1 Ki-ir nee nyuun? Ara kitas taay sōō kee-ir ngʼōōki sikutāsu keey :chamataa :Iriin? 2 Acha sōō, mālēē nyoonēē mpō kiitēēn. Maakupāywēēch :ngʼōōki. Ara muukēē kilē nee nyuun keetas taay kee-ir ngʼōōki? 3 Moonkēt :akwaan sōō kilē paani /kikuupaatiisaneech kēēlēkuu kir ākoongʼo nkōō Yēēsu Kiriistō ku kiirook ātēpuutēchooch chēpō taay? 4 Kiima :Yēēsu, /kēētup /akeengʼeeta meerat nkōō kaamuuka nyēpō Paapa Iriin. Nkōō oor nyoo lēē nyoonēē, ku kiikēēmēērō /ākēētupēēch paani /kiikuupaatiisaneech sikēēnyōōru sopoon nyoo rēēl. 5 Āmu kii kēēlēku kir ākoongʼo nkōō Kiriistō nkōō meereenyiin paani /kikuupaatiisaneech, ku man kilē /kiingʼēētēēch nkōō inyeentee, kēēnyōōruu sopoon nyoo rēēl. 6 Kiinkēt kilē kiikēēmētoochi ātēpuut choochooch chēpō ngʼōōki kimurtooyoontoo Kiriistō simaakutingʼēy :ngʼōōki kaamuuka aka tōkōl mu sopoontonyoon ku-ireech kēēlēku ōōtwook chēpō ngʼōōki. 7 Kii nēē kumēēro nkōō Kiriistō, /keetyaataareeneech kaamuuka nyēpō ngʼōōki. 8 Āmu kiikumēērō nkōō Kiriistō, kēērānēy nyuun kilē kusopyootēēn kilēē paani sāpoot :inyeentee. 9 Kiinkēt kilē /kiikuungʼeeta Kiriistō meerat, amaakumēērēy kuureer, kunyuun maakupāyuuy :meerat inyeentee. 10 Paani kiimēērēy Kiriistō, ku kiima sikuuwaangʼ kaamuuka nyēpō ngʼōōki kilē chiim akumāngʼiisyēy aniin kupāyiisyēēchinii Iriin. 11 Mārēy āsōwu ākwoonēēk kilē /kikeetyaaytaareenaak kaamuka nyēpō ngʼōōki. Ku maraat nyuun āpāyiisyēēchi Iriin kilēē paani pāyiisyēēchinii :Yēēsu. 12 Maakany nyuun kupaytaak :ngʼōōki sima-iraak a-ir tukun chēpō ngʼōōki. 13 Āmoochāmchi kamas aka tōkōl nyēpō pōōrwēyiikwook ku-ir ngʼōōki. Akanya kupāywook :Iriin āmu, /kiikēēsāruunēēnook meerat ānyōōru sopoon. Āpāyiisyēērēē pōōrwēyiikwook ku-ir tukun choo chāmēy :Iriin. 14 Māmārēy kutakupaytaak :ngʼōōki, āmu maakuriipook :ngʼātuut. Choomnyoot nyuun nyēpō Iriin nyi pāytooyook. 15 Ara nee nyuun? Kitas taay sōō kee-ir ngʼōōki, āmu chamat nyēpō Iriin nyi pāytooyēēch, maaku :ngʼātuut nyi riipēēch? Acha! 16 Inkēt sōō kilē nēē cham ilēku ōōtwookiintoo chiich, ku mārēy ituup kiyi mwoorēy :chiichoonēē? Nēē cham kupāyuun :ngʼōōki inyōōruuy meerat. Ku nēē cham ikoonyit Iriin, kuchāmiin :inyeentee. 17 Mpō ntā kiipāytooyook ngʼōōki, kēēmwoochinii Iriin kōōnkēy, āmu kyaacham nkōō moo ākoongʼo kiyoo /kiikiineetaak. 18 /Kiikiityaaytaareenaak ngʼōōki aku kiikupāywook :man. 19 Āmiiyaa ā-āmēy pooryoot ārārwook tukuuchu āmu tookuskusō nkōō sopoon nyēpō araa Kiriistō. Nkōō sopoon nyoongʼwoongʼ nyēpō taay, ku kyaakany kupaytaak :kaapkootuut chaa raacheen ākōō ngʼal choo mātiliilō. Ku paannyēēnyi nyuun, kēēmārēy kupaytaak :ngʼaleepō man ākōō tiliilin. 20 Paani kiitākupāywook :ngʼōōki, ku kiimāpāywook :ngʼaleepō man. 21 Ara, kāroomin nee nyoo kiikōōnook :ngʼaleechu kyaa-ir chu liilook paannyēēnyi? Āpuuy :ngʼaleechoochēē meerat. 22 Kunyuun, paannyēēnyi āmu /kiikeetyaaytaareenaak ngʼōōki akaakupaytaak :Iriin, ānyōōruuy nyuun man, aku lēt ānyōōru sopoon nyēpō ākōy. 23 Kunyuun, mālāk nyēpō :ngʼōōki ku meerat. Ku kōōnunō nyēpō :Iriin ku sopoon nyēpō ākōy kupunuunō Yēēsu Kiriistō Kiptaayaantēēnyoon.
