Rooma 5

1Kunyuun, kilēē paani /kiikeechameech kilē kipō man nēē kutiirēē keey Iriin, /kēētingʼēy kalya nkōō Iriin kupunuunō Kiptaayaantēēnyoon Yēēsu Kiriistō. 2Āmu kutiirēē keey Yēēsu, kēēnyōōruuy choomnyoot nyēpō Iriin ākēēnāmchi keey choomnyoonoonēē. Kupāypāyō āmu kiimoongʼuuy kilē /pākēētōrōōrēēch ākēētēpi nkōō Iriin. 3Mālēē nyoonēē kipaat, kupāypāyō mpō nēē kunyōōru kaa-iimuut, āmu kiinkēt kilē irēēch kaa-iimuut keemurtee. 4Nēē kimurta, kēēkiilyō. Nēē kukiilyō, kēēnyōōru kāāmoongʼunō nyoo ōōw. 5Aku māwiirtooyēēch kāāmoongʼunō āmu, /kiikukōōnēēch :Iriin Toomirmiiryeenyiin akukōōnēēch choomnyoot nyoo ōōw. 6Paani kiimākuumuukēy keey, kima :Meesaaya nkōō pērēētuu nyoo kii yamaat akipō achaan choo kii kilēē kipngʼōōkiis. 7Kōrōōm kuchamta keey :chiich kima akipō chiitō aka, akuumuukēē nyuun kuchamta keey :chiich kima akipō chiich nyoo lēē sikēn. 8Aku nyuun, kiingʼuutwēēch :Iriin choomnyēēnyiin āmu mpō ntā kiikiichaan kipngʼōōkiin kuuyooku Kiriistō kichō kima akipō achaan. 9Kilēē paani /kiikeechameech nyuun kilē kichaan piich choo tiliilēēn āmu kiitarta :Yēēsu kērētiichiich, ku sārwēēch nyuun :Iriin kupunuunō wēēriinyiin simēērwookwēēch pērēētuuni pō lēt akuwiirchēēch ma nyēpō ākōy. 10Paani kiikiichaan puun chēpō Iriin, ku /kiichoomnyēēch meeraa wēēriinyiin ākōō inyeentee. Ku paani /kiikēēchoomnyēēch ākōō Iriin, kēētingʼēy man kilē kunyōōruuy sopoon nyēpō ākōy āmu :Yēēsu ku sopoon. 11Kupāypāyō nyuun āmu kiichoomnyēēch :Kiptaayaantēēnyoon Yēēsu Kiriistō ākōō Iriin. 12Paani kii-ir :Aatam ngʼōōki, kupka ngʼōōki ngʼwēny, akwoopu :ngʼōōkistonoonēē meerat. Kichōōnchi nyuun :meerat chiich aka tōkōl āmu ki-ir :chiitōkōl ngʼōōki. 13Kiimii :ngʼōōki ngʼwēny kutoomō /kēēkōōnu ngʼātuut chēpō Muusa. Ntā kiimoomii :ngʼātuut /tāmākumwoorēy kilē kāput :chiich ngʼātuut. 14Kiipāytooy nyuun :meerat kimukuul mēt kitoomō mpō /kēēkōōnu ngʼātuut chēpō Muusa mpō ntā kiimaatay :pichoochēē Iriin kilēē wōloo kiitayta :Aatam. Makarkeey :Aatam nkōō Yēēsu amakarkeey :Yēēsu nkōō Aatam. Paani ki-ir :Aatam ngʼōōki, kwoopchi piich tōkōl meerat. Ku paani kiitētō :Yēēsu sopoontanyiin, kwoopchi piich tōkōl chamat nyēpō Iriin. 16Kii nēē kaaku-ir :Aatam ngʼōōki, kuurwoochi :Iriin piich tōkōl akutilchi kunyōōru siiteengʼwaangʼ. Ku paani ki-ir :piich chaa chaangʼ ngʼōōki nyuun, kuutēto :Yēēsu sopoontanyiin akipō achaan sikutilweech :Iriin kilē mākutingʼēy tisya. 17Kii :ngʼōōki nyēpō chiich ākoongʼo nyi kyoopchi piich tōkōl meerat. Aku chamat nyuun nyēpō chiich ākoongʼo nyi āpchinii piich tōkōl choo tiirēē keey Yēēsu sopoon akunyōōru /kēēnyōōchi kaat ngʼōōkiikwaak. 18Āmu kii :ngʼōōki nyuun nyēpō chiich ākoongʼo nyi ki-ir piich tōkōl /kēērwoochi /ākēētilchi kilē mēērsōōt. Ku kir nyuun ākoongʼo nyaa karaam nyoo ki-ir :chiitō aka mpō nyi ki-ir /keecham kilē tiliilō piich akunyōōru sopoon. 19Āmu maateer iit :chiich ākoongʼo Iriin, ku-ir :nyoonēē piich tōkōl kilēku kipngʼōōkiis. Āmu kiitēēr iit nyuun :chiich ākoongʼo Iriin, ku-ir :chiichoonēē /keecham piich chaa chaangʼ kilē pō man. 20Paani /kiikukōōnu ngʼātuut, kuchaangʼiit :ngʼōōki. Ku nēē chaangʼiit :ngʼōōki, kutasa mpō chamataa Iriin ku-ōōwiit. 21Paani kiipāyuuy piich :ngʼōōki, ku kyoopu meerat. Ku paanyēēnyi pāyuuy :chamataa Iriin piich chēpō man kwoopuuy sopoon nyēpō ākōy kupunuunō Yēēsu Kiriistō Kiptaayaantēēnyoon.

will be added

X\