Pilipi 1

1Aneen :nyi Paawulō, āmii ākōō Tiimōti kēēpāyiisyēēchinii Yēēsu Kiriistō. Āsirwook piipō Yēēsu Kiriistō mu Pilipi kipootō kāāntōōyiik ākōō toorētiik. 2Kuupēēruurook :Paapa Iriin ākōō Kiptaayaan Yēēsu Kiriistō ākoonyōōru kaalya. 3Āmwoochinii Iriintēēnyuun kōōnkēy nēē āpkootook sayit aka tōkōl. 4Ākootingʼēy pāypooyō nyoo ōōw nēē āsoowook tōkōl, 5āmu kiikēētoorētoonuuy keey nkōō pāyiisyoo lōkōōy choo kāroomēēn kungʼeetee pērēētuunoonēē kyoonyōōruukwaan ngʼaleechu ākōy aniinee. 6Ākoorānēy kilē tāsēy taay kuukiilook :Iriin nyoo kiitoowu pāyit nyaa karaam nkōō wōloo āmii. Irēy kilēē nyoonēē kutuuwaanta nkōō pērēētuunoonēē wārākēē :Yēēsu Kiriistō. 7Man kilē āpkootook kilēē nyoonēē, āmu āpkootoon. Nēē arataat nkōō āngʼōōy ntā nēē ātēkēlēy ākoo-āmtooy lōkōōy choo kāroomēēn, kēērāmtooy :tōkōl pēēruurpō Iriin. 8Nkēt :Iriin kilē āmoon :ēēmō akwaan tōkōl āmu āchāmook nkōō chamataa Yēēsu Kiriistō. 9Āsoowook kilē kunar :choomnyēēngʼwoongʼ kitya ākoonyōōru āsowu Iriin akaanama mēt ngʼal kukaraam, 10saamuuka ālēwēn kiyoo karaam, ākootililiituuy āmootingʼēy lēēluut pērēētuunoonēē wārākēē :Kiriistō. 11Āsoowook a-ir ākōy tukun chēpō man kupunuunō :Yēēsu Kiriistō /sikēētōrōōr /ākēēloosu Iriin. 12Choo kituupchō, āmārēy āmwoorwook kilē choo ki-iriisyō nkōō wōloo āmii :aneen ku kiikutoorēt kitas taay :lōkōōy choo kāroomēēn. 13Nkēt mpō aniinee :riipiik tōkōl chēpō kaa pāytooyiintoo Rooma nkōō piich walak tōkōl kilē arataat :aneen āmu ā-irchinii Kiriistō pāyit. 14Kiiku-ir ratweenyuun kunyākāniituuy chaa chaangʼ choo kituupchō nkōō Kiptaayaan kwaamta lōkōōyipō Iriin nyoo mēēwārēy. 15Man kilē mii :piich walak choo āmtooy lōkōōyichoochēē pō Kiriistō ku tuurō moontinēy, aku mii nyuun :walak choo āmtooy lōkōōyichoochēē kitingʼēy kaapkaata nyaa karaam. 16Āmtooy :akwaaneek āmu chāmoon akuunkēt kilē kiimutwaan :Iriin wōli sootēkēl lōkōōyichiich. 17Mā-āmtooy :pichoochēē kāpō taay Kiriistō kitingʼēy kaapkaata nyaa karaam, pkootēy kilē ntā /kutāsi /kēē-usān kutoomii korkoreet. 18Wōloo nyuun ma kir, nēē āmtooy :walak kitingʼēy kaapkaata nyaa ra, ntā kwoomtooy :walak kitingʼēy kaapkaata nyaa karaam ku apaypay kilē /kwoomtooy Kiriistō nkōō oor aka tōkōl. Ātāsaa taay āpāypāyiituuy 19āmu ānkēt kilē nēē āsoowoon akuutoorētoon :Toomirmiiryoo Yēēsu Kiriistō /kēētyooytooyoon. 20Āmoongʼuuy kilē moo-iraa tukun choo kōōnoon sōōrnān aku ālēkuuy nyakan nkōō wōloo ātēptooy kilēē taay sootōrōōr Kiriistō nēē toosāpoot ntā nēē kaameer. 21Sāpēēnyuun ku Kiriistō, ku nēē ameer mpō ku karaam kitya. 22Nēē toosāpoot ku karaam āmu ā-irchinii Kiriistō pāyit, aku moonkēt kilē nyōōnō nyoo kaykay. 23Kēētoomtoomēnān :ngʼaleechu tōkōl. Āmārēy āwootēpō nkōō Kiriistō, āmu kir nyaa karaam nyoonēē kitya nkōō aneen, 24aku kaykayiituuy nkōō akwaan nēē āsāpoot. 25Ānkētaa nyuun kilē ātēpēē kōōrooni nkōō akwaan tōkōl sootoorētook āpāypāchi ākookiilyō nkōō kaaraneengʼwoongʼ. 26Nēē areer āruutoowook kutasa pāypooyēēngʼwoongʼ nkōō Yēēsu Kiriistō āmu kiyoo kiiku-irwaan. 27Ātēpii kilēē paani mwoorēy :lōkōōyipō Kiriistō, si nēē kāāchōōn ārōōtook ntā nēē ateer akipō akwaan, ānkēt kilē āmii kipakoongʼo, ākookiilchinii keey :tōkōl lōkōōyipō Kiriistō. 28Amaawar puunikwook. Nēē rō :piichoochēē wōloo ārāntooy Iriin, kungʼuuti :nyoonēē kilē kiikupētyō :akwaaneek akungʼuutwook kilē sārwook :Iriin. 29/Maakuchāmwook kilē ātiirō keey Kiriistō kipaat, aku /kiikuchāmwook mpō ānyārilyō akipō inyeentee. 30Āmiikwaan mpō pooryoonoonēē kyaarookwaan ātingʼaa ākoonkēt :akwaan kilē toomiiyaa pooryoot mpō aniinee.

will be added

X\