1 Nēē mii pērēētuu aka, kupka Parisaay walak nkōō koonēēt chēpō ngʼātuut kuururuuchi keey taayuu :Yēēsu. Kiipkoonēē :pichu Chēērusālēēm kipa kuurōōtēy kiyoo kii-irēy :Yēēsu. 2 Kuuro :pichoochēē kiineetanik walak chēpō Yēēsu kwoomiisyēērēē ēēruunēkwaak choo kiimātiliilō kilēē wōloo kiimārtooy :ngʼātuutēkwaak. 3 Āmu nkōō Parisaay ākōō Yāwuutik tōkōl, ku kiimā-āmiisyēy :chiich aka tōkōl kimaatiliil ēēruunēchiich, kilēē paani kiimwoorēy :ngʼātuut chēpō piich chēpō kēny. 4 Kiimā-āmēy mpō kir aka tōkōl nēē pkoonēē siirō ākōy kuu-uun keey. Kiituupēy ngʼātuut walak chaa chaangʼ chēpō kēny choo ngʼuutuuy wōloo /kuutiliiltooy tukun choo /kēēpāyiisyēērēē nkōō kēēstoon. 5 Kuteepa :Parisaayichoochēē ākōō koonēētichoochēē pō ngʼātuut Yēēsu kilē, "Āmu nee simātuupēy :kiineetanikuuk koonēētuut chēpō mpō kuukō? Nku āmiisyēērēē ēēruun choo mātiliilō." 6 Kumwoochi :Yēēsu kilē, "Kiipō man :ngʼaleepō ōōrkooyoon Isaaya paani kimwoorēy akipō akwaan ngʼuurichu kilē, 'Koonyitēēnoon :pichu ngʼālyēēpikwaak, aku lōōwō :mukuliiriikwaak nkōō wōloo āmii. 7 Looswoon kilēēn, aku ngʼātuut choo koonyitēy ku ngʼātuut choo nēētēy :piich kipaat.' 8 Āmētooy ngʼātuut chēpō Iriin akaanam ātēpuut chēpō piich." 9 Kitas taay :Yēēsu kumwoochi kilē, "Ātingʼēy ngʼoroomnyēē aka nyoo ātēnii ngʼātuut chēpō Iriin kamas saatuupa ngʼātuutēkwook. 10 Kiimwooru :Muusa kilē, 'Ikoonyit āpoongʼuungʼ ākōō āyēēngʼuungʼ.' Akimwa kilē, 'Nyoo muulēy apoonyiin ntā eeyeenyiin, /kēēkēētēy.' 11 Aku āmwoorēy :akwaan kilē, nēē mwoochi :chiich apoonyiin ntā eeyeenyiin kilē, 'Kir nyoo kookōōniin, ku kaakēētō Iriin,' 12 ku kaacham :akwaan chiichoonēē kumātoorēt apoonyiin ntā ku eeyeenyiin. 13 Aree aka :nyi nyoo ārēēngʼēy ngʼālyoontoo Iriin akaakeeree ngʼātuutēkwook, ākootāsēy taay ā-irēy ngʼaleek walak chaa chaangʼ choo lēē choochēē." 14 Kukuur :Yēēsu piich chaa chaangʼ akumwoochi kilē, "Āyāpchi iit :akwaan tōkōl ngʼaleechu āmwoorēy, ākoosōwu. 15 Mā :kir nyoo wēētii kuut nyoo irēy chiich ku mātililiit, aku ngʼal choo pkoonēē kuut. [ 16 Chiich nyoo tingʼēy iit, kuteer.]" 17 Kimētō :Yēēsu pichoochēē akuwēēchi keey nkōō kiineetanichiich kaaw nyoo kiitēpuunēē. Paani ka-it, kuteepee :kiineetanichiich kumwoochi kiyoo ngʼuutuuy kārkēēyini. 18 Kuwālchi :Yēēsu kilē, "Ara kōō moosōwu ngʼalēēchu koongʼāloolēē mpō? Moosōwu kilē kir aka tōkōl nyoo wēētii kuutii chiich kima-irēy chiich kumātililiit? 19 Kiyoo chuutēy kuutii chiich kumāwēētii mukulēruunyiin, aku wēētiiy moo /akeelayta kupa saangʼ." (Kiimwoorēy :Yēēsu kilēē nyoonēē, kingʼuutu kilē tiliilō :tukun tōkōl choo /kwoomēy.) 20 Kitas taay :Yēēsu kumwa kilē, "Tukun choo pkoonēē or nyēpō chiich choo irēy inyeentee kumātililiit. 21 Āmu pkoonēē kaapkootuut chaa raacheen mukulēr nyēpō chiich. Irēy kaapkootuutēchoochēē piich ku-ir takal kutoomō kwoop keey, kuchōōrsyō, kurumiisyō, kusiir karwa, 22 kunyōōru ngʼat koongʼ, ku-ir ngʼal chaa raacheen, kumwa seemseem, kutakalaan, kunyōōru tuurin pō :moo, kungʼuurnaan, kulas keey, akumāngʼiisyō nkōō sōlwoonti. 23 Kunyuun tukuuchu raacheen tōkōl kupkoonēē mukulēr nyēpō chiich aku-irēy chiich kumātililiit." 24 Kungʼeeta :Yēēsu yoonēē akiwō ākōō kiineetanichiich ākōy kōōroo Tiirō ākōō Siitōn akichuut koot aka. Kiimārēy kilē māsōwu :chiich aka tōkōl kilē kaakuchō :inyeentee. Ku maakuumuuk ku-ungʼa keey piich. 25 Kuteer :cheepyooso akipō Yēēsu nyoo kiitingʼēy chēētanyiin nyoo kii-iimēy :toomirmiir nyaa ra. Kuchō :cheepyoosooni wōli mii :Yēēsu akukutungʼēē taayuunyiin. 26 Kiipō cheepyoosoonoonēē kōōroo Pōyinikē akiimā chēpō Yāwuutyoon. Kusoom Yēēsu kilē ku-oon toomirmiir nyaa ra nyoo kiikuu-iim chēētanyiin. 27 Kuwālchi :Yēēsu kilē, "Kikānyēy kwoomiisyō :laakōōk kupōk. Makaraam /keenam āmiisyō nyēpō laakōōy /ākēētē sukōyēy." 28 Kuwālchi :cheepyoosoonoonēē kilē, "Lēē nyoonēē, Kiptaayaan, akunyuun oo, kwārēy mpō :sukōyēy rārākēy choo chintooy nēē mii kwoomiisyēy :laakōōk." 29 Kumwoochi :Yēēsu kilē, "Āmu kēēwālwoon kilēē nyoonēē, wiyō kaaw. Iwēēnyōōruuy chēētāngʼuungʼ kaakuwēērō :toomirmiiryoonoonēē ra." 30 Paani kāmwooru :Yēēsu kilēē nyoonēē, kiwō :cheepyoosoonoonēē kaaw akiwō kunyōōru laakweenyiin kaakusop akimii rwoon kitōōk. 31 Kii nēē ngʼeetee :Yēēsu Tiirō, kiwō Siitōn, akuuweer araaray pō Kalilaaya kiwō kōōroo Teekapooli. 32 Kii nēē it wōloonēē, kuumuti :piich walak chiitō aka nyoo kii miinyaat amāngʼāloolēy kukaraam. Kisoom :piich Yēēsu kilē kutiingʼēē ēēruunēchiich chiichoonēē kii miinyaat sukusop. 33 Kunam :Yēēsu chiichoonēē kii miinyaat akwoop tapan nkōō wōloo kiimii :piich. Kuuchuut mooriichiich iitiipō chiichoonēē, akungʼuti moorineenyiin akutiingʼēē ngʼalyaptii chiichoonēē. 34 Kuuro im akilēēchi chiichoonēē, "Yaatee." 35 Paani kamwa kilēē nyoonēē, kuyootiisyō :iitiik, akutoowu kungʼalaal nyoo rootoot. 36 Kukir :Yēēsu piich kumāmwoochi chiich aka tōkōl ngʼaleechoochēē. Paani kāmwoochi piich :Yēēsu kilē mamwaartaata, kuunkēt piich kumwaartaata kitya. 37 Kukwōngʼ :piich tōkōl choo kiiteer ngʼaleechoochēē akimwa kilē, "Kaku-ir :Yēēsu tukun tōkōl kukārāmiituuy. Irēy mpō piich choo miinyootēēn kuteerta ākōō choo māngʼāloolēy kungʼalaal."
