Ngʼoongʼuut 4

1Nēē mii yoonēē, /kēēngʼoongʼwoon kurkat nyoo kiyaata mu kipsēnkwēt. Ateer kuut kilēē ryampu nyoo lēē nyi kiikaatēērēy kungʼāloolwoon. Kumwa kilē, "Chōōnō wōli pō parak soongʼuutuun tukun choo iriisōōt lētuun." 2Kinaman kilē weel :Toomirmiir, akaaroo ngʼacharaa pāyunāt mu kipsēnkwēt nyoo kātēpō :chiich. 3Kiiryālēy :tokochpō chiichoonēē kilēē kor pō almaasi aku lēē kor nyoo pirir nyoo lēē pukat. Kiimuruut yoonēē kiitēpēē :chiichoonēē :kuuynoo pan nyoo kiipkāngʼēy nyoo nyariil kilēē kōr nyoo /kukuurēē simāriitiit. 4Kiikiimuruut ngʼacharaanoonēē ōōw :ngʼachareenik walak choo lēē tiptēm nkōō angʼwan chēpō pāyuunāt, akiitēpēē ngʼachareenichoochēē :pooy choo lēē tiptēm nkōō angʼwan. Kiilookēy :pooyichoochēē sirōōy choo reelacheen akuulookēy kuutwēēnipō pāyuunāt choo /kiiku-ira kōōlti. 5Kiiryāluuy ngʼacharaanoonēē ōōw akutulēy kitya. Kilārsōōt :teereer tisap nkōō taayuu ngʼacharaanoonēē. Kii toomirmiirēyiipō Iriin teereerichoochēē. 6Kiimiito :kir aka taayuu ngʼacharaanoonēē nyoo lēē araaray nyoo kii ryēlēy kilēē kiiyōōy. Kiikiimuruut ngʼacharaanoonēē ōōw :tukun angʼwan choo sāpyootēēn akiinyir :koonyin pōōrwēyiikwaak taay ākōō lēt. 7Nyēpō taay nkōō tukuuchoochēē ku kiilēē ngʼētuny, ku nyēpō ārēēny ku kiilēē kiiruk, nyēpō sōmōk ku kiilēē :tokochtiinyiin nyēpō chiich, ku nyēpō angʼwan ku kiilēē siirērō nyoo tiriirtooy. 8Kiitingʼēy :tukuuchoochēē tōkōl kapapay lo choo kiinyir :koonyin kāmoosik tōkōl. Kiimāchoosōōt :tukuuchoochēē pērēēt ākōō langʼa kumwoorēy kilē, "Tiliil, tiliil, tiliil :Kiptaayaan Iriin nyēpō kaamuuka tōkōl, nyoo kiimii, akimii aku tākuchōōnēy." 9Kii nēē mii :tukuuchoochēē kuutōrōōrēy, kuukoonyitēy akimwoochinii kōōnkēy inyeentee nyoo pāytooy aku sopoot ākōy, 10ku kiiputinii :pooyichoochēē lēē tiptēm nkōō angʼwan taayuu chiichoonēē tēpēē ngʼacharaa pāyuunāt, akukutunchinii nyoonēē sopoot ākōy. Kiitēnii :pooyichoochēē kuutwēēnikwaak taayuu ngʼacharaanoonēē akimwoorēy kilē, 11"Iriin nyoo ichō Kiptaayaantēēnyoon, nyooluuy /kēēloosuunyēēn nyoo itingʼēy kaamuuka /ākēēkoonyitin, āmu ki-ir kir aka tōkōl. Kii-iriisyō :tukuuchoochēē tōkōl akusāpsōōt āmu kiimārēēnyēēn kilēē nyoonēē."

will be added

X\