Rooma 11

1Ātēēpaa nyuun kilē oo: Ara kiikuwiirta :Iriin Yāwuutik? Acha! Aneen Yāwuutyoon nyēpō kōpō Apraam ākoopō siintaaryaa Peenchaman. 2Māwiirtooy :Iriin piichiich choo kiisip kulēwēn. Moonkēt :akwaan kilē mwoorēy nee :siruut akipō :Eliicha, wōloo riirchinii Iriin kungʼāloolēē piich chēpō Israayeel nyaa ra? 3Kiimwa Eliicha kilē, "Iriintooni, kiikupar :pichu ōōrkooyiikuuk akumil kaapkōrōsiinēkuuk choo /ku-irēē kōrōs. Koongʼātu :aneen ākityōōn akimii mpō kuutyāmēy kuparan." 4Kiiwālchi nee :Iriin Eliicha? Kiimwoochi kilē, "Kyaatuuk :aneen piichuuch choo lēē ēlup tisap choo maaloosu Paal nyoo mwoorēy :piich walak kilē iriinteengʼwaangʼ." 5Kunyuun, ākōy paannyēēnyi, mii :piich chēpō Israayeel choo /kiikiituuk choo kiikulēwēn :Iriin nkōō chamateenyiin. 6Paani kiilēwēnēy :Iriin pichoochēē nkōō chamateenyiin, ku kir :nyoonēē nyoo kiiriira :Iriin akwaaneek kipaat. Maakilēwēn akipō kir nyaa karaam nyoo ki-ir pichoochēē. Ntā /kiikuriira akipō kir nyaa karaam nyoo ki-ir, ntā chamat nyēpō Iriin ku mā chamat. 7Maanyōōru nyuun :piich chēpō Israayeel kir nyoo kiiwāsēy. Choo kiinyōōru man ku choo kiilēwēnootēēn, ku chuuchō walak /kee-ir kukāriisyō mētēwēy 8kilēē paani mwoorēy :siruut kilē: "Ki-ir :Iriin kuyoomō :mētēwēy. Tingʼēy koonyin amēērōōstēērēē, tingʼēy iitin amātēērēy ngʼal ākōy paannyēēnyi." 9Mwoorēy mpō :Tāwuti kilē: "Kanya kilēku tuumwēyiikwaak ngʼērēpēēngʼwaangʼ. Kuuputyō akungʼwoonchi. 10Kanya kukōryō :koonyiikwaak simeerō kir aka tōkōl akilēku ōōtwook ākōy." 11Ātēēpēēnook nyuun kilē oo, ara /kiikukwat piich chēpō Israayeel takuuputyō nyoo maakuuryoongʼsōōt? Acha! Āmu kiileel :pichoochēē, ku /kiikusāru piich choo mā Yāwuutik sikunyōōru :Yāwuutik ngʼat koongʼ. 12Kii nēē ir ngʼōōki :Yāwuutik, kunyōōru :ngʼwēny tōkōl pēēruur. Ku nēē /kiikuupēēruur nyuun piich choo kii mā Yāwuutik kupunuunō lēēluut chēpō Yāwuutik oo, ku tyaan nyuun pēēruur nyoo nyōōruuy ngʼwēnyuuni nēē siku Yāwuutik. 13Āmii āngʼāloolwook choo mooyāwuutik. /Kiikee-iraa ālēku kāāyooytooyiintoo piich choo mā Yāwuutik. Kunyuun, āmwoochinaa Iriin kōōnkēy akipō pāyiisyeenyuun, 14āmu āmāraa a-ir piichuuch chu lēē Yāwuutik kunyōōru ngʼat koongʼ /sikēēsāru akwaaneek walak. 15Paani kiitay :akwaaneek Kiriistō, /kēēchoomnyō ngʼwēny nkōō Iriin. Ku nēē cham :akwaaneek aniin oo, kulēkuuy nee? Lēkuuy yoo /kakuungʼeeta piich meerat. 16Kilēē paani kiicham :Iriin kilē pō man Apraam, /kēēchāmēy mpō kilē tiliilō :laakōōchiich. Nēē kāroomō :iiriin chēpō keet, ku kāroomō mpō :tāmoorichiich. 17Karkeey :piich chēpō Kiriistō nkōō keet, ku karkeey :Apraam nkōō irin nyēpō kēētoonēē. Kiilēy :kēētoonēē nēē kiiloot :irinee. Kiiyapta :Iriin tāmoor walak choo maaran Kiriistō, akaakarkee :akwaan nkōō tāmoor chēpō kēētit aka nyoo /kakunam /akeenaamta kēētpō Apraam. Āriip keey amoo-āp keey im, akaapkaat nyuun kilē :irin nyi tiirēy tāmoor ama tāmoor choo tiirēy irin. 19Āmuukēy amwaa kilē, "/Kikuyapta tāmooriichuuchō /takeekeereeneech." 20Man, /kiikuyapta āmu kiimaatiirō keey Kiriistō, /akeenaamtaak kēētoonēē pō man āmu kyootiirēēkwaan keey Yēēsu. Āmēē-āp keey im nyuun. Makaat āriip keey, 21āmu nēē kiimēēmuukēy :Iriin kuutuuk tāmoor choo kiipiititooy kēētoonēē oo, /keemwa nee nkōō akwaan choo /kikuunaamtaak, māyāptooyook mpō? 22Aroo nyuun wōloo lēē kāroomin ākōō ngʼwoonin nyoo kōōnuuy :Iriin. Kōrōōm nkōō wōloo mii :piich choo kiikuchuunnyō nkōō ngʼaleechiich aku karaam :moo nkōō wōloo āmiikwaan nee atas taay kipaat ātiirēē keey inyeentee. Ntā kilēēn, ntā /kupātālook mpō. 23Ku nēē wāliisyō :Yāwuutik kutay ngʼaleekwaak akutiirō keey Iriin /kēēnoomtooy yi /kākuyāptoorēē, āmu tingʼēy :Iriin kaamuuka kuunoomchi yoonēē. 24Kyaapkaaneekwaan kēētpō musēytuun nyoo maatoot :chiich /akeenaamtaak keet nyoo /kiikutoot mpō ntā /kimēērookēē /keenaamtaak. Ara moopkootēēkwaan kilē tookēy kilē weel :Iriin tāmooriik choo /kiikuyapta takupka kēētit nyi /kiikuyāptoorēē? 25Tuupchēēnichuuch, āmāraa āmwoorwook kir nyoo kiingʼuutwoon :Iriin, aku moomāraa ā-āp keey im. Nyikiisō :mētēwēy chēpō Yāwuutik walak kutiirō keey Yēēsu ākōy /kēēsāru piich tōkōl choo mā Yāwuutik choo tiirēē keey Yēēsu. 26Paani /kaakēēsāru piich tōkōl choo mā Yāwuutik, /kēēsāru nyuun piich chēpō Israayeel kilēē paani /kiikusir kilē, "Chōōnēē :Sāruuniin Saayoon, aku-ir piich chēpō Israayeel kutililiituuy nkōō taayuunyiin. 27Ā-iraa miis nkōō akwaaneek nyoo ā-istoorēē ngʼōōkiikwaak." 28Puun :Yāwuutik paannyēēnyi chēpō Iriin āmu kiitay lōkōōy choo kāroomēēn. Ku nyuun, āmu kiitay :akwaaneek lōkōōyichoochēē, /kēēkōōnook lōkōōyichoochēē. Aku tākuchāmēy nyuun :Iriin pichoochēē, āmu kiisip kulēwēn kuukātiinākwaak. 29Māwālēy :Iriin kaapkootuutēchiich akipō kir nyoo kiiyoomiis piich nkōō kir nyoo kiikuurchi ku-ir. 30Kiimaateer :akwaan iit Iriin taay, ku nee tay :Yāwuutik riirana nyēpō Iriin, kuriireenaak :Iriin. 31Kilēē paani kiimaaran :akwaan Iriin, ku mēērānēy :akwaaneek paannyēēnyi Kiriistō. Ku kilēē paani kariireenaak :Iriin, ku riirēē mpō :Iriin pichoochēē. 32Kiichāmchi :Iriin piich tōkōl kumāngʼiisyō sopoon nyoo tāyēy inyeentee sikuriira :inyeentee piich tōkōl. 33Lēyyē, ōōw Iriin! Tyaan kēny :pēēruurtanyiin ākōō ngʼoroomnyeenyiin. Nkēt ngʼal chaa tyaan! Moomii :chiich nyoo muukēy kusōwu kaapkootuutēchiich ākōō wōloo lēē oortineechiich! 34"Ngʼoo :nyoo muukēy kusōwu kir nyoo pkootēy :Iriin? Ntā ngʼoo :nyoo tukoonēy Iriin?" 35"Ngʼoo :nyoo kiikuutō Iriin kir kilē sikurookwoon :Iriin?" 36Kii-ir :Iriin kir aka tōkōl nyoo mii ngʼwēny, akupkoonēē :tukun tōkōl wōloo mii :inyeentee, aku chaachiich :tukuuchoochēē tōkōl. Kunyuun, tōrōōr :Iriin ākōy. Lēē nyoonēē!

will be added

X\