Ngʼoongʼuut 12

1Kitooku :kir nkōō parak nyēpō kwōngʼuut. Kii cheepyooso nyoo kiilaak asiis akimii :araawa ngʼwēnyuu kēēlyēēchiich. Akiilaak nkōō mētinyiin kuutwoo pāyuunāt nyēpō kookeel taman nkōō ārēēny. 2Kiitingʼēy tuum :cheepyoosoonoonēē. Paani kiikurēy, kuunchō nkōō ngʼwoonin nyoo kiitingʼēy. 3Kitooku :kir aka nyēpō kwōngʼuut nkōō parak nyoo kii tyoony nyoo pirir. Kiitingʼēy mētēwēy tisap ākōō kuuyiir taman, aku kiilaak nkōō mētēwēyiichiich kuutwēēnipō pāyuunāt tisap. 4Kiipuukēē :tyoonyoonēē saaruuryeenyiin kookeel kareeran ākoongʼo nkōō sōmōk nkōō parak akuwiirchi ngʼwēny. Kiiryoongʼēē :tyoonyoonēē taayuu cheepyoosoonoonēē kiimārēy kuutuum, si nēē tuum kwaam laakwee kilē weel. 5Kiituum :cheepyoosoonoonēē wēēri, murēn nyoo pāytooy ngʼwēny tōkōl nkōō kaarya nyēpō karin. /Kiikuuteer laakwaanoonēē /ākēē-āpchi Iriin nkōō ngʼachareenyiin nyēpō pāyuunāt. 6Kuwiisi :cheepyoosoonoonēē suur kwēēn wōloo kiichēpchi :Iriin, /tākēēriip inyeentee nkōō pērēētuus 1,260. 7Nēē mii yoonēē, kuchār :pooryoot mu kipsēnkwēt. Kiipooryēērō :Mikayeel ākōō malaykeenichiich tyoonyoonēē ākōō lukeenyiin. 8Aku nyuun /kiikuupēl tyoonyoonēē ākōō lukeenyiin. Kuupoot āriingʼwaangʼ nkōō parak. 9Nkōō yoonēē /keewiiru tyoonyoonēē kuchō ngʼwēny. Inyeentee kipaangʼwaanoonēē kiipō kēny nyoo /kukuurēē Syeetaani ākōō Puunyoon nyoo kiingʼoolēy piich tōkōl mu ngʼwēny. Kunyuun, /kiikuwiiru tyoonyoonēē nkōō kipsēnkwēt kipooto lukeenyiin tōkōl kupka ngʼwēny. 10Nēē mii yoonēē, ateer kuut kuchōōnēē parak kukuurtooy kilē, "Kaaku-itu nyuun :sāruunō ākōō kaamuuka ākōō pāyuunātoo Iriin ākōō kaamuukaa Kiriistō, āmu /kaakēēchuunu kuchō ngʼwēny :kiitoomiin nyēpō choo kituupchō. Kiitoomēy akwaaneek pērēēt nkōō langʼa nkōō taayuu Iriin. 11Kiipēliisyō choo kituupchō nkōō kērētipō Waawaa keecha ākōō man nyoo kiimwooru :akwaaneek akiichamta keey kumēērō. 12Kunyuun, kupaypayiit kipsēnkwēt ākōō piich choo māngʼēy wōloonēē! Tyaan ngʼwoonin, nyoo nyōōruuy :kir aka tōkōl nyoo mii ngʼwēny ākōō araaray, āmu kiikurēku :Syeetaani kuchō ngʼwēny. Nareekaat :inyeentee kitya, āmu nkēt kilē tingʼēy :pērēētuus choo ngʼērin." 13Paani keero :tyoonyoonēē kilē koo /kaakēēchuunu kuchō ngʼwēny, kutoowu ku-us cheepyoosoonoonēē kiituumēy wēērii. 14/Kiikiitē cheepyoosoonoonēē kapapay ārēēny choo ēēchēēn choo lēē chēpō chēēpsiirērō kutiriirtoorēē ākōy wōloo /kiikuchēpchi mu suur kwēēn, /tākēēriip nkōō wōloonēē kēnyiis sōmōk nkōō kareeran nyoo mēēmuukēy kunyōōru inyeentee :kipaangʼwaanoonēē. 15Kuungʼuungʼu :kipaangʼwaanoonēē pēr nkōō kuutiinyiin kilēku een sikwoop cheepyoosoonoonēē. 16Aku kiitoorēt cheepyoosoonoonēē :ngʼwēnyu, āmu kiyaata akulukur pērēēchoochēē kiingʼuungʼuuy tyoonyoonēē. 17Kiinārēēchi :tyoonyoonēē cheepyoosoonoonēē, akiwō kupooryēērō laakōōk walak chēpō cheepyoosoonoonēē. Laakōōchoochēē walak ku choo kiiriip ngʼātuutēpō Iriin akuukoonyitēy ngʼaleepō Yēēsu. 18Nēē mii yoonēē, kuuryoongʼō :tyoonyoonēē tapanuu araaray.

will be added

X\