Ngʼoongʼuut 21

1Nēē mii yoonēē, aroo parak nyoo rēēl ākōō ngʼwēny nyoo rēēl, āmu kiikiikusiirtō :parak ākōō ngʼwēny nyoo kiipō taay ākiikupēt :araaray. 2Kyaaroo kōōr nyoo tiliil, kōōroo Chēērusālēēm nyoo rēēl, kurēkunēē kipsēnkwēt wōloo mii :Iriin. Kiirēkuuy kuchēpoot kilēē cheeroos nyoo kiikii-iil kichō kutuuyō ākōō saanteenyiin. 3Kyaateer kuut nyoo ōōw nyoo kiichōōnēē ngʼacharaa pāyuunāt kumwoorēy kilē, "Aroo kee, mii :Kōpō Iriin kwēēnuu piich. Māngʼiisyēy :Iriin ākōō akwaaneek, akilēku piichiich. 4Puukēy :Iriin lōōk tōkōl nkōō koonyiipō pichoochēē. Amaakumii meerat ntā ku kaa-iim ntā ku riirat ntā ku ngʼwoonin, āmu kiikusiirtō tukun choo kiipō taay." 5Kimwooru :chiich nyoo kiitēpēē ngʼacharaa pāyuunāt kilē, "Aroo kee! Āmii ā-irēy kir aka tōkōl kurēēliit," akuureer kumwooru kilē, "Sira ngʼaleechu, āmu pō man, aku ngʼal choo /kiirānēy." 6Kumwoorwoon :chiichoonēē kilē, "Kaakuuwoonyō. Aneen Alpa ākōō Omeeka, ātoowuuy ākoowoontooy. Chiich nyoo āmēy :maral, ātēnii pēr choo mā-ālēy choo pkoonēē koongʼ pō pērēēpō sopoon. 7Nyōōruuy :chiich nyoo kēēpēliisyō tukuuchoochēē tōkōl aku ālēkuuy Iriintēēnyiin akilēku :inyeentee laakweenyuun. 8Aku piich choo wāriisyēy, choo mēērānēy, kipngʼōōkiis, rum ākōō choo irēy takal, kipaniis ākōō choo kutunchinii kāānoomoon, ntā ku ngʼuur tōkōl, /kuwiirchinii pichoochēē tōkōl araaraypō ma ākōō korin choo larsōōt. Meeraa ārēēny :nyēēnyi." 9Kuchō :malaykayaantee aka nkōō chu kii tisap chu kiitingʼēy kētupoon tisap choo kiinyir kōōrōōytiinā tisap chēpō lēt. Kimwoorwoon kilē, "Chōōnō, āngʼuutuun cheeroosyee nyoo lēkuuy cheepyoosoo Waawaa keecha." 10Kyoopān :malaykayaantaanoonēē nkōō kaamuukaa Toomirmiir nyoo Tiliil ākōy tul nyoo ōōw aku koor kitya. Kingʼuutwoon kōōroonoonēē tiliil pō Chēērusālēēm, kurēkunēē kipsēnkwēt wōloo mii :Iriin. 11Kiipkāngʼēy :kōōroonoonēē nkōō lēpooyinpō Iriin. Kiilēē lēpooyintanyiin nyoo pō korin choo ryālsōōt /ākēē-ālēē rōōpiyō chaa chaangʼ akuupkāngʼēy kilēē kiiyōōy. 12Kiitingʼēy :kōōroonoonēē karwa nyoo ōōw aku koor kitya nyoo /kiikuteeka korin akiitingʼēy koopoortiin choo pārooyēēn taman nkōō ārēēny ākōō malaykeen taman nkōō ārēēny choo kiimii koopoortiinēchoochēē. /Kikusirchi koopoortiinēchoochēē kaariin taman nkōō ārēēny chēpō oortineepō piipō Israayeel. 13Kiimii :koopoortiinēk sōmōk kamaspō koongʼasiis, sōmōk kamaspō ēēruu taay, sōmōk kamaspō ēēruu lēt ākōō sōmōk kamaspō cheeronkō. 14/Kiikusisinō karwaanoonēē korin taman nkōō ārēēny /ākiikusirchi koriichoochēē kaariin taman nkōō ārēēny chēpō kāāyooytooyiipō Waawaa keecha. 15Kiitingʼēy :malayka nyoo kingʼāloolwoon kaaryaa kōōlti nyoo /kiikuupiimanēē kōōroonoonēē, koopoortiinēchiich ākōō karweenyiin. 16Kii karkeey :kāmoosik tōkōl chēpō kōōroonoonēē. Kiipiimana :malaykayaantaanoonēē kaaryaanoonēē kōōroonoonēē. Kiilēku kōōroonoonēē kiilomiiteen 2,220 nkōō koorin, tāpēēsin ākōō mpō tōrōōrin. 17Kiipiiman mpō :malaykayaantaanoonēē karwaa kōōroonoonēē, nyoo kii-it miiteen 65. Kiituup malaykayaantee kilēē wōloo piimāntooy :piich. 18/Kiikuteeka karwaanoonēē korin choo ryālsōōt choo ku-ālēē rōōpiyō chaa chaangʼ, /keeteeka kooriipō kōōroonoonēē kōōlti nyoo tiliil nyoo kiiryālēy kilēē kiyōōy. 19/Kiikunaap korin choo /kiikusisinō karwaa kōōroonoonēē nkōō korin choo ngʼuloongʼulēy choo /ku-ālēē rōōpiyō chaa chaangʼ. Nyēpō taay ku Chasipi, ku nyēpō ārēēny /kēēkuurēē sapire, nyēpō sōmōk /kēēkuurēy kālkēētōōn, nyēpō angʼwan sumaraktō 20aku nyēpō muut ku sārtōōnuksō, nyēpō lo ku sartiiyōōn, nyēpō tisap ku kiriisōliitō, nyēpō sisiit pēruulō, nyēpō sokool topaasyō, nyēpō taman kirusopiraaso, nyēpō taman nkōō ākoongʼo ku u-akiinto, nyēpō taman nkōō ārēēny āmētuustō. 21/Kiiku-ira koopoortiinēchoochēē kii taman nkōō ārēēny kāriin choo ēēchēēn kitya. /Kiku-ira koopoor aka tōkōl karin ākoongʼo. /Kiikuteeka aree nyoo ōōw kōōlti nyoo tiliil nyoo lēē kiiyōōy. 22Maaroo Kōpō Iriin nkōō kōōroonoonēē, āmu māngʼēy wōloonēē :Kiptaayaan Iriin nyoo pō kaamuuka tōkōl ākōō Waawaa keecha. 23Māmārēy kōōroonoonēē kuulopoochi :asiis ntā ku araawa, āmu pkāngʼēy :lēpooyinpō Iriin, aku taayitiinyiin :Waawaa keecha. 24Pēērootēērēē :piich lēpooyintonoonēē aku āpēy :pāytooyiipō ngʼwēny tōrōōrin wōloonēē. 25Yootootēēn :koopoortiinēpō kōōroonoonēē pērēētuu aka tōkōl /amakukārēy, āmu moomii :tuurin wōloonēē. 26/Ku-āpēy ōōwin ākōō tōrōōrin nyēpō kōōrootin kiwō kōōroonoonēē. 27Māchuutēy :kir nyoo mā tiliil kōōroonoonēē, ntā ku chiich nyoo irēy kir nyoo /kisāsēy, ntā ku ngʼuuriin. Piich choo chuutēy kōōroonoonēē ku choo /kiikeesirchi kaariikwaak kiitapuu sopoon nyēpō Waawaa keecha kipaat.

will be added

X\