Maarkō 3

1Kuureer kiwō :Yēēsu sinakōōki pērēētuu aka. Kiimii kōyoonēē :chiitō aka nyoo kiirarak :ēēru. 2Nkōō kōyoonēē, ku kiimii :Parisaayik choo kiimārēy kuuro nēē soopiisyēy :Yēēsu nkōō pērēētuu Sapaatō si nēē ngʼat kuutoomchi ngʼal /tākēērwoochi. 3Kilēēchi :Yēēsu chiichoonēē kiirarak :ēēru, "Chōōnō taay yi." 4Paani kaakuchō taay, kuteepee :Yēēsu pichoochēē kilē, "Chāmēy :ngʼātuut /kee-ir kir nyaa karaam nkōō pērēētuu Sapaatō ntā kir nyaa ra? /Kēēsāru sopoonpō chiich, ntā /keepar?" Kumaakuwālchi kir aka tōkōl :pichoochēē. 5Kunyala :Yēēsu akuurootootō akwaaneek nyoo kāngʼwoonchi, āmu kiimaariirēē :akwaaneek chiich. Kumwoochi :Yēēsu chiichoonēē kiirarak :ēēru kilē, "Chuula ēēruungʼuungʼ." Kuchuul :chiichoonēē. Paani kachuul, kusop :ēēruu. 6Kii nēē ro :Parisaayiichoochēē kiyoo ka-ira, kungʼēētyō, kipa kutuuyō ākōō choorwayiipō Ērōōtē takuwas wōloo /kupārtooy Yēēsu. 7Kuwēēchi keey :Yēēsu ākōō kiineetanichiich ākōy araaray pō Kalilaaya. Kituup :piich chaa chaangʼ chēpō Kōōroo Kalilaaya. 8Kipka :piich chaa chaangʼ wōloo kiimii :Yēēsu āmu kiiteer tukun choo kii-irēy :Yēēsu. Kiipkoonēē :pichoochēē walak Chēērusālēēm ākōō Kōōroo Chuuteeya tōkōl. Kipkoonēē :walak Kōōroo Ituumeeya, Kipkoonēē :walak kōōrootin choo kiimii kamasta nyiinō aka pō ēēmpō Choortan. Kipkoonēē :walak Tiirō ākōō Siitōn. 9Kii nēē chaangʼiit :piich, kumwoochi :Yēēsu kiineetanichiich kupa kwoopu mēēli, simatoorta :piich inyeentee. 10Kiitiiwu keey :piich tōkōl choo kiimnyoonsōōt sukutiingʼ :Yēēsu, āmu kiikiikuusoop :Yēēsu piich chaa chaangʼ. 11Kii nēē ro :piich choo kii-iimēy :toomirmiirēy chaa raacheen Yēēsu, ku-ir :toomirmiirik pichoochēē kuuputyō nkōō taayuu Yēēsu akuunchōōyō kilē, "Inyēēn Wēēroo Iriin." 12Kikar koongʼ :Yēēsu toomirmiirōōchoochēē raacheen kumāmwoochi chiich aka tōkōl kilē kii ngʼoo :inyeentee. 13Nēē mii yoonēē, kiwō :Yēēsu tulwēē aka akukuur piich choo kiimārēy kupkoonchi. 14Nkōō pichoochēē, kulēwēn piich taman nkōō ārēēny kilēku piich choo mii nkōō inyeentee /tākuuyooytō kwaamtaata lōkōōy choo kāroomēēn, akukuurēē choochēē kāāyooytooyiichiich. 15Akuutē kaamuuka nyoo ōōnēē toomirmiirēy chaa raacheen. 16Pichoochēē kii lēē taman nkōō ārēēny choo kiilēwēnēy :Yēēsu ku :Siimnyōn (nyoo kiitē :Yēēsu kaarinee aka kilē Pēētērō) 17ākōō Chēēmis wēēroo Sēpētaayo ākōō wēēriingʼwaangʼ Chowaana (choo kiitē :Yēēsu kaarinee aka kilē Pōnēērkē. Ngʼuutuuy kaarinaani kilē wēēriipō iilat.) 18Walak ku Antereeya, Pilip, Partolomeeya, Mataayo, Toomaas, Chēēmis wēēroo Alpaayō, Tataayo, Siimnyōn Kananooyiin, (ngʼuutuuy kaarinaani pō Kananooyiin kilē kii murēn nyēpō pooryoot), 19ākōō Chuuta Iskaryoot nyoo kiichō ku-alta Yēēsu. 20Paani kangʼeetee :Yēēsu tulwēē, kuureer wōli pō Kaaparnaam kiwō kaaw. Kuurum keey :piich chaa chaangʼ nyoo kii maamuuk :Yēēsu ākōō kiineetanichiich kwoomiisyō. 21Paani kapa kuteer kaamee ākōō wēēchiikwaak ngʼaleechoochēē, kupa kuumut :Yēēsu kiwō kaaw, āmu kiimwoorēy piich kilē, "Kiikiwōōsō." 22Kiimii :koonēēt chēpō ngʼātuut walak choo kiipkoonēē Chēērusālēēm pākuurōōtēy kiyoo kiinēētēy :Yēēsu. Kiimwoorēy koonēētichoochēē kilē, "Pāyuuy chiichi :Pēēlsēpuul nyoo lēē pāytooyiintoo toomirmiirēy chaa raacheen. Nyoonēē nyoo miitō kuutēnii kaamuuka nyoo ōōnēē toomirmiirēy chaa raacheen." 23Paani kateer :Yēēsu kilēē nyoonēē, kukuur koonēētichoochēē akuteep akwaaneek nkōō kārkēēyin kilē, "Muuktooy ānō Syeetaani kukwat Syeetaani? 24Nēē poorsōōt :piich chēpō kōōr, ku mēēryoongʼēy kōōroonoonēē. 25Ku nēē maatēērchiinō :piich nkōō kaaw, ku mēēryoongʼēy kaayoonēē. 26Ku nēē pooryēērō keey nyuun Syeetaani, ku mēēryoongʼēy, akuputēē pāyuunāteenyiin. 27Moomii :chiich nyoo muukēy kuchuut kōpō nyakan akwoopō tukuuchiich nēē toomō kurat chiichoonēē kupōk takuumuuk kwoopō tuukuuk. 28Āmwoorwook man kilē, muukēy kunyōōchi :Iriin kaat piich ngʼōōkiikwaak tōkōl nkōō mpō ngʼaleekwaak chaa raacheen choo kiikumwa. 29Aku nyuun :chiich nyoo mwoorēy tukun chaa raacheen akipō Toomirmiir nyoo Tiliil, ku mēēmuukēy kunyōōchi :Iriin kaat. Kunyuun, rataat :chiichoonēē ākōy nkōō ngʼōōkiichiich." 30(Kiimwa :Yēēsu kilēē nyoonēē āmu kimwoorēy piich walak kilē, "Tingʼēy inyeentee toomirmiir nyaa ra.") 31Kiimii :piich chaa chaangʼ choo kiirumchi keey yi mii :Yēēsu. Ku-itu :eeyeenyiin ākōō wēēchikwaak akuuyooytō /kēēkuurchi Yēēsu kuchō saangʼ āmu kiimoomii :pārooyin koot. 32Kēēmwoochi :Yēēsu kilē, "Mii āyēēngʼuungʼ ākōō wēēchiikwook saangʼ akumārēy kungʼālooluun." 33Kuwālchi :Yēēsu kilē, "Ngʼoo eeyeenyaa? Aku ngʼoo wēēchiichan?" 34Kuuro :Yēēsu pichu kātēpi kuukwēēn inyeentee akilē, "Pichu tōkōl mii yi ku eeyeenyaa aku wēēchiichan. 35Chiich aka tōkōl nyoo irēy kilēē wōli mārtooy :Iriin, ku wēēriinchan, chēētanchan aku eeyeenyaa."

will be added

X\