1 Nēē mii yoonēē, aroo malayka aka nyēpō kaamuuka kuchōōnēē parak. /Kiikiituk malaykayaantaanoonēē pooltō akiiweer :kuuynoo pan mētinyiin. Kiilēē :koonyiichiich asiis ku kēēlyēēchiich ku kiilēē kiptālēnytiin chēpō moot. 2 Kiināmēē ēēruunyiin kiitapu nyoo miningʼ nyoo kiiyaataat. Kiimii :kēēltanyiin nyēpō taay araaray kimii nyēpō lēt soot, 3 akukuurtō nkōō kuut nyoo ōōw kilēē ngʼētuny nyoo pōōrōōrēy. Paani kākuurtō, kutul :iiloot tisap kuwālu. 4 Kyoomārēy āsiriisyō kii nēē tul :iilootichoochēē, akaateer nyuun kuut kuchōōnō parak nyoo kiimwoorēy kilē, "Maala tukuuchoochēē kamwa :iilootichoochēē tisap ameesir ngʼalēēchoochēē." 5 Nēē mii yoonēē nyuun, kwoop ēēruunyiin nyēpō taay parak :malaykayaantaanoonēē kiiryoongʼēē araaray ākōō soot. 6 Kusirpēnō :malaykayaantaanoonēē kaarinaa Iriin nyoo māngʼiisyēy ākōy nkōō ākōy, nyoo ki-irēy parak ākōō kir aka tōkōl nyoo mii āriinyiin, nyoo ki-irēy ngʼwēny ākōō tukun tōkōl choo mii āriinyiin aku-ir araaray ākōō kir aka tōkōl nyoo mii wōloonēē. Kiimwoorēy :malaykayaantaanoonēē kilē, "Kiikurook pērēētuus! 7 Kii nēē kuut :malaykayaantaa tisap ryampuunyiin, kusilta :Iriin kiyoo kii-ungʼaat nyoo kiikiikuchēp kilēē paani kiingʼuutinii ōōrkooy choo irchinii inyeentee pāyit." 8 Nēē mii yoonēē, kuureer kungʼāloolwoon kuchōōnō parak :kuutiinoonēē kyaateer kumwoorēy kilē, "Wiyō mara kiitapuunoonēē yaataat mii ēēruu malaykayaantaanoonēē kēēryoongʼō araaray ākōō soot." 9 Kyoowō nyuun akaateepa malaykayaantaanoonēē kukōōnān kiitapuunoonēē miningʼ. Kumwoorwoon kilē, "Mara akii-am. Ānyiniituuy nkōō kuutiingʼuungʼ kilēē kuumat aku ngʼwooniituuy nkōō moongʼuungʼ." 10 Kyaamar nyuun kiitapuunoonēē miningʼ nkōō ēēruu malaykayaantaanoonēē akaa-am. Kii anyiny mu kuutiinyuun kilēē kuumat, aku paani kaa-am, kungʼwaaniit :moonyuun. 11 Nkōō yoonēē /kēēmwoorwoon kilē, "Makaat itas taay imwaarta lōkōōyipō Iriin nkōō wōloo mii :piich chaa chaangʼ, kōōrootin, kuutuway ākōō pāytooy."
