Maarkō 10

1Nēē mii pērēētuu aka, kungʼeetee :Yēēsu yoonēē, kutil ēēmpō Choortan akiwō Kōōroo Chuuteeya. Kuurumchi keey :piich chaa chaangʼ yi mii :Yēēsu. Kuuneet :Yēēsu piich kilēē yoo kiicham kuunēētēy. 2Kupkoonchi :Parisaayik walak Yēēsu choo kiimārēy kuutyam, akuteep kilē, "Chāmēy :ngʼātuutichooch kuutyaak :chiich cheepyooseenyiin?" 3Kuwālchi :Yēēsu nkōō tēēpuut kilē, "Ngʼātuut nee :nyi kiimwoorwook :Muusa?" 4Kumwa :pichoochēē kilē, "Kiichāmchi :Muusa saan kisir kartaasi nyoo tyookēē kooyēr suku-oon cheepyooseenyiin." 5Kumwoochi :Yēēsu kilē, "Kiisir :Muusa ngʼātuutyooni āmu kiiwururiituuy :mukuliiriikwook. 6Kii nēē ir :Iriin ngʼwēny, ku kii-ir murēn ākōō cheepyooso. 7Āmu nyoonēē ku mētooy :murēnō apoonyiin ākōō eeyeenyiin, 8akunam keey nkōō cheepyooseenyiin kilēku ākoongʼo. Mēēlē nyuun tāku piich ārēēny, aku kiikulēku ākoongʼo. 9Kiyoo kaakuutuuyō :Iriin nyuun ku mēēpēēsyō :chiich." 10Paani keereer kupa kō, kuteepee :kiineetanichiich Yēēsu kumwoochi kiyoo ngʼuutuuy :ngʼālyoontoonoonēē. 11Kumwoochi :Yēēsu kilē, "Chiich nyoo keetyaak cheepyooseenyiin akwoop cheepyoosee aka, ku kasiir karwa aku-irchi ngʼōōki cheepyoosooni keetyaak. 12Aku nēē oon keey cheepyooso akwoop keey nkōō chiich aka, ku kasiir karwa." 13Kiimii :piich walak choo kiimuti laakōōy Yēēsu kilē kutiingʼēē ēēruunēchiich kuupēēruur. Kukar koongʼ :kiineetanik pichoochēē. 14Kii nēē ro :Yēēsu kiyoo kii-irēy :kiineetanik, kinyala, akumwoochi kilē, "Akanya kupka laakōōk wōli āmii, amaakarta āmu piich choo lēē chu :choo pēētii Pāyuunātoo Kaa Iriin. 15Āmwoorwook man kilē, chiich nyoo mātookēy pāyuunātoo Iriin kilēē wōloo lēē laakwa, ku māchuutēy Kaa Iriin." 16Nkōō yoonēē, kuurum :Yēēsu laakōōchoochēē, akutiingʼēē ēēruunēchiich kuupēēruur. 17Kitāsēy taay :Yēēsu nkōō paantanyiin, kuurip :chiich aka akukutungʼ nkōō taayuunyiin akuteepee kilē, "Koonēētiintooni karaam, a-ir nee soonyōōru sopoon nyēpō ākōy?" 18Kuwālchi :Yēēsu kilē, "Āmu nee sēēkuurēēnoon nyaa karaam? Moomii nyaa karaam, kungʼātu Iriin. 19Inkēt :inyēēn ngʼātuut chēpō Iriin choo mwoorēy kilē, 'Āmēērumiisyō, āmēēsiir karwa, āmēēchōōrsyō, āmēētoomchi chiich ngʼal, āmēēngʼoolsyō, ikoonyit apoongʼuungʼ ākōō eeyeengʼuungʼ.' " 20Kumwa :chiichoonēē kilē, "Koonēētiin, kyaatuup :aneen ngʼātuutēchoochēē tōkōl kungʼeetee āchō naran." 21Kuuro :Yēēsu chiichoonēē nkōō choomnyoot akumwoochi kilē, "Mii :kir ākoongʼo nyoo rartaaraat. Wiyō altee kir aka tōkōl nyoo itingʼēy akiitō mēēy, akiichōōn ituupaan. Inyōōru nyuun mōkōrnoonti nyēpō man nkōō kipsēnkwēt." 22Kii nēē teer :chiichoonēē ngʼaleechoochēē kiimwoochinii :Yēēsu, kwootyō :mukulērtiinyiin akusungʼa :tokoch kurayiit. Kuwēēchi keey nyoo nareekaat āmu kiitingʼēy mōkōrnoonti nyoo mātingʼ /keemwa. 23Kumararta :Yēēsu komoosik tōkōl akumwoochi kiineetanichiich kilē, "Kōrōōm kitya nkōō piich choo lēē mōkōrō kupa Pāyuunātoo Kaa Iriin." 24Kikwōngʼyō :kiineetanik nkōō ngʼaleechoochēē pō Yēēsu. Kitas taay :Yēēsu kumwoochi kilē, "Piichuuch, kōrōōm keepa Pāyuunātoo Kaa Iriin. 25Nyumnyum nkōō :tamas kuchuut koongʼpō siintaanu kusiir kuchuut :mōkōryoon Pāyuunātoo Kaa Iriin." 26Kikwōngʼyō :kiineetanik nyēpō kwōngʼuut akilē, "Ara ngʼoo, nyuun, :nyoo muukēy /kēēsāru?" 27Kuuro :Yēēsu kiineetanichiich akilē, "Mēēmuukēē nkōō wōloo mii :chiich, aku mā nkōō wōloo mii :Iriin, āmu muukēē :kir aka tōkōl nkōō wōloo mii :Iriin." 28Kimwoochi :Pēētērō Yēēsu kilē, "Kiikēēmētēēchaan tukun tōkōl akeetuupiin." 29Kuwālchi :Yēēsu kilē, "Man āmwoorwook kilē moomii :chiich nyoo kāmētō koonyiin, wēēriingʼwaangʼ, chēētangʼwaangʼ, eeyeenyiin, apoonyiin, laakōōchiich ntā ku pareenyiin akipō aneen ākōō lōkōōy choo kāroomēēn, 30nyoo /mākuu-ōōchinii tukuuchoochēē nkōō pērēētuusyēchu kunyil pōkōl choo tingʼēy, /ku-usēy nkōō kōōrooni aku nyōōruuy nyuun sopoon nyēpō ākōy nkōō kōōrēē nyoo chōōnēy. 31Wōloo nyuun chēpō taay kilēkuuy chēpō lēt, ku chēpō lēt kilēkuuy chēpō taay." 32Kiintoroor :Yēēsu paani kiimii kupēētii Chēērusālēēm ākōō kiineetanichiich. Kikwōngʼ :kiineetanik akuuwāriisyō :piich walak choo kiimii kutuupēy Yēēsu. Kwoop :Yēēsu kiineetanichiich taman nkōō ārēēny kamas akumwoochi kiyoo kiiwō kii-irēē nkōō wōloo mii inyeentee, 33kilēēchi, "Ateertee kee! Kumii kēēpēētii ākōy Chēērusālēēm, wōloo kipa /kēēnāmēē Wēēroo Chiich /ākēētē tisiik choo ēēchēēn ākōō koonēēt chēpō ngʼātuut choo tilchinii kiirwok /keekeet. /Kinamēy, /ākēētē piich chēpō Rooma, 34choo muulēy, akungʼuti, akupir, akupar. Aku nēē mii pērēētuu nyēpō sōmōk, kungʼeetee meerat." 35Nēē mii yoonēē, kupēēchi :Chowaana ākōō Chēēmis wēēchiipō Sēpētaayo Yēēsu akilēēchi, "Koonēētiin, kumārēy kēēsoomin i-irweech kir." 36Kuteepee :Yēēsu kilē, "Āmārēy a-irwaak nee?" 37Kuwālchi :wēēchoochēē kilē, "Chāmwēēch kutēpō :akoongʼo nkōō achaan ēēruungʼuungʼ pō taay, kutēpō :aka ēēruungʼuungʼ pō lēt pērēētuuni ipāytooy." 38Kilēēchi :Yēēsu, "Moonkēt kiyoo āsoomēy. Āmuukēy aree :akwaan kikoompaa nyaril nyoo ārēēy :aneen? Ntā āmuukēy apuntēērō kaapaatiisana nyēpō ngʼwoonin nyoo apuntēērēē?" 39Kuwālchi kilē, "Kiimuukēy." Kilēēchi :Yēēsu, "Anyōōruukwaan nyāriluut choo ānyōōruuy :aneen, ākoopuntēērēē kaapaatiisana nyēpō ngʼwoonin kilēē aneen. 40Mpō ntā lēē nyoonēē ku mootingʼēy kaamuuka ālēwēn kilē ngʼoo nyoo tēpēē ēēruunyuun pō taay ntā ku lēt, wōloo nyuun pō pārooyinoonēē piich choo /kiikēēchēpchi." 41Kii nēē teer :kiineetanik chuuchō walak lēē taman kiyoo kiimārēy :Chēēmis ākōō Chowaana, kunyāliisyō akipō akwaaneek. 42Kukuur :Yēēsu kiineetanik tōkōl akumwoochi kilē, "Ānkēt :akwaan kilē mārēy :pāytooy choo mii kōōrooni kungʼuuti keey piich kilē akwaaneek choo pāytooy akutingʼēy kaamuuka kusiir chiich aka tōkōl. 43Mēērookēē nyuun ālēkuu choochēē. Nyoo mārēy kilēku nyoo ōōw nkōō akwaan kilēku kipāyityoon. 44Ku nyoo mārēy kilēku nyēpō taay, ku mārēy kilēku ōōtwookiintoo piich tōkōl. 45Kilēē yi kiimaachō Wēēroo Chiich /kēēpāyiisyēēchi, aku kiichō kupāyiisyō akuutētō sāpoontanyiin sikuutyaayta :piich chaa chaangʼ." 46Nēē mii yoonēē, ku-it :Yēēsu ākōō kiineetanichiich Chēērikō. Paani kiimii kupēērēē yoonēē, kutuup piich chaa chaangʼ. Kiimii :soomiin nyoo kii kipkoroot aree kamas kusoomsēy. /Kiikukuurēē chiichoonēē Partimaayo wēēroo Timaayo. 47Paani kateer :chiichoonēē kilē kii Yēēsu nyēpō Naasareet :nyi kiimii kusiirtooy, kukuur nkōō kuut nyoo ōōw kilē, "Yēēsu, Wēēroo Tāwuti, riireenaan." 48Kukar koongʼ :piich chaa chaangʼ kusiis. Wōloo nyuun kitas taay kukuur nkōō kuut nyoo ōōw kilē, "Wēēroo Tāwuti, riireenaan." 49Kuuryoongʼ :Yēēsu akumwoochi piich kilē, "Āmwoochii kuchō yi." /Kēēkuur chiichoonēē kii koroot /ākēēmwoochi kilē, "Paypayiituu akiiryoongʼ! Kuuriin :Yēēsu." 50Kii nēē teer kilēē nyoonēē, kungʼeet kilē weel akuwiirchi siree nyoo kiitukēē keey kamas /ākēērēētō ku-it yoo kiimii :Yēēsu. 51Kuteepee :Yēēsu kilē, "Imārēy a-iruun nee?" Kuwālchi :chiichoonēē kii koroot kilē, "Koonēētiin, āmārēy amararta." 52Kumwoochi :Yēēsu kilē, "Wēēchii keey, kaakuusoopin kaaraneengʼuungʼ." Paani kamwa :Yēēsu kilēē nyoonēē, kimararta akutuup Yēēsu.

will be added

X\