Pilipi 4

1Choo kituupchō, āchāmook aku āmoon ēēmō akwaan, āmu apaypay akipō akwaan ākāānyōōruuy :aneen mālāk āmu pāyit nyoo kyaa-ir :aneen. Choorwayiichuuch, ānāmchii keey nyuun Kiptaayaan. 2Āsoomēy chēēpyōōsōōchu ārēēny Eewootya nkōō Suntikēē kilē āchoomnyēē āmu āpō tōkōl Kiptaayaan. 3Aku inyēēn, chiinyuun Siisiko, toorētō kuchoomnyō :chēēpyōōsōōchu āmu kiikuukiil keey ākōō akwaaneek keemwaarta lōkōōy choo kāroomēēn kipootō Kilēmēēnti ākōō piichuuch choo kiikupāyiisyēy tōkōl choo mii :kaariikwaak kiitapuu sopoon. 4Āpāypāyiituu nkōō Kiptaayaan pērēētuus tōkōl. Ākoomwoorēy kuureer kilē āpāypāyiituu. 5Akanya kuuro :piich tōkōl tāloosyēēngʼwoongʼ. Lēēkit kuchō :Kiptaayaan. 6Āmoo-iimchi keey kir aka tōkōl, aku āsoomō Iriin kir aka tōkōl nyoo mootingʼēy, nēē āsoomēy, āmwoochinii inyeentee kōōnkēy nkōō tōkōl choo kiiku-ir. 7Nēē a-ir kilēē nyoonēē kuriipkook :kaalyaa Iriin kāāpkootuutēkwook ākōō mukuliiriikwook saatuupa Yēēsu Kiriistō. Ōōw :kaalyaanoonēē nyoo mā-itinii :kāāpkootuutēpō piich. 8Kunyuun oo, choo kituupchō, āpkootēyii tukuuchu: ngʼaleepō man, tukun choo /kuukoonyitēy, choo chuulootēēn, choo tiliilēēn, choo nāmēy koongʼ, choo /kupāypāychinii, choo kāroomēēn, nkōō choo /kiiloosuuy. 9Āpāyiisyēērēē tukun choo kyaaneeteenaan keey ntā choo kyoomwoorwook ntā choo kyaaroo ā-iraa. Nēē a-ir kilēē nyoonēē kuupēēruurook Iriin nyoo kōōnuuy kaalya. 10Apaypay kitya ākooloosuuy Kiptaayaan, āmu kyookōōnoon tukun kuureer mpō ntā kiikiikusiirtō :pērēētuus chaa chaangʼ. Ānkēt kilē kiimootingʼēēkwaan pārooyin, mpō ntā kyoomārēy ātoorētoon. 11Moomwooraa ngʼaleechu āmārēy kir. Kyaaneetaa keey kuyaman choo ātingʼēy nēē chaangʼ ntā ku ngʼērin. 12Kyoo-ānkēt wōloo lēē nēē mootingʼēy kir ntā ātingʼēy tukun tōkōl. Kyaaneet keey ātēpēē kilēē yoo āpiryoongʼoot āmii wōltō aka tōkōl, nēē /kakupayan ntā ku nēē āmoon :piri, ātingʼēy chaa chaangʼ ntā ku choo ngʼērin. 13Ātingʼēy kaamuuka amuuyta tukuuchoochēē tōkōl kipunuunō inyeentee nyoo kōōnoon kaamuuka. 14Aku nyuun oo, kii karamiit mpō ātoorētoon nkōō nyāriluutēchuuch. 15Ānkēt :akwaan piipō Pilipi kilē kii nēē a-amtaata lōkōōy choo kāroomēēn ākoowēērō Makeetoonnya, ku moomii :kaaniisa nyoo kiitoorētān. 16Mpō paani kimootingʼēy kir āmii Teesaloonika, ku kyootoorētoon āsip ārēēny. 17Mēēlē āmārēy kilē /kēēkōōnān kir, aku kiyoo āpāypāchinii ku mālāk nyoo ānyōōruukwaan akipō toorētēēngʼwoongʼ. 18Aku paanyēēnyi, ku kyoonyōōrwaa kiyoo āmārēy aku siirēy mpō. Ātingʼēy kir aka tōkōl, āmu kyoopkoon :Eepapurotiitō tukuuchoochēē kyookōōnoon. Lēē :tukuuchoochēē kōrōs choo ānyinyēēn choo /kākupēēlchi Iriin choo chāmēy :inyeentee akipāypāchinii. 19Kōōnook :Iriin kiyoo mootingʼēy kupunuunō Yēēsu Kiriistō, āmu pō mōkōrnoonti tōkōl inyeentee. 20Kutōrōriit :Iriin nyoo Apoonyoon ākōy nkōō ākōy. Lēē nyoonēē. 21Ātookwēēswoon chiich aka tōkōl nyēpō Yēēsu Kiriistō nkōō woloonēē. Tookwēēsook :mpō choo kituupchō chu kutāsēy keey. 22Tookwēēsook :piipō Kiriistō tōkōl choo mii wōli, aku kitya ku kipāyitiinēpō Kayisaari. 23Akanya kuupēēruur nyuun :Kiptaayaan Yēēsu Kiriistō toomirmiirēyiikwook.

will be added

X\