kilē, "Mēērōōti ngʼat koongʼ kiipō chiich" ntā kiimaasōwuuy kilē ngʼat koongʼ ku kir nyaa ra. 8Ngʼātuutēchwēēchu choo ki-ir kunyōōru :ngʼōōki pārooyin nyoo kiipaytaan aku-iran ānyōōru ngʼat koongʼ aka tōkōl nyaa ra. Nēē moomii :ngʼātuut, ku mātingʼēy :ngʼōōki kaamuuka. 9Kitoomō āsōwaa ngʼātuut, ku kiimootingʼēy kaa-iimuut nkōō sopoontanyuun. Ku paani kyoowaasōwaa ngʼātuut, āsōwaa ngʼōōki ākoonyōōru nyaril nkōō sopoontanyuun. 10Ku :ngʼātuut nyuun choo kiitā-āpkoon sopoon, kwoopkoon meerat. 11Kinyōōru :ngʼōōki pārooyin nkōō ngʼātuutēchoochēē kuupootān, akuparan. 12Mpō ntā kiipāyiisyēērō :ngʼōōki ngʼātuut kuparan, kutākutiliilō :ngʼātuut, man aku kāroomō. 13Nēē kāroomō :ngʼātuut oo, kwoopkaa meerat kilē nee? Acha sōō, mā lēē nyoonēē! Kiimā :ngʼātuut chu kyoopkoon meerat. Kii ngʼōōki, āmu kiipāyiisyēērō :ngʼōōki ngʼātuut nyaa karaam kwoopkaa meerat. Ngʼuutuuy nyoonēē kilē raacha :ngʼōōki nyoo mātingʼ /keemwa. 14Kiipkaana :ngʼātuut chēpō Muusa wōloo mii :Iriin aku nēē taarataat :aneen nkōō ātēpuutēchuuch chēpō kēny ku taarataat nkōō ngʼōōki. 15Moonkēt :aneen nyuun kiyoo ā-iraa, āmu kir nyoo āmāraa kilē ntā a-ir, kumoo-iraa. Kiyi ā-iraa nyuun ku kiyi āsāsaa. 16Ku nēē a-iraa kir nyoo āsāsaa, āchāmaa kilē pō man :ngʼātuut nēē mwoorēy kilē ra kiyoonēē. 17Ku mā :aneen nyuun man nyi āmii ā-irēy kir nyaa ra. Ngʼōōki nyoo pāywoon :nyi mii ku-irēy tukun chaa raacheen. 18Ānkēt :aneen kilē nēē taarataat nkōō ātēpuutēchuuch chēpō kēny, ku moomuukaa a-ir kir nyaa karaam, āmu mpō ntā apkaat :aneen kilē taa-ir kir nyaa karaam, ku moomuukaa a-ir. 19Kir nyoo ā-iraa ku mā kir nyaa karaam nyoo āmāraa a-ir, mpō tukun chēpō ngʼōōki choo moomāraa a-ir, ātāsaa taay ā-irēy. 20Nēē ā-iraa kir nyoo moomāraa a-ir, ku mā :aneen nyoo ā-iraa. Ngʼōōki nyoo pāywoon nyoo irēy ngʼaleechoochēē. 21Kunyuun, man ku :nyi: Nēē āmāraa a-ir kir nyaa karaam, kuchōōnchoon :ngʼōōki kilē weel. 22Nkōō kāāpkootuutēchuuch, āpāypāchinii ngʼātuut chēpō Iriin, 23aku nyuun, ātēēraa kaamuuka aka nkōō pōōrtanyuun nyoo mii pooryoot nkōō kāāpkootuutēchuuch. Rātaa :nyoonēē nkōō ngʼōōki choo mii kupāyiisyēērēē pōōrtanyuun. 24Kunyuun ātingʼēy ngʼātuut chēpō Iriin nkōō kāāpkootuutēchuuch akutakupāywoon :ngʼōōki. Kyoopētitō ānō kēny? Ngʼoo nyoo muukēy kusāruunēēnoon sōpooni āpuuy meerat? Āmwoochinii nyuun kōōnkēy Iriin kipunuunō Kiptaayaantēēnyoon Yēēsu Kiriistō nyoo muukēy kusāruunō piich nyarili.


Copyrighted Material
Learn More

will be added

X\