Rooma 3

1Mii :kāroomin nee nēē Yāwuutyoon chiich? Ntā toorētēy nee :murwoo Yāwuutik? 2Man, mii :kāroomin nyoo ōōw nkōō oor aka tōkōl nēē chō Yāwuutyoon. Nyēpō taay, ku /kiikumwoochi Yāwuutik ngʼālyoontoo Iriin. 3Man kilē kiikutay :Yāwuutik chaa chaangʼ kuuran ngʼālyoontoo Iriin. Mpō ntā lēē nyoonēē oo, ara ngʼuutuuy :nyoonēē kilē /mākuurānēy Iriin? 4Acha! Mālēē nyoonēē. Mpō ntā ngʼuur :piich tōkōl nkōō ngʼwēny, kipō man :Iriin kilēē paani mwoorēy :siruut kilē, "Itingʼēē man irwookwoon āmu itilchinii piich kiirwook kutuup keey nkōō man." 5Muukēy :chiich kumwa kilē, "Nēē toorētēy :rāyiityēēnyoon piich kuurō kāroomin nyēpō Iriin oo, ku mākātāpāypāyiituuy :Iriin nēē kātēērwookēēch?" 6Acha, mālēē nyoonēē. Ntā kiilēē nyoonēē, ntā kiimuukēē kilē nee kuurwoochi :Iriin ngʼwēny? 7Muukēy :chiich aka kumwa kilē, "Nēē koo irēy :ngʼuurnaneenyuun Iriin kungʼuutu keey kilē tingʼēy man /ākēētōrōōr oo, kupō nee /sikeemwa kilē aneen kipngʼōōkiyoon?" 8Imuukēy mpō imwaa kilē, "Kee-ira ngʼōōki sikuchōōnō kir nyaa karaam." Mii mpō :piich walak choo ngʼāloolēēnēēch nkōō oor nyaa ra akumwoorēy kilē kumwoorēēchaan ngʼaleechoochēē. /Kuurwoochinii akwaaneek āmu yāmēy /kēērwoochi. 9Kumwoorēy nee nyuun? Ara ku kāroomēēchaan Yāwuutik kusiir piich walak? Acha! Kaakēēsip keemwaa kilē kiikupāyu :ngʼōōki piich tōkōl, nēē kā Yāwuutyoon ntā ku mā Yāwuutyoon. 10Mwoorēy :siruut kilē, "Moomii :chiich mpō ākoongʼo nyoo pēērēy keey. 11Moomii :chiich man nyoo nkēt Iriin. Moomii mpō :akoongʼo nyoo wāsēy inyeentee. 12Kiikumētō :tōkōl Iriin, maakutingʼēy :tōkōl man. Moomii :chiich mpō ākoongʼo nyoo irēy ngʼal choo kāroomēēn." 13Mwoorēy :siruut kilē, "Lēē :ngʼaleekwaak kawat aku ānyinyō :ngʼālyēēpikwaak kumwoorēy ngʼuurnan. Ngʼālyoon aka tōkōl nyoo mwoorēy ku ngʼwaan kilēē ngʼwoonoo kipaangʼwa." 14"Moomii kir nyoo mwoorēy kungʼātu kupāniisyō nkōō kuutuwayiikwaak choo ngʼwoonēēn." 15"Kwārkwārō :pichu kurumiisyēy. 16Ārii aka tōkōl yoo pēētii kuululuukēy tukun akuunyariil piich. 17Mēēnkēt :pichu kaalya." 18"Mēēwārēy :pichoochēē Iriin mpō kiitēēn." 19Kuunkēt kilē kir aka tōkōl nyoo mii siruut chēpō Iriin, kupāytooy pichu /kikusirchi siruutēchoochēē, simatuuk keey :chiich aka tōkōl sikuurwoochi :Iriin ngʼwēny tōkōl. 20Kunyuun, moomii :chiich nyoo chamaat nkōō taayuu :Iriin nēē tyam kutuup ngʼātuut āmu ngʼuutwēēch ngʼātuut kilē kii kipngʼōōkiin. 21Kiikungʼuutwēēch :Iriin oor nyoo rēēl nyoo kichāmēēnēēch keepee taayuunyiin. Kiisip kungʼalaala :Muusa ākōō ōōrkooy chēpō Iriin araanoonēē. Kir nyoo irēēch kuchameech :Iriin ku kēētiirō keey Yēēsu ākityōōn nēē kātākutuupēy ngʼātuut chēpō Muusa. /Kusāruuy chiich aka tōkōl nyoo kātiirō keey Yēēsu. Moomii /keemwa kilē ngʼoo ngʼoo 23āmu kiiku-ir :chiich aka tōkōl ngʼōōki nyoo mēēmuukēy ku-iti tōrōōrin nyēpō Iriin. 24Kiikuchameech :Iriin sikēētililiitu kupunuunō Meesaaya Yēēsu nyoo kiiwaleeneech sāpoontanyiin kuutyaayteech. 25Kikōōnu :Iriin Yēēsu /kee-ira kōrōs sikuuchoomnyō piich nkōō inyeentee nēē tiirō keey :chiich kilē kiitarta :Yēēsu kērētiichiich akipō inyeentee. Ki-ir :Iriin kilēē nyoonēē sikungʼuutu kilē pō man kuriira piich akunyōōchi kaat ngʼōōkiikwaak. Kutoomō kitarta :Kiriistō kērētiichiich /sikēēsārwēēch, ku kiiriira :Iriin piich akuupuuytoochi ngʼōōkiikwaak choo kiikiiku-ir. 26Kitooku aniinee kilē pō man :Iriin, nēē mwa kilē kiikutililiituuy kipngʼōōkiis āmu kiikutiirō keey Yēēsu. 27Ara, kulāsinii keey nee? Moomii :kir āmu nēē kutiirēē keey Yēēsu kuchameech :Iriin keepee taayuunyiin, mā nēē kuutyam kee-ir tukun choo kāroomēēn. 28Kiinkēt kilē kiikutililiit :chiich nkōō taayuu :Iriin nēē tiirō keey Yēēsu, mā āmu tuupēy ngʼātuut. 29Ara nēē lēē :Iriin ku Iriintoo Yāwuutik ākityōōn? Mā Iriintoo mpō piich choo mā Yāwuutik? Pō :Iriin mpō piich choo mā Yāwuutik. 30Mii :Iriin ākoongʼo, aku inyeentee nyi tilchinii piich kilē tiliilō nēē tiirō keey Yēēsu nēē kā Yāwuutik ntā ku mā Yāwuutik. 31Ara nēē kaakēētiirēē keey sōō Yēēsu kungʼuutuuy kilē kuumuukēy kēēmētō ngʼātuut? Acha! Mālēē nyoonēē, kimii achaan kēē-irēy kilēē wōli mārtooy ngʼātuut.

will be added

X\