Ngʼoongʼuut 16

1Nēē mii yoon, ateer kuut nyoo ōōw kuchōōnēē :Kōpō Iriin kumwoochinii malaykeenichoochēē tisap kilē, "Apee nyuun āroonchii ngʼwēny ngʼwoonin pō Iriin nyoo mii kētupoonichoochēē tisap." 2Kiwō :malayka nyēpō taay akuroonchi ngʼwēny tukuupō kētupēē nyaanyiin. Yoonēē, kunam :tasuustiina chaa raacheen aku ngʼwoonō piich choo kiitingʼēy pēēruutyoo tyoonyoonēē akiikutunchi kāānoomwēēnyiin. 3Kuroonchi :malayka nyēpō ārēēny tukun chēpō kētupēēnyiin araaray kuwal :pēr kilēku kērētiipō chiich nyoo kama. Kima :tyoony aka tōkōl nyoo kiimii araaray. 4Kuroonchi :malayka nyēpō sōmōk tukun chēpō kētupēēnyiin ēēnwoon ākōō koonyiipō pēr, kuwāliisyō kilēku kērēti. 5Ateer kumwoorēy :malayka nyoo ryoonchinii pēr kilē, "Ipō man Iriin, nyoo imii, ākii-imii ākōy nkōō ākōy, kee-ir man nkōō kiirwookuutēchoochēē. 6Āmu kiikutarta :pichoochēē kērētiipō piikuuk ākōō ōōrkooyiikuuk, ku yāmēy kura kērēti." 7Kyaateer kumwooru :kuut nyoo kichōōnēē kaapkōrōs kilē, "Ēē, Kiptaayaan Iriin nyoo ipāyuuy kir aka tōkōl, pō man aku chuulaat kiyoo itilēy." 8Kuroonchi :malayka nyēpō angʼwan tukun chēpō kētupēēnyiin asiis /kēētē asiis kaamuuka kupeel piich. 9Kiipeel piich :āsiisoonēē, kupan :pichoochēē kaarinaa Iriin nyoo kyoopuuy kōōrōōytiinēchu tōkōl. Akutay :akwaaneek kuwāliisyō kuutōrōōr Iriin. 10Kuroonchi :malayka nyēpō muut tukun chēpō kētupēēnyiin ngʼācharaa pāyuunāt nyēpō tyoonyoonēē, kuuluum :tuurin pāyuunātēēnyiin. Kiisur :piich kuutuwayiikwaak paani kāngʼwoonchi, 11akupan Iriin akipō ngʼwoonin ākōō tasuustiin choo kiitingʼēy. Aku kiitay :akwaaneek kuwāliisyō nkōō rāyiityēēngʼwaangʼ. 12Kuroonchi :malayka nyēpō lo tukun chēpō kētupeenyiin ēēnoonēē ōōw pō Yuuprēēt. Kitēēngʼ :ēēnoonēē, kutooku oor nyoo /kiitilēy pāytooyiipō koongʼasiis. 13Aku nkōō yoonēē, aroo toomirmiirēy walak sōmōk chaa raacheen, choo kii lēē kipchootwēēn. kichōōnō :toomirmiir aka kuutii kipaangʼwaanoonēē ōōw, kuchōōnō :aka kuutii tyoony ku aka kuchōōnō kuutii ōōrkooyoon nyēpō ngʼuurnan. 14Toomirmiirēy :choochēē chaa raacheen choo irēy ngʼal chēpō kwōngʼuut. Pēētii :toomirmiirēyiichoochēē wōloo mii pāytooyiipō ngʼwēny tōkōl, sikuutuuyo pichoochēē nkōō pooryoot pērēētuunoonēē ōōw pō Iriin nyēpō kaamuuka tōkōl. 15(Kimwoorēy Yēēsu kilē, "Aroo kee, āchōōnēy kilēē chōōriin! Pēēruroot :chiich nyoo chēpoot akuriipēy sirōōchiich simāwēētootō kimutul akunam :sōōrnān.") 16Nēē mii yoonēē, kuutuuyō :toomirmiirōōchoochēē raacheen pāytooyiipō ngʼwēny nkōō ārii ākoongʼo yoo /kukuurēē nkōō kuutii Epuraanik Armakeetoon. 17Kuroonchi :malayka nyēpō tisap tukun chēpō kētupēēnyiin woowēēs parak. Kichō :kuut nyoo ōōw nyoo kichōōnēē ngʼacharaa pāyuunāt nkōō Kōpō Iriin nyoo kimwoorēy kilē, "Kaakuuwoonyō!" 18Kuuryal nyuun akutul iilat, akichō kiprangʼrangʼ nyoo ōōw aku nyikiis kitya nkōō tōkōl nyoo kiitoomō kuchō nyoo lēē nyoonēē pērēētuu aka kungʼeetee /kee-ir ngʼwēny! 19Kichara kōōroonoonēē ōōw pō Pāpulōōn kilēku sōmōk, akurook kōōrootinā tōkōl nkōō ngʼwēny. Kiipkaat :Iriin kōōroonoonēē pō Pāpulōōn akuutō kikoompa nyoo kiinyiriit nareek ākōō ngʼwoonin kura. 20Kiipētyō :kōōrōōtinā tōkōl choo kiikwēēn :pēr, amaatakeero tulwēy tōkōl mu ngʼwēny. 21Kichinchi piich :tonkoros nyoo nyikiis nyoo itēy kiilēēn sosom. Kupan :piich Iriin akipō tonkorosyoontonoonēē, āmu kii :kōrōōy nyaa ra kitya.

will be added

X\