Rooma 13

1Makaat ākoonyit piich choo pāytooyook āmu pāyuunāt aka tōkōl nyoo mii ngʼwēny ku kikōōnuuy :Iriin. 2Ku chiich aka tōkōl nyoo kwiintoochinii kaamuuka nyēpō kāāntōōy choo mii ngʼwēny kumii :chiichoonēē kukwiintoochinii kir nyoo kiikutil :Iriin akuurwoochinii :Iriin chiichoonēē. 3Āmwooraa kilēē nyoonēē āmu :piich choo irēy tukun choo kāroomēēn kumēēwārēy kāāntōōyiikwaak. Piich choo irēy tukun chaa raacheen chu wārēy kāāntōōyiikwaak. Nēē mārēy simēēwārēy kāāntōōy i-ir ngʼal chēpō man sikuuloosuun. 4Pāyiisyēēchinii :pichoochēē Iriin siku-iruun nyaa karaam. Ku nēē ir ngʼal chaa raacheen kuurookēē iwāriisyō, āmu tingʼēy :kāāntōōy kaamuuka kukōōnin siitāt. Irchinii :akwaaneek Iriin pāyit nyēpō man sikuutē chiich nyoo irēy ngʼal chaa raacheen siitāt. 5Makaat nyuun kēētuupēy kir nyoo mārwēēch :kāāntōōy. Mākutuupēy kipaat āmu muukēy kukōōnēēch :Iriin siitāt, acha, mālēē nyoonēē. Ituup āmu kuunkēt kilē karaam kee-ir kilēē nyoonēē. 6Kiyoonēē mpō nyoo irook ātētō kōōti, āmu irchinii :kāāntōōyichoochēē Iriin pāyit kuukiilchinii keey pāyiisyōōnoonēē. 7Karaam a-ir tukun choo mākootēēn a-ir. Makaat akwarta kōōti akaawar choo nyooluuy keewar, ākookoonyit piich choo rookēē /kēēkoonyit. 8Raaytee pēsēn aka tōkōl nyoo kirookiin kingʼātu choomnyoot, āmu chiich aka tōkōl nyoo chāmēy piich, ku kaaku-ir kir nyoo mwoorēy :ngʼātuut. 9Aroo kee ngʼātuut: 'Mēēsiir karwa,' 'mēērumiisyō,' 'mēēchōōrsyō,' 'āmēērōōti ngʼat koongʼ kiipō chiich' nkōō ngʼātuut walak tōkōl choo miitō. Rumēy :ngʼātuutyooni ākoongʼo chwēēchu tōkōl. Ngʼātuutyoonoonēē ku nyi mwoorēy kilē, "Icham piich walak kilēē wōloo ichāmtooy keey." 10Nēē ichāmēy chiich, ku mēē-irchinii tukun chaa raacheen. Choomnyoot nyuun kuusiltooy kiyoo mārēy :ngʼātuut. 11Ānkēt akwaan wōloo lēē ngʼwēnyu pērēētuusyēchu. Ku āngʼēētyēē nyuun ākookiilchi keey sopoon nyēpō piich chēpō Kiriistō āmu kiikulōōwiit kungʼeetee aran Yēēsu aku lēēkit kichō :Yēēsu paannyēēnyi kuumuteech keepa kēēmāngʼiisyēē nkōō inyeentee. 12Mii kurookēy :tuurin akimii ku-ituuy :lēpooyin. Kēē-istoorēē keey nyuun tukun chēpō tuurin akeenam chēpō lēpooyin. 13Kēēmāngʼiisyēē sopoon nyoo tookuunoot kilēē :pērēēt. Atayee keey tuumwēy choo ā-āmēy ākōy kusiirtō nkōō mpō pōōkito, takal choo ā-irēy ākōō koor ntā ku murēn ākōō takal walak. Mookwiintoochi keey āmoorōōti keey ngʼat koongʼ. 14Kanya kupāywook :Kiptaayaan Yēēsu Kiriistō amaaran a-ir mākuut chēpō ngʼōōki.

will be added

X\