Ngʼoongʼuut 17

1Kichō :malayka aka nkōō chu tisap kiitingʼēy kētupoon tisap akimwoorwoon kilē, "Chōōnō āngʼuutuun siitāt nyoo nyōōruuy cheepyoosoonoonēē lēē cheepaykeeyaan nyoo tēpēē pēr chaa chaangʼ. 2Kii-ir takal :pāytooyiipō ngʼwēny ākōō cheepyoosoonoonēē akipōōkit :piich chēpō ngʼwēny nkōō takalaantiinyiin." 3Kukalapan nyuun :malaykayaantaanoonēē nkōō kaamuukaa Toomirmiir nyoo Tiliil ākōy suur kwēēn. Nkōō wōloonēē, aroo cheepyooso nyoo kātēpēērō tyoony nyoo pirir. /Kiikusirchi tyoonyoonēē kaariin choo kiikar pōōrtanyiin choo muulēy Iriin, akiitingʼēy :tyoonyoonēē mētēwēy tisap ākōō kuuyiir taman. 4Kiikiilaak :cheepyoosoonoonēē sirōōy choo mārēy ku-āruusō ākōō choo pirirēēn. Kiiryālsōōt :sirōōchoochēē nkōō kōōltiin ākōō korin choo lēē pukat nkōō karin choo /ku-ālēē rōōpiyō chaa chaangʼ. Kiināmēy :cheepyoosoonoonēē kikoompa nyēpō kōōlti nyoo kiinyir :tukun chaa raacheen chēpō takaliichiich. 5/Kiikusirchi tokochtiinyiin kaarin nyoo ngʼuutuuy kiyoo ungʼaat: 'pāpulōōn nyoo ōōw, eeyaa cheepaykeeyiin ākōō takal choo mii ngʼwēny.' 6Kyaaroo kilē kiipōōkitoot :cheepyoosoonoonēē nkōō kērētiipō piipō Kiriistō, choo kii āmuuy lōkōōy chēpō Yēēsu. Paani kaaroo cheepyoosoonoonēē, ākwōngʼ kitya. 7Kimwooru :malaykayaantaanoonēē kilē, "Kālē nee tēēkwōngʼō? Āngʼuutuun kiyoo ungʼaat akipō cheepyoosoonoonēē ākōō tyoonyoonēē kāsānēy inyeentee, nyoo tingʼēy mētēwēy tisap ākōō kuuyiir taman. 8Kiimii :tyoonyoonēē kiirōōtēy amaakumii. Chōōnēē kēpēnoo kōōroo ooy akeepa /kēēngʼāmēy. Kwōngʼēy :piipō ngʼwēny choo kiimāsirootēēn :kaariikwaak mu kiitapuu sopoon kungʼeetee /kaku-ir ngʼwēny, nēē ro tyoonyoonēē, āmu kiimii taay, amaakumii aku chōōnēy. 9Mārēy :ngʼaleechu ngʼoroomnyō. Mētēwēyiichoochēē tisap ku tulwēy tisap choo tēpēē :cheepyoosoonoonēē. Aku ngʼuutuuy pāytooyiik tisap. 10Kiikusiirtō pāytooyiik choolēē muut, aku mii :akoongʼo kupāytooy, akitoomō kuchō :aka, nēēchō :nyoonēē ku pāytooy pērēētuus choo ngʼērin. 11Tyoonyoonēē kiimiitō kēny amaakimii aniin, ku pāytooyiintoo sisiit. Inyeentee ku kiilēē chu kiipō taay tisap akeepa /kēēngʼāmēy mpō. 12Kuuyiirichoochēē taman keeroo, ku pāytooyiik taman choo toomō kunyōōru wōloo pāytooy, aku /kiitēnii kaamuuka kupāyta ākōō tyoonyoonēē nkōō saayit ākoongʼo kipaat. 13Kunam keey pāytooyiik kilēku kir ākoongʼo, akuutē kaamuukeengʼwaangʼ tyoonyoonēē. 14Poorsōōt :pāytooyiichu ākōō Waawaa keecha, akuupēliisyēy :Waawaanoonēē, āmu tingʼēy kaamuuka kusiir mōkōrō walak tōkōl akupāytooyiin nyoo siirēy pāytooyiik walak tōkōl. Mii ākōō Waawaanoonēē :pichoochēē rānēy inyeentee choo /kiikēēlēwēn /ākiikēēkuur." 15Kumwoorwoon :malaykayaantaanoonēē kilē, "Pērēēchoochēē kēērōōtēy kutēpēē :cheepyoosoonoonēē lēē cheepaykeeyaan, ku lukoo piich chēpō kōōr aka tōkōl ākōō kuut aka tōkōl. 16Sāsēy :tyoonyoonēē nkōō kuuyiirichoochēē taman cheepaykeeyaantaanoonēē, akungʼusa sira aka tōkōl kimutuultō, akwaam panyeechiich akupeel choo kāngʼātu. 17Irēy :pāytooyiichoochēē ngʼaleechu, āmu kiitē :Iriin akwaaneek kuupkaat ku-ir makeenyiin. Nkanyi, chāmēy :tōkōl kuutē tyoonyoonēē pāyuunātēēngʼwaangʼ tākuusilta :ngʼaleepō Iriin. 18Cheepyoosoonoonēē kēērōōtēy ku kōōrēē nyoo ōōw nyoo tingʼēy kaamuuka kupayta pāytooyiipō ngʼwēny tōkōl."

will be added

X\