Maarkō 5

1Nēē mii yoonēē, ku-it :Yēēsu ākōō kiineetanichiich tapan nyēpō kamasta aka nyēpō araaray nkōō kōōroo Keeraasa. 2Paani kārēkuunō :Yēēsu mēēli, kutuuyō nkōō chiich aka nyoo kiitingʼēy toomirmiir nyaa ra kuchōōnēē wōloo /kiikutupchinii piich. 3Kiimāngʼēy wōloonēē pō kēpēnootiichoochēē. Kiimoomii :chiich nyoo kiimuukēy kurat chiichoonēē mpō nkōō angʼwaa karin. 4/Kiimaakēēmuukēy, āmu /kikiikeerata angʼwa nyēpō karin kinyil chaa chaangʼ ēēruun nkōō kēēlyēn aku kiimuuk kungʼāti āngʼōōchoochēē. Kimoomii :chiich nyoo kiitākuumuukēy chiichoonēē. 5Kiinchwootēy pērēēt ākōō langʼa mu wōloo pō kēpēnoot ākōō tulōōntōōy akutilēē keey korin. 6Kii nēē rōōti :chiichoonēē Yēēsu wōloo lōōw, kuuwiis akukutunchi. 7Kumwoochi :Yēēsu kilē, "Toomirmiiryooni ra, wēērēē chiichōōnēē!" Kuunchō :chiichoonēē akimwa kilē, "Yēēsu! Wēēroo Iriin nyoo Tōrōōr, imārēēnoon nee? Āsoomiin nkōō kaarinaa Iriin kilē meenyariilaan." 9Nkōō yoonēē, kuteepee :Yēēsu kilē, "/Kukuurēēniin ngʼoo?" Kuwālchi kilē, "/Kukuurēēnoon 'Luk' āmu kichaangʼ." 10Kusaarsaar :inyeentee Yēēsu kilē ma-oon akwaaneek kupeera kōōroonoonēē. 11Kiimii :ākwoot nyēpō nkurwēētiin nyoo kyookēētēē lakam nyoo kiilēēkitēē yoonēē. 12Kusoom :toomirmiirōōchoochēē raacheen Yēēsu kilē, "Kanyeech keepa keechuuta nkurwēētiinēchuuchō." 13Kuchāmchi :Yēēsu toomirmiirōōchoochēē raacheen kuchuut nkurwēētiin. Kumwēr ākwootiinoonēē pō nkurwēētiin kii-itēy ēlup ārēēny, kuutuultēērō keey lakam akuwiirchi keey araaray akurook. 14Paani keero :māsowēēpō nkurwēētiinēchoochēē kiyoo ki-ira, kumwēr akupa kumwoochi piich tōkōl chēpō kōōroonoonēē kiyoo ki-ira. Kupa :piich kuuro kiyoo kii-ira. 15Kii nēē it yoonēē kiimii :Yēēsu, kuuro chiichoonēē kiikiikuu-iim :toomirmiirēy chaa raacheen kutēpēē ngʼwēny kuulaakaat akiikukaramiit. Kuuwāriisyō :pichoochēē tōkōl. 16Kirarta :piich choo kiiro ngʼaleechoochēē kiyoo ki-ira nkōō wōloo mii :chiichoonēē kiitingʼēy toomirmiirēy chaa raacheen nkōō nkurwēētiinēk. 17Kusaarsaar :pichoochēē Yēēsu kuwēērō kōōrēēngʼwaangʼ. 18Paani mii kupēētii kipa kuloongʼēy mēēlii, kusaarsaar :chiichi kii-iimēy toomirmiirēy chaa raacheen Yēēsu kupa tōkōl. 19Kitay :Yēēsu akilēēchi, "Wiyō kaaw akiiwēēmwoochi piikuuk kiyoo kaa-iruun :Iriin nkōō wōloo kariireeniin." 20Kiwō :chiichoonēē kwaamta nkōō kōōroo Teekapooli ngʼal choo kii-irchi :Yēēsu inyeentee. Kikwōngʼ :piich tōkōl choo kiiteer ngʼaleechoochēē. 21Kii nēē ngʼeetee :Yēēsu ākōō kiineetanichiich yoonēē pō Keeraasa, kuwaraka kutilta araaray pō Kalilaaya kiwō kamasta nyiinō aka. Paani ka-it, kupka :piich chaa chaangʼ akuururuuchi keey yi mii :inyeentee. 22Kutākumii tapan nyēpō araarayta, kuchō :kāāntōōyiintēē aka nyēpō sinakōōki nyoo /kiikukuurēē Chāyrō. Kii nēē ro Yēēsu, kukutungʼ nkōō taayuunyiin, 23akusoom kilē, "Mii chēētanyuun nyoo mārēy kumēērēy. Kaykay chōōnō tiingʼēē ēēruunēkuuk sukusop." 24Kucham :Yēēsu akiwō nkōō inyeentee. Kituup :piich chaa chaangʼ choo kiikiichootēy keey. 25Kiimii yoonēē :cheepyoosee aka nyoo kiikiikumnyaan kitya. Kiitingʼēy kēnyiis taman nkōō ārēēny kupēērēē :kērēti. 26Kiikiikunyaril kuruutoochinii cheepsaakitiis chaa chaangʼ akiikiikuutētō tukuuk tōkōl choo kiitingʼēy amāsop. Nyoo kātāsopēy, kitas taay :pōōrtō kurayiit. 27Kiikiikuteer akipō Yēēsu. Kuchōōnō nyuun lēt akutiingʼ sireenyiin. 28Kiikiikumwoochi keey :cheepyoosoonoonēē kilē, "Nēē ātiingʼ aneen mpō sireenyiin kipaat, āsopēy." 29Kukāriisyō :kērētiik kilē weel. Kuteer nkōō pōōrtanyiin kilē kaakusopēē kōrōōyoonēē kiitingʼēy. 30Kii nēē sōwu :Yēēsu kilē kāwēērō :kiimnān inyeentee, kuwarak keey kuuro lēt, akuteep kilē, "Ngʼoo nyi kātiingʼ sireenyuun?" 31Kuwālchi :kiineetanichiich kilē, "Mēērōōtēy kilē keekiich keey :piich nkōō yoo imii, akiitēēpēy kilē ngʼoo :nyi kātiingʼān?" 32Kuuro :Yēēsu kumārēy kusōwu kilē ngʼoo :nyi kātiingʼ sireenyiin. 33Paani kāsōwu :cheepyoosoonoonēē kiyoo ka-ira nkōō pōōrtanyiin, kuchō nkōō koowāriisyō kupōōtānēy akukutungʼ nkōō taayuu Yēēsu, akumwoochi kir aka tōkōl. 34Kumwoochi :Yēēsu kilē, "Cheetānyuun, kēēsoopin :kaaraneengʼuungʼ. Ruutēē nkōō kaalya akiisop kukaraam." 35Kutākumii :Yēēsu kungʼāloolēy, kupkaanee :piich kaa Chāyrō, akilēēchi Chāyrō, "Kaakima :chēētāngʼuungʼ. Tēē-iimchinii nee koonēētiin?" 36Kii nēē teer :Yēēsu ngʼaleechoochēē, kilēēchi kāāntōōyiintoo sinakōōki, "Mēēwāriisyō! Rana kipaat." 37Moochāmchi :Yēēsu chiich aka tōkōl kiwō ākōō inyeentee kingʼātu Chēēmis ākōō wēēriingʼwaangʼ Chowaana ākōō Pēētērō. 38Paani ka-it kaa kāāntōōyiintoo sinakōōki, kuuro :Yēēsu piich choo mii kuwiirtooy keey, kuriirsōōt akuunchōōsōōt. 39Kiwō kō akilē, "Nēē nyi āwiirtoochinii keey ākooriirsōōt? Ānchōōchinii nee? Maama :laakwee, mii rwoon." 40Kii nēē mwa :Yēēsu kilēē nyoonēē, kuroorēchi :piich. Kumwoochi piich tōkōl kupa saangʼ akukuur Chāyrō ākōō cheepyooseenyiin ākōō kiineetanichiich chu kiimii nkōō inyeentee akupa tōkōl wōloo kimii :laakwee. 41Kunam :Yēēsu ēēruutaa laakwee akilē, "Taliita ku-mi" nyoo nēē kuwal kilēēnii, "Chēēpi, āmwooruun kilē ngʼeeta!" 42Kungʼeet :chēēpoonēē kilē weel akuwēētootō. Kiitingʼēy :laakwaanoonēē kēnyiis taman nkōō ārēēny. Kikwōngʼyō :piich nkōō kiyoo kii-ira. 43Kikir :Yēēsu pichoochēē kimamwaarta ngʼaleechoochēē, akilēēchi kuutē laakwee kir nyoo āmēy.

will be added

X\