Maarkō 16

1Kii nēē rook :pērēētuu Sapaatō, kwaal :mpō Maaryaa Maktaleena, Maaryaa eeyaa Chēēmis, ākōō Sālōōmē mwaar sukupa kuu-iilee pōōr pō Yēēsu. 2Paani kayyeech :kōōrēē ku kaakupuusu asiis pērēētuu nyēpō taay nyēpō wiiki, kupa :chēēpyōōsōōchoochēē ākōy yi /kiikuutē pōōr pō Yēēsu. 3Kumii aree, kuteep keey kilē, "Ngʼoo :nyoo wōkumiltoowēēch korta nyi /kiikukaree kurkeetaa kēpēn?" 4Paani ka-it yoonēē, kuuro kēpēnēē kuyaataat, /akiikeemilta korta. Ki ōōw koroonēē kwōngʼuut. 5Paani kachuut kēpēnēē, kuuro chiich nyoo mii kutēpēē ngʼwēny ēēruungʼwaangʼ pō taay. /Kiikiilaak sira nyoo rēēl, kikwōngʼyō :chēēpyōōsōōchoochēē. 6Kumwoochi :chiichoonēē kilē, "Mookwōngʼyō, ānkēt kilē āmii āwāsēy Yēēsu nyēpō Naasareet, nyoo /kiikupārchi kimurtooyoon. Moomii yēēnyi, kaakungʼeeta meerat. Aroo kee yi kēēmii pōōrtō. 7Apee āmwoochii kiineetanichiich ākōō Pēētērō kilē, 'Kaakuuntoroor :Yēēsu kiwō Kalilaaya. Āpēētii ānyōōrchinii wōliinēē kilēē paani kiimwoorwook.' " 8Kupeera :chēēpyōōsōōchoochēē kēpēnēē akumwēr āmu kiipōōtānchō akukwōngʼyō. Kumaakumwoochi chiich aka tōkōl nkōō aree ngʼaleechoochēē, āmu kiiwāriisyō kitya. 9Paani kiingʼeeta :Yēēsu meerat koorōōn, nēē mii pērēētuu nyēpō taay nyēpō wiiki, kungʼuuti keey kupōk Maaryaa Maktaleena, cheepyoosoonoonēē kii-ōōnchinii :Yēēsu toomirmiirēy tisap choo kii-iimēy. 10Kiwō :cheepyoosoonoonēē ākōy wōloo kiimii kuriiryēērēē :kiineetanipō Yēēsu akumwoochi ngʼaleechoochēē. 11Paani kāmwoochi kilē kaaroo Yēēsu akusāpoot, kimaaran. 12Kuureer :Yēēsu kungʼuuti keey kiineetanichiich ārēēny choo kiimii kupkoonēē Chēērusālēēm. Kungʼuuti keey nkōō aree aka nyoo kimēēmuukēy kusōwu :kiineetanichoochēē kilē Yēēsu :inyeentee. 13Paani kāsōwu :kiineetanichoochēē ārēēny kilē kii Yēēsu :nyoonēē, kuchaayta ākōy Chēērusālēēm kipa kumwoochi kiineetanik chuuchō walak, kimaakuuran. 14Nēē mii lētuun, kungʼuuti keey :Yēēsu kiineetanik choochēē kii lēē taman nkōō ākoongʼo kumii kwoomiisyēy. Kipōlchi :Yēēsu akwaaneek āmu kiitay kuuran kilē kaakungʼeetee :inyeentee meerat, akutay kuuran ngʼaleepō piich choo kiimwoorēy kilē keero Yēēsu kilē sāpoot. 15Kiimwoochi :Yēēsu kiineetanichiich kilē, "Apee ngʼwēny tōkōl, ā-āmchinootō piich tōkōl lōkōōy choo kāroomēēn. 16Chiich aka tōkōl nyoo keeran ngʼaleechuuch /akeepaatiisan, /kēēsāruuy. Ku nyoo mēērānēy ngʼaleechuuch, kēētilchinii kiirwook. 17/Kuutēnii choo rānēy ngʼaleechu kaamuuka nyoo muukēy ku-oon toomirmiirēy chaa raacheen nkōō kaarineenyuun. Ngʼāloolēē ngʼālyēēp choo mēēnkēt. 18Muukēy mpō kunam kipaangʼōōy nkōō ēēruunēkwaak, ntā kura ngʼwoonō aka tōkōl aku mā-āmēy :kir akwaaneek. Nēē tiingʼō ēēruunēkwaak piich choo mnyoonsōōt, kusopyō." 19Kii nēē waangʼ :Kiptaayaan Yēēsu kungʼāloolchinii kiineetanichiich, /kēē-āp kiwō kipsēnkwēt akiwō kutēpō ēēruu taay nyēpō Iriin. 20Kipa :kiineetanik pakwaamtaata lōkōōy choo kāroomēēn nkōō kōōrēē tōkōl. Kiimii :Kiptaayaan nkōō akwaaneek kwoomtootēy lōkōōyichoochēē akuutēnii akwaaneek kaamuuka ku-irēy tukun choo mēēmuukēy ku-ir :chiich, kungʼuutinii piich kilē pō man lōkōōyichoochēē kāroomēēn.

will be added

X\