Ngʼoongʼuut 18

1Paani kēēwoonyō ngʼaleechu tōkōl, aroo malayka aka kuchōōnēē parak. Kiitingʼēy kaamuuka nyoo nyikiis kitya akiipkāngʼēy :lēpooyintanyiin ngʼwēny. 2Kiikuurtō nkōō kuut nyoo ōōw kilē, "Kaakurook! Kaakurook Pāpulōōn nyoo tingʼēy kaamuuka nyoo ōōw! Kaakilēku māngʼoot nyēpō toomirmiirēy chaa raacheen wōloo kirātinii :toomirmiir aka tōkōl nyaa ra. Māngʼēy wōloonēē :tariit aka tōkōl nyoo mā lipoop ākōō tyoony aka tōkōl nyoo mātiliil amāriikēy wōloo mii :piich. 3Kipōōkityō :piipō kōōrootin tōkōl nkōō kimoopō kōōroonoonēē ki-irēy ngʼal choo manyooluuy akutay Iriin. Kiiku-ir takal :pāytooyiipō ngʼwēny nkōō kōōroonoonēē akilēku mōkōrō :cheemungʼaareen nkōō ngʼal chēpō lala choo /ku-irēy nkōō wōloonēē." 4Nēē woonyō, ateer kuut aka kuchōōnēē parak nyoo mwoorēy kilē, "Piichuuch, apeeree wōloonēē, simaaramta ngʼōōkiipō kōōroonoonēē, ākoonyōōru siitāt nyoo nyōōruuy kōōroonoonēē. 5Kiikuchaangʼiit :ngʼōōkiipō kōōroonoonēē kuti kiiku-itu im, akaakuupkaat :Iriin rāyiityō nyoo /ku-irēy nkōō wōloonēē. 6Nyarilēy :kōōroonoonēē kilēē paani kiinyāriilēy :inyeentee walak. /Ku-irchinii kunyil ārēēny akipō kiyoo kiiku-ir, /ākēēwoorchi kunyil ārēēny ngʼwoonin mu kikoompeenyiin. 7Nyōōruuy :kōōroonoonēē nyaril ākōō lōōk choo tēēnō lala ākōō lasataa keey nyoo kiitingʼēy. Kiimwoorēy nkōō moonyiin kuuywoolēy keey kilē, 'Ātēpēē kilēē cheepyooso nyoo lēē pāytooyiin! Moochō mōsōk, āmooriirēy pērēētuu aka.' 8Kunyuun nkōō pērēētuu ākoongʼo ku chōōnchinii kōōrōōytiinēpō meer, lōōk ākōō piri. Akuuwoongʼēy :ma, āmu pō kaamuuka :Kiptaayaan Iriin, nyoo tilchinii kōōroonoonēē kiirwook. 9Nēē ro :pāytooyiipō ngʼwēny choo kii-ir takal akupāypāchinii lala nkōō kōōroonoonēē iirēt ākōō ma nyoo lārēē kōōroonoonēē, kuriirsōōt kitya. 10Ryoongʼēē :pichoochēē wōloo lōōw, āmu wārēy ngʼwoonin nyoo mii iinēē. Riirsōōt kilē, 'Ngʼwoonin! Ngʼwoonin! Wēē, kōōrooni ōōw! Uuy, Pāpulōōn, kōōroo kaamuuka! Keengʼama nkōō saayit ākoongʼo kipaat?' 11Riirsōōt :cheemungʼaareenipō ngʼwēny kuriirēē kōōroonoonēē, āmu māmii :chiich nyoo ngʼātuunoot nyoo tāku-ālchinii tukuukwaak 12chēpō kōōltiin, peeteen, korin choo lēē pukat ākōō karin choo ku-ālēē rōōpiyō chaa chaangʼ, sirōōy choo pirirō choo kāroomō, ākōō ankōōy choo chirkilēēn aku piriirō, keet choo ngʼuutooy nyoo anyiny ākōō tukun tōkōl choo /kiiku-ira keeleepō pēēl, ākōō choo /kiiku-ira keet choo ku-ālēē rōōpiyō chaa chaangʼ, syaapa, karin ākōō koriichoochēē ryēlsōōt choo /kitēēktooy, 13ākōō sinamōōn, tukun choo /kuu-ānyinyēē āmiisyō, tukun walak choo ngʼuutooy nyoo anyiny choo /kukuurēē upaani ākōō maanemaane, tiipaay ākōō mwaar, pusya ākōō nkaanu, tich ākōō kēēchiir, paraasiin ākōō kariin ākōō mpō piich. 14Mwoorēy :cheemungʼaareenichoochēē kilē, 'Kiikupētēēniin tukuupō lala choo kiimārēy ākiikuwēērēēniin :mōkōrnoontiingʼuungʼ tōkōl ākōō ōōwintāngʼuungʼ, amaa inyōōruuy pērēētuu aka.' 15Ryoongʼēē wōloo lōōw cheemungʼaareenichoochēē /kii-ālchinii tukun kunyōōruuy mōkōrnoonti. Wārēy akipō nyarilpō kōōroonoonēē. Riirsōōt :pichoochēē, 16kumwoorēy kilē, 'Ngʼwoonin! Ngʼwoonin! Wēē, kōōrooni ōōw! Kiilaak sira nyoo lēē pukat, aku mārēy ku āruus aku pirir, nyoo kiikunaapa kōōlti, korin ākōō karin choo kwoolēē rōōpiyō chaa chaangʼ! 17/Kaakungʼama mōkōrnoonti nyoo tēēnō nyoonēē tōkōl nkōō saayit ākoongʼo kipaat!' Ryoongʼēē wōloo lōōw mpō :piich choo ryoonchinii mēēliin ākōō piich choo pēērēē aku-irēy mungʼaareengʼwaangʼ ākōō choo pāyiisyēy nkōō mēēliin. 18Nēē ro iirēt ākōō ma nyoo mii kōōroonoonēē, kumwooruuy kilē, 'Kiimii :kōōrēē aka man nyoo ōōw kusiir nyi?' 19Wāsinii :pichoochēē tēērit mētēwēyiikwaak kungʼuutu kilē riirsōōt akukuurtooy kilē, 'Ngʼwoonin! Ngʼwoonin! Wēē, kōōrooni ōōw! Kiilēku mōkōrō :piich tōkōl choo kiitingʼēy mēēliin mu araaray akipō mōkōrnoontiingʼuungʼ! Aku /kakungʼamin nkōō saayit ākoongʼo kipaat!' 20Aku nyuun, āpāypāyiituu :malaykeen ākōō piipō Kiriistō! Ākoopāypāyiitu kāāyooytooyiik ākōō ōōrkooyiipō Iriin, āmu kaakutilchi :Iriin kiirwook kōōroonoonēē akipō akwaan." 21Paani kēēwoonyō nyoonēē, kunam :malayka nyoo kiitingʼēy kiimnān nyoo ōōw kor nyoo ōōw kitya akuwiirchi araaray akimwooru kilē, "/Kuwiirtooy kōōrooni ōōw pō Pāpulōōn nkōō kiimnān kilēē koroonēē nyoo /maakēērōōtēy pērēētuu aka. 22/Maakēētēērēy pērēētuu aka piich choo tuumēy akuputēy pukantiin ākōō choo kuutēy kuurēēruun ākōō ryampuun. Maakutookuuy :kiitoony ntā ku :piich choo ngʼoosyēyii. 23Maakulārēy :taayit kuti lēpāyiit pērēētuu aka. Maakumii āpiisyō wōloonēē. Kiitookunoot :cheemungʼaareen chēpō wōloonēē nkōō ngʼwēny tōkōl. Nkōō pānuut choo mii wōloonēē ku /kiikungʼaal piich tōkōl. 24/Kiikunyōōrchi wōloonēē kērētiipō ōōrkooy chēpō Iriin ākōō piipō Kiriistō, ākōō chēpō piich tōkōl choo kii ku-ir /keepār nkōō ngʼwēny."

will be added

X\