Ngʼoongʼuut 20

1Kyaaroo malayka kuchōōnēē kipsēnkwēt kutingʼoonuuy yootēywoon nyēpō kēpēnoo ooy akiinam angʼwa nkōō ēēruunēchiich. 2Kinam :malaykayaantaanoonēē kipaangʼwaanoonēē ōōw kiipō kēny nyoo Syeetaani aku Puunyoon, akurat kēnyiis ēlup ākoongʼo. 3Kuwiirchi :malaykayaantaanoonēē Syeetaani kēpēnoo kōōroo ooy. Kikarchi wōloonēē akimaal kurkee simātākuumēlmēēl piich ākōy kurook :kēnyiisyēchoochēē lēē ēlup ākoongʼo. Nēē siirtō :nyoonēē, /keetyaayta nyoo matyaan. 4Nēē mii yoonēē, aroo ngʼachareenipō pāyuunāt ākōō piich choo kātēpō ngʼwēny nkōō ngʼachareenichoochēē, akaaroo /kēētēnii kaamuuka kutil kiirwook. Areer aroo toomirmiirēyiipō pichoochēē /kiikutiltooy mētēwēyiikwaak, āmu kiimwaarta Yēēsu ākōō ngʼālyoontoo Iriin. Kiimaakutunchi :pichoochēē tyoonyoonēē ntā ku kāānoomwēēnyiin amātingʼēy turwoo pēēruutyoo tyoonyoonēē nkōō tōkōōchikwaak ntā ku ēēruunēkwaak. Kusāpyō :pichoochēē akupayta ākōō Kiriistō kēnyiis ēlup ākoongʼo. 5Ngʼeetataa meerat :nyi nyēpō taay. (Maasopyō :piich walak choo kiikumēērō kuti kuuwoonyō :kēnyiisyēchoochēē ēlup ākoongʼo.) 6Pēēruurootēēn aku tiliilō :pichoochēē nyōōruuy ngʼeetataani pō taay. Mānyōōruuy akwaaneek :meerat nyoo pō ārēēny, aku irchinii :akwaaneek Iriin ākōō Kiriistō pāyit aku pāytooy ākōō Kiriistō kēnyiis ēlup ākoongʼo. 7Nēē woonyō :kēnyiisyō ēlup ākoongʼo, /kēētyookuunō Syeetaani wōloonēē /kiikurāti. 8Kiwō kuumēlmēēlootō piipō ngʼwēny nkōō kāmōōs tōkōl chēpō ngʼwēny. Wēētiiy kōōroo Kōk ākōō Mākōk akuurum piipō pooryoot choo tēēnō asyaak. 9Kiipkaana :luk ngʼwēny tōkōl akuumuruut wōloo māngʼēy :piipō Iriin nkōō kōōroonoonēē chāmēy :Iriin. Aku kiichō :ma nkōō parak akulukur lukoonoonēē. 10/Keenam Syeetaani nyoo kiimēlmēēlēy pichoochēē, /ākēēwiirchi araaraypō ma nyoo tingʼēy korin choo larsōōt. Wōloonēē :wōloo /kiikuwiirchi tyoonyoonēē ākōō ōōrkooyoontoonoonēē pō ngʼuurnan. Nyārilsōōt :pichoochēē kilēē nyoonēē pērēēt ākōō langʼa ākōy. 11Nēē mii yoonēē, aroo ngʼacharaa pāyuunāt nyoo rēēl aku ōōw ākōō chiich nyoo tēpēē yoonēē. Kuwiis ngʼwēnyu ākōō parak nkōō taayuunyiin, amaanyōōru yoo ka-ungʼa keey. 12Kyaaroo piich choo kiikumēērō, choo ēēchēēn ākōō choo mēnkēēchēēn. Kiimii :pichoochēē kuuryoongʼēē taayuu ngʼacharaa pāyuunāt /akiikuyaat kiitapuus. /Kiikuyaat mpō kiitapuu sopoon. /Kiikutilchi kiirwook pichoochēē kiikumēērō kutuup keey nkōō kiyoo kii-ir :chiich, kilēē wōloo sirootēēn mu kiitapuusyēchoochēē. 13Kiikōōnu :araaray piich choo kiimēērchi wōloonēē. Kukōōnu :mpō Meerat ākōō kōōroo ooy piich choo kiikumēērō choo kiimii wōloonēē. /Kiikutilchi pichoochēē kiirwook kutuup keey nkōō kiyoo kii-ir :chiich. 14Nēē mii yoonēē, /keenam Meerat ākōō kōōroo ooy /ākēēwiirchi araaray pō ma. Mayoonēē ku meerat nyēpō ārēēny. 15Aku chiich nyoo /maakisirchi kaarineenyiin kiitapuu sopoon ku /kiikuwiirchi araaray nyēpō ma.

will be added

X\