Ngʼoongʼuut 2

1Sirchii ngʼaleechu malaykayaantaa kaaniisaa Ēpēēsō: Lōkōōy :chu choo pkoonēē chiichoonēē kanam kookeelichoochēē tisap nkōō ēēruunyiin nyēpō taay akumānootēērēē kwēēnuu tukuuchoochēē tisap /kiikōōnōōrēy tayitiis chu /kiiku-ira kōōltiin. 2Ānkēt kiyoo kyaa-ir :akwaan, ākoonkēt pāyiisyēēngʼwoongʼ nyoo kōrōōm ākōō murtaareengʼwoongʼ. Ānkēt kilē ātāyēēkwaan kipngʼōōkiin. Kyaatyam mpō pichoochēē kuurēē keey kāāyooytooyiipō Iriin ama kāāyooytooyiik, akukyaaroo kilē ngʼuur :pichoochēē. 3Kyoomurtoochi nyāriluut akipō kaarineenyuun aku toomō āchoosyō. 4Mpō ntā lēē nyoonēē, ātingʼēēnook ngʼālyoontooni: Kyoomētēēkwaan choomnyēēngʼwoongʼ nyoo kiipō taay. 5Apkaata yoo kyooputyēērēē ākoowāliisyō a-ir tukun choo kyoo-irēy taay. Ku nēē moowāliisyō āchōōnchinook akaangʼusu kiingʼwoongʼ nyi /kiikōōnōōrēy taayit. 6Aku ngʼal :chu choo kāroomēēn akipō akwaan: āsāsēy ātēpuutēpō pichoochēē /kukuurēē Nikolaayik choo āsāsaa :mpō. 7Nyoo tingʼēy iit kuteer kiyoo mwoochinii :Toomirmiir nyoo Tiliil kaaniiseenichiich. Āchāmchinii chiich nyoo kēēpēliisyō kwaam choo pkoonēē keetpō sopoon nyoo mii Paratisō nyēpō Iriin. 8Sirchii ngʼaleechu malaykayaantaa kaaniisaa Simirna: Lōkōōy :chu choo pkoonēē inyeentee nyēpō taay aku pō lēt, nyoo kiima akusop. 9Ānkēt usāt nyoo kyoonyōōru ākoonkēt mēēywoontiingʼwoongʼ, aku akwaan mōkōrō! Ānkēt mpō seemseem nyoo āmēēnook :Yāwuutik choo kuurēy keey kilē pō Iriin ama pō. Pō :pichoochēē Syeetaani. 10Maawar kir aka tōkōl nyoo anyārilēy. Irēy :Syeetaani /keerat mu korkoreet walak nkōō akwaan /kuutyamaak /akēē-usook pērēētuus taman. Ātiirēēnoon keey mpō nēē /kumar /keeparaak. Ākōōnook mālāk nyēpō sopoon. 11Nyoo tingʼēy iit kuteer kiyoo mwoochinii :Toomirmiir nyoo Tiliil kaaniiseenichiich. Chiich nyoo kēēpēliisyō ku mānyōōruuy ngʼwoonin mpō kiitēēn nkōō meerat nyēpō ārēēny. 12Sirchii ngʼaleechu malaykayaantaa kaaniisaa Pērkāmōōn: Lōkōōy :chu choo pkoonēē :inyeentee nyoo tingʼēy rōōtwoo chōōk nyoo litaat kāmōōsik tōkōl. 13Ānkēt kilē āmāngʼēy wōloo pāyuuy :Syeetaani, aku nyuun āmii ākiilchinoon keey. Amaatay mpō areenyuun nkōō pērēētuusyēchoochēē kiipō Antipaas āmtooyiintēēnyuun nyoo kiiryoongʼō man nyoo /kiikupar nkōō kwēēnuungʼwoongʼ wōloonēē māngʼēy :Syeetaani. 14Aku nyuun ātingʼēēnook kwiintaan choo ngʼērin āmu mii :piich kwēēnuungʼwoongʼ choo tuupēy koonēētiisyoo Palaam nyoo kiisaarsaar :Palak kuuchuunnyō piipō Israayeel kwaam kōrōs choo kaku-irchi kaanaamoon aku-ir takal. 15Akimii mpō walak choo tuupēy ngʼal choo lēē choochēē choo nēētēy :Nikolaayik. 16Kunyuun, āwāliisyēē! Nēē moowāliisyō, āchōōnchinook kilē weel ākoopooryēērēē pichoochēē nkōō rōōtwoo chōōk nyoo chōōnēē kuutiinyuun. 17Nyoo tingʼēy iit kuteer kiyoo mwoochinii :Toomirmiir nyoo Tiliil kaaniiseenichiich. Ātēnii chiich nyoo kēēpēliisyō maana nyoo /kiiku-ungʼ. Ākootēnii chiichoonēē kor nyoo rēēl nyoo /kiikusirchi kaarin nyoo rēēl nyoo mēēnkēt chiich aka kingʼātu inyeentee nyoo /kuutēnii koroonēē. 18Sirchii ngʼaleechu malaykayaantaa kaaniisaa Tyaatiira: Lōkōōy :chu choo pkoonēē Wēēroo Iriin nyoo lārsōōt :koonyiichiich kilēē ma akuuryālsōōt :kēēlyēn kilēē kir nyoo kōryōōlēy piich. 19Ānkēt rāyiityēēngʼwoongʼ, choomnyēēngʼwoongʼ, kaaraneengʼwoongʼ, pāyiisyēēngʼwoongʼ ākōō murtaareengʼwoongʼ. Ānkēt mpō kilē āmii ākiilēy keey kitya kusiir taay. 20Aku nyuun ātingʼēēnook kwiintaan nkōō ngʼālyoontooni: Āmurtoochinii Cheeseepeel, cheepyoosoonoonēē kuurēē keey ōōrkooyoontoo Iriin, kiineet akungʼaal kipāyitiinēchuuch kii-ir takal akwaam āmiisyō nyoo kāku-irchiinō kōrōs kāānoomōōn. 21Kyootē cheepyoosoonoonēē pārooyin kuwala nkōō takalaantiinyiin, ku maakucham kuwala. 22Kunyuun āwiirchinii inyeentee kōrōōy akaa-ir pichoochēē kii-ir takal tōkōl kunyaril kitya, nēē māwāliisyō nkōō ngʼalēēchoochēē pō cheepyoosoonoonēē. 23Āpārēē laakōōpō cheepyoosoonoonēē meerat. Yoonēē nyuun yoo sōwuunēē :kaaniiseen tōkōl kilē aneen :nyoo āsyookēy kāāpkootuutēpō piich tōkōl ākōō kiyoo mārēy :pichoochēē. Ākootēnii chiich aka tōkōl kutuup keey ākōō kiyoo kiiku-ir. 24Aku akwaan walak nkōō Tyaatiira, choo maanam koonēētuutēchoochēē pō cheepyoosoonoonēē, amaaneet keey tukun chēpō kwongʼuut choo ungʼootēēn chēpō Syeetaani, āmwoorwook kilē mookōōnook nyikisin aka. 25Wōloo nyuun anama ngʼaleechoochēē kyoonyōōru ākōy āchōōn. 26Ātēnii chiich nyoo kēēpēliisyō akutuup ngʼaleechuuch ākōy lēt kaamuuka kupayta kōōrootin. 27Pāytoorēē :inyeentee kaaryaa karin aku ryēchinii kilēē tērēēn. 28Nyōōruuy kaamuuka nyoo lēē nyi kyoonyōōrchi Paapa. Ātēnii mpō inyeentee kookeelyaantaa kutākwoorō. 29Nyoo tingʼēy iit kuteer kiyoo mwoochinii :Toomirmiir nyoo Tiliil kaaniiseenichiich.

will be added

X\