Ngʼoongʼuut 9

1Kukuut :malayka nyēpō muut ryampuu nyaanyiin, aroo kookeelyaan nyoo kiichinuuna parak kuchō ngʼwēny. /Kēētō kookeelyaantaanoonēē yootēywoontoo kēpēnoo kōōroo ooy. 2Paani kayaat kēpēnoonoonēē, kuchōōnō :iirēt nyoo ōōw nyoo lēē nyēpō ma nyoo ōōw kitya. Kituuriit parak akutuuriit asiis nkōō iiroonoonēē. 3Kiitiriirunō :kipeereer iiroonoonēē kupka ngʼwēny choo /kiikiitē kaamuuka kusur kilēē tookool. 4/Kiikumwoochi kipeereerichoochēē kimangʼam suuswoon aka tōkōl nyēpō ngʼwēny, ntā ku kir aka tōkōl nyaa nyariil ntā ku keet aka tōkōl, aku kungʼam kipaat piich choo mātingʼēy turwoo Iriin nkōō tōkōōchikwaak. 5/Kiimākuchāmchinii :kipeereerichoochēē kupar pichoochēē, aku kuunyariil pichoochēē nkōō āroo muut. Aku ngʼwoonin nyoo kiinyōōruuy :pichoochēē kilēē nyēpō surwaa :tookool. 6Āmu nyoonēē nyuun kuwāsēy :piich nkōō pērēētuusyēchoochēē meerat amanyōōruuy, wiisēē nyuun :meerat akwaaneek. 7Kii lēē :kipeereerichoochēē paraasiin choo chēpootēēn kupa pooryoot. Kiilookēy tukun choo lēē kuutwēēn choo /kiiku-ira kōōlti akiilēē tōkōōchikwaak chēpō piich. 8Kii koorō :puutēkwaak kilēē chēpō chēēpyōōsōōy, akiilēē keeleekwaak chēpō ngʼētuny. 9Kiitingʼēy loongʼoo takat nyoo lēē nyēpō karin akiichārēy :kapapayiikwaak kilēē kariin chaa chaangʼ choo chuutēy :paraasiin kumwērēy kupēētii pooryoot. 10Tingʼēy :kipeereerichoochēē saaruuray choo surēy piich kilēē tookool, aku nkōō saaruurayiikwaak kutingʼēy kaamuuka nyoo muukēy kuunyariil piich nkōō āroo muut. 11Tingʼēy :kipeereerichoochēē pāytooyiin nyoo malaykayaantaa kōōroo ooy. Kaarinaa :malaykayaantaanoonēē nkōō kuutii Ipuraanik ku Apātōōni ntā nkōō kuutii Kirikiik ku Apōōlyōōn nyoo ngʼuutuuy kilē ngʼāmiin. 12Kaakusiirtō :ngʼwoonin nyēpō taay. Mii :walak ārēēny choo pkoonēy. 13Kikuut :malayka nyēpō lo ryampuunyiin, nkōō yoonēē ateer kuut nyoo kichōōnō :kuuyiir angʼwan chēpō kaapkōrōsuu kōōlti nyoo mii taayuu Iriin, 14kumwoochi malaykayaantaanoonēē pō lo kilē, "Tyaaytee malaykeenichoochēē angʼwan rātootēēn nkōō ēēnoonēē ōōw pō Yuuprēēt." 15/Kiikiityaayta malaykeenichoochēē angʼwan. /Kiikiikēēchēp akipō kēnyiinnyēēnyi, araawaanyēēnyi, pērēētuunyēēnyi ākōō saayitiisyachwēēchu kupar mu ngʼwēny tōkōl kareeran ākoongʼo nkōō sōmōk nyēpō piich. 16/Kiikumwoorwoon kilē ēlup tiptēm kunyil ēlup taman :piipō pooryoot choo kiitingʼēy paraasiin. 17Nkōō ngʼoongʼuut nyoo kyoonyōōru ku kyaaroo paraasiinēchoochēē nkōō piich choo kakasan. Kiitingʼēy loongʼootineechoochēē pō takat, choo kii pirirō kilēē ma, choo mārēy ku āruusō ku walak ku kipkalaas. Kii lēē :mētēwēyiipō paraasiinēchoochēē chēpō ngʼētuny, kiichōōnēē kuutuwayiikwaak ma, iirēt ākōō korin choo lārsōōt. 18Kipar piich kareeran ākoongʼo nkōō sōmōk mu ngʼwēny tōkōl tukuuchoochēē, kiipkoonēē :kuutuweeyiipō paraasiinēchoochēē: ma, iirēt ākōō koriichoochēē kiilārootēēn. 19Kiimii :kaamuukaa paraasiinēchoochēē kuutuwayiikwaak ākōō saaruurayiikwaak, āmu lēē :saaruurayiikwaak mētēwēyiipō kipaangʼōōy choo tōōrēē piich. 20Piich tōkōl nyuun choo maamēērō nkōō kōrōōytiinēchu ku maawāliisyō. Kiitas taay kukutunchi ooy chaa raacheen ākōō kāānoomōōn choo kii-irēē :akwaaneek kōōltiin, peeteen, syaapa, korin ntā ku keet. Kāānoomōōn choochēē choo mēērōōstooy amātēērtooy amāpēētii. 21Amaawāliisyō :pichoochēē nkōō ngʼōōkiikwaak chēpō rumiisyō, pan, takal, ākōō chōōrsyō.

will be added

X\