Maarkō 4

1Nēē mii pērēētuu aka, kiwō :Yēēsu kuureer kuunēētiisyō nkōō tapan nyēpō araaray pō Kalilaaya. Kiirumchi keey :piich chaa chaangʼ kuti kiimoomii wōloo kiimuukēy kuunēētiisyēērō. Kulaangʼ mēēlii aka akuunēētiisyō, kuuryoonchēērō piich tapan nyēpō araaray. 2Kiineet piich :Yēēsu ngʼal chaa chaangʼ nkōō kārkēēyin. Nkōō yoonēē, kuuneet akwaaneek kilē, 3"Ateera! Kiingʼeet :pāliintēē aka akiwō kitoot pareenyiin. 4Paani mii ku-isēē kāsur paree, kichinchi :kāsurēēk walak aree, kukwar :tāriit akwaam. 5Kichinchi :kāsurēēk walak wōloo mii :korin yoo matyaan :nyungʼwēny. Kupiityō :choochēē kilē weel āmu kii tāwārārō nyungʼwēēk. 6Aku kii nēē lar :asiis kupeel pareechoochēē, āmu kiimoomii wōloo chuutēy :iriin, kuyoomō. 7Kichinchi :walak wōloo mii :katōōy, kupiityō :katōōchoochēē akwaam pareek, nyoo maatakunam par. 8Kichinchi :kāsurēēk walak nyungʼwēny choo kāroomēēn. Kupiityō :choochēē kunāryō ku-ēēchiniituuy akunam par. Kiinam pareek :walak par choo ngʼērin, kunam :walak chēpō kwēēn, kunam :walak chaa chaangʼ." 9Kumwoochi :Yēēsu kilē, "Chiich nyoo tingʼēy iit, kiteer." 10Paani kiimii :Yēēsu inyeentee ākōō kiineetanichiich taman nkōō ārēēny ākōō piich walak choo kiicham kumii nkōō inyeentee, kuteepee :akwaaneek Yēēsu kumwoochi kiyoo kiingʼuutuuy :tukuuchoochēē kiimwoorunēē kārkēēyin. 11Kuwālchi :Yēēsu kilē, "/Kiikēēchāmwook āsōwu kiyoo ungʼaat akipō :Pāyunātoo Iriin. Ku piich walak, kutēērēē ngʼal tōkōl kārkēēyin. 12Kulēē paani kiikisir nkōō :kiitapuu ōōrkooyoontoo Iriin kilē, 'Mārārēy :akwaaneek, amēēnyitēy. Kuteer, amāsōwu. Āmu nēē ro akusōwu, kuwāliisyō /akēēnyōōchi kaat.' " 13Kuteep nyuun :Yēēsu kilē, "Moonkēt :akwaan kiyoo mwoorēy kārkēēyini? Nēē moonkēt :nyi āsōwuuntooy ānō walak? 14Akanya nyuun āmwoorwook. Isēy :pāliintēē ngʼālyoontoo Iriin. 15Karkeey :piich walak nkōō aree oor nyoo kāchinchi kāsur. Tēērēy :pichoochēē ngʼal aku nēē chō :Syeetaani kusara kiyoo kateer. 16Karkeey :piich walak nkōō par yoo mii :korin. Tēērēy ngʼālyoon, akutaak kilē weel nkōō pāypooyō, 17aku mānāmēy nyuun :pichoochēē ngʼālyoontoonoonēē kukaraam, amātāsēy taay kuurānēy nyoo lōōw. Ku nēē chō :nyaril /akēēwus akipō kaaraneengʼwaangʼ, kuuchuchuukiisyō kilē weel. 18Ku karkeey walak nkōō par yoo mii :katōōyi. Tēērēy ngʼālyoon, 19wōloo nyuun kutoowu kuupkaat tukun chēpō ngʼwēny akicham mōkōrnoonti, akutingʼēē ngʼat koongʼ tukun tōkōl chēpō ngʼwēny. Kiichēy :tukuuchoochēē ngʼālyoontēē kuti mayi lokor. 20Ku nyungʼwēēk choo kāroomēēn ku karkeey nkōō akwaaneek choo tēērēy ngʼālyoon akicham. Nāmēy :walak par choo ngʼērin, kunam :walak chēpō kwēēn, kunam :walak chaa chaangʼ." 21Kitas taay :Yēēsu kumwoochi kiineetanichiich kilē, "Moomii :chiich nyoo noomēy taayit akukara tēr ntā kuuchuut kwērēroo kitōōk. Kiitēnii taayit yoo tōrōōr sikuulēpooyiit koot. 22Kir nyoo ungʼaat, /kēēngʼoongʼuuy, ku kir nyoo tukoot kēēsuulēy. 23Nēē tingʼēy :chiich iit, kuteer." 24Kumwoochi :Yēēsu kilē, "Āyāpchii iit nyuun kukaraam ngʼal choo ātēērēy. Nyoo tēēnō nyoo kēē-irchi piich kēē-irwook akēētāswook mpō. 25Chiich nyoo pāyiisyēērēē kiyoo /kiikēētō /kēētāsinii walak, ku nyoo māpāyiisyēērēē, /kēēsārēē mpō nyoo tingʼēy." 26Kitas taay :Yēēsu kumwoochi piich kārkēēyin aka nyoo ngʼuutuuy wōloo lēē Pāyuunātoo Iriin. Kimwoochi kilē, "Lēē nyi :Pāyuunātoo Iriin. Isēy :chiich kōsur pareenyiin. 27Rwēēy langʼa, nēē mii pērēēt kutoopēntooy, aku nkōō yoonēē tōkōl, kimii kāsurēēk kupiitsōōt, āmēēnkēt :inyeentee wōloo piititooy. 28Nyungʼwēny ākityōōn choo irēy kōsur kumāryō akupiityō. Mārsōōt :kōsur kipōk sukupiit pareek, nēē mii lētuun, ku-ir mētēwēy choo yyēy mukuur chēpō par. 29Paani kaakururyō :pareechoochēē, kutoowu kukāsiisyō :chiichoonēē, āmu kaaku-it pērēētuu kaswa." 30Kumwoochi :Yēēsu pichoochēē kilē, "/Kuutēēnēē Pāyuunātoo Iriin nee? Ntā kārkēēyin nee nyoo /kungʼuutuunēē? 31Lēē kōsuryoontoo aritaali, nyoo nēē kutoot ku miningʼ kisiir tōkōl nkōō ngʼwēny. 32Paani kaakupiit, kulēkuuy keet nyoo ōōw kusiir keet tōkōl choo mii :par. Piitēy tāmoor choo ēēchēēn choo tēēchinii :tāriit kooriikwaak, akunāmēy sāk choo ēēchēēn choo tēnii uurwō tāriit." 33Kwoomchi :Yēēsu piich ngʼālyoontoo Iriin kupāyiisyēērēē kārkēēwuut choo karkeey, choo kiimuukēy kusōwu. 34Kiimāmwoochinii piich kir aka tōkōl kumāpāyiisyēērēē kārkēēyin, aku nyuun paani kiimii :inyeentee ākōō kiineetanichiich, ku kiimwoochi kir aka tōkōl. 35Nkōō pērēētuunoonēē kosoliny, paani kaakuuwaangʼ :Yēēsu koonēētiisyeenyiin, kumwoochi kiineetanichiich kilē, "Keetiltee araarayta keepee kamasta nyiino aka." 36Kipa :kiineetanichoochēē ākōō Yēēsu mēēlii, akumētō pichuuchō walak kumii tapaantaa araarayta. Kiimii mpō :mēēliinēk walak yoonēē. 37Kēēmii araarayta kwēēn kutiltooy, kuchō yoomēt nyoo nyikiis akuutimtiim mēēlii. Ku-ir :yoomoonoonēē pēr kuusyoolchi keey mēēlii kuti paanta kuchuut araaray. 38Kiimii :Yēēsu rwoon akiitiir mētinyiin nkōō mēēlii lēt. Kuungʼeet kiineetanichiich akilēēchi, "Koonēētiin! Mēērōōtēēnyēēn kilē kumii kēērookēy?" 39Kungʼeet :Yēēsu akuupkoongʼ yoomēē kusiis akumwoochi pērēēk kutālāyiituuy. Paani kamwa kilēē nyoonēē, kusiis :yoomēē akutālēyiituuy :pērēēk. 40Kumwoochi :Yēēsu kiineetanichiich kilē, "Āmu nee soowāriisyēē kilēē nyoonēē? Mootingʼēēkwaan kaarana?" 41Kiikwōngʼyō :akwaaneek nkōō koowāriisyō akuteep keey kilē, "Chiich nee :chiichi? Nku tēērēy iit mpō :yoomēt ākōō pēr."

will be added

X\