Maarkō 13

1Kumii :Yēēsu ākōō kiineetanichiich kupēērēē piriiruu Kōpō Iriin, kumwoochi :kiineetanee aka kilē, "Koonēētiin, kāroomō koriichu ākōō kooriichu kilē nee kēny!" 2Kumwoochi :Yēēsu kilē, "Keeroo kooriichu ēēchēēn chu? /Kumilēy nyoo moomii :kor mpō ākoongʼo nyoo ngʼētuunēē parakuu aka." 3Paani mii :Yēēsu kutēpēē ngʼwēny nkōō Tulwoo Musēytuun nyoo kiirōōtēy keey nkōō Kōpō Iriin, kuteepee :Pēētērō, ākōō Chēēmis, ākōō Chowaana ākōō Antereeya kilē, 4"Mwoorwēēch, iriisōōt :ngʼaleechu āyu, aku kir nee nyoo ngʼuutwēēch kilē kaakuriiku pērēētuusyēk choo iriisōōt :ngʼaleechu?" 5Kumwoochi :Yēēsu akwaaneek kilē, "Āriip keey! Maakany kuumēlmēēlook :chiich. 6Chaangʼ choo pkoonēy nkōō kaarineenyuun, akumwoorēy kilē, 'Aneen Meesaaya' akuupootēy piich chaa chaangʼ. 7Aku nēē ateer akipō pooryoot nyoo lēēkit ākōō nyoo lōōw, ku moowāriisyō āmu ākōy ku-iriisyō :tukuuchoochēē, wōloo nyuun toomō ku-itēy lēt nyēpō ngʼwēny. 8Poorsōōt :pōrōr ākōō pōrōryēē aka, kupooryō :kōōrēē aka ākōō aka. Chōōnēy :kiprangʼrangʼ kāmostiin chaa chaangʼ, akichō :kēmēy. Ngʼwoonin nyēpō taay :nyoonēē akimii nyuun ngʼwoonin nyoo ōōw nyoo tākuchoonēy. 9Āriip keey nyuun āmu mii :piich choo nāmook akuumutaak /pākēērwookwook akuunōōrook mu sinakōōkiin. /Kunāmook /ākēē-āpook taayuu kāāntōōy ākōō pāytooy akipō aneen. Pārooyin :nyoonēē nyoo āmwoochinēē pichoochēē lōkōōy choo kāroomēēn. 10/Ākēē-āmtooy kipōk lōkōōy choo kāroomēēn nkōō kōōrēē tōkōl sukuchō :pērēētuu nyēpō lēt. 11Nēē /kunamaak, /akēē-āpook /kēērwookwook, ku moosip a-iim keey kilē āmwoortooy nee. Paani ka-itu pērēētuu, amwaarta kiyoo /kukōōnook. Āmu kiyoo āmwoortooy, ku mēēlē :akwaan chu āngʼāloolēy, aku Toomirmiir nyoo Tiliil. 12Āltooy :chiich wēēriingʼwaangʼ /keekeet. Ku-alta :āpoo laakweenyiin, pooryēērēē :laakook sikiikwaak kuukeet. 13Sāsook :piich tōkōl akipō aneen. Aku nyuun chiich nyoo murtooy ākōy pērēētuu nyēpō lēt /kēēsāruuy." 14Kitas taay :Yēēsu kimwa kilē, "Nēē aroo 'kir nyēpō ngʼamat' kuuryoongʼō yoo /mākumārchinii kumii, (iyāp iit :chiich nyoo isōōmānēy ngʼaleechu) ku kaykay kumwēr :piich choo mii Chuuteeya ākōy lakamōōs. 15Nēē nyōōrchi :ngʼaleechu chiich kimii kō parak, ku marēku kuchuut kō kimar kir aka tōkōl sukwoop. 16Ku chiich nyoo mii pareenyiin kimawaraka kaaw kiwō kimar sireenyiin. 17Kōrōōmituuy pērēētuusyēchoochēē nkōō chēēpyōōsōōy choo tingʼēy tuum ākōō choo rēērinii laakōōy! 18Asaa Iriin tāmā-iriisyō :ngʼaleechu pērēētuu kārtitin. 19Ōōwiituuy :nyaril nyēpō pērēētuusyēchoochēē kusiir nyaril aka tōkōl nyoo kiikuchō kungʼeetee ku-ir :Iriin ngʼwēny. Āmoomii ātoo tākuchōōnēy :nyaril aka nyoo lēē nyoonēē pērēētuu aka. 20Aku nyuun oo, kiikuunwaakiit :Iriin pērēētuusyēchoochēē. Ntā kiimaanwaakiit :Iriin pērēētuusyēchoochēē, ntā moomii :chiich nyoo kusāruuy. Āmu mii :piichiich choo kiikulēwēn, ku kiikuunwaakiit pērēētuusyēchoochēē. 21Aku nēē mwoorwook :chiich aka tōkōl kilē, 'Roo kee, ānyi Meesaaya!' ntā kilē, 'Roo kee, ānyiinō!,' ku moorānchi. 22Pkoonēy :piich choo lēē ngʼuur choo irtooy keey Kiriistō ntā ku ōōrkooy chēpō Iriin. Irēy :pichu ngʼal chēpō kwōngʼuut sikuuchuunnyō nēē muukēē piich chēpō Kiriistō choo lēwēnootēēn. 23Kunyuun oo, āriip keey! Koosip āmwoorwook tukun tōkōl kitoomō ku-itu pērēētuu." 24Kitas taay :Yēēsu kumwa kilē, "Nēē woonyō :nyāriluutēchu nkōō pērēētuusyēchoochēē kuumiisēē :asiis amaakulārēy araawa. 25Chunuuy :kookeel nkōō parak, /ākēētimtiimēy tukun tōkōl choo mii parak. 26Nkōō yoonēē, /kēērōōtēy Wēēroo Chiich kuchōōnēy nkōō pool mu kaamuuka ākōō kiimnān nyoo ōōw nyēpō Iriin. 27Aku nēē ngʼat kuuyooytō :Iriin malaykeenichiich kupa komooswook tōkōl chēpō ngʼwēny pākuurum piichiich tōkōl choo kiikulēwēn :inyeentee." 28Kitas taay :Yēēsu kumwochi kilē, "Akanya kuuneetaak mookāngʼwō ngʼālyoon. Nēē aroo tāmoorichiich kānyāriliituuy akutoowu kupiityō :sāk, āsōwu kilē kaakuriiku kuwasees :kōōrēē. 29Ku lēē nyoonēē mpō, nēē aroo ku-iriisōōt :tukuuchoochēē, āsōwu kilē kaakuriiku :pērēētuu nyoo wārākēē Wēēroo Chiich. 30Āmwoorwook man kilē mārookēy :piichuuch mpō ntā iriisyō ngʼaleechu tōkōl. 31Rookēy :parak ākōō ngʼwēny, aku mēēlē nyuun rookēy :ngʼālyoontēēnyuun. 32Moomii :chiich nyoo nkēt pērēētuu ntā ku saayit nyoo chōōnēy :Wēēroo Chiich. Mēēnkēt :malaykeen, āmēēnkēt mpō :Wēērii. Iriin ākityōōn nyoo nkēt. 33Āriip keey, āmu moonkēt ātoo ituuy :pērēētuunoonēē. 34Karkeey nkōō chiich nyoo kāwō ruutoor. Kumēti kipāyitiinēchiich pāyit nyoo irēy akumwoochi aka kuriipsyō nkōō kurkat. 35Āriip keey nyuun āmu moonkēt paani chōōnēy :chiitaa kata. Muukēy ku-itu kosoliny, langʼa kwēēn, ntā kutoomō kuurir :kōōrēē, ntā paani kaakupuusu :asiis. 36Nēē chō kumoonkēt, ku kaykay kumānyōōrwook kooruuyō. 37Kunyuun, ngʼaleechu āmii āmwoorwook, ku āmii āmwoochinii piich tōkōl: Āriip keey."

will be added

X\