Maarkō 1

1Lōkōōy :chu choo kāroomēēn chēpō Wēēroo Iriin, Yēēsu Kiriistō. 2/Kiikusir nkōō kiitapuu ōōrkooyoontoo Iriin Isaaya kilē, "Āyooytooy chiinyuun kuuntoroor kusātuun aree." 3Siraat mpō kilē, "Mii :chiich nyoo kuursyēy nkōō suur kwēēn kilē, 'Āchēpō keey, ākoochuulchi Kiptaayaan aree.' " 4Kiichō Chowaana Koopootiisāniin Kwoomtooy mu suur kwēēn kilē kuwāliisyō :piich nkōō ngʼōōkiikwaak, /akeepaatiisan sukunyōōchi :Iriin kaat. 5Kipeera :piich chaa chaangʼ Chēērusālēēm ākōō kāmōōs tōkōl chēpō Kōōroo Chuuteeya akupa kuteer ngʼaleepō Chowaana. Kungʼaangʼta :piich ngʼōōkiikwaak akuupaatiisan :Chowaana nkōō ēēmpō Choortan. 6Kiilookēy :Chowaana sira nyoo /kikiileeta puut chēpō tamas, akirata keey angʼwa suwa, akii-āmēy taalim ākōō kuumoot. 7Kyoomchinii piich kilē, "Paani kaawaangʼ koonēētiisyeenyuun, kuchōōnēy :chiich nyoo ōōw kusiir aneen. Māyāmēy mpō ālēku kipāyityoonteenyiin. 8Kaapaatiisaneenaak pēr, wōloo nyuun pootiisānēēnook inyeentee Toomirmiir nyoo Tiliil." 9Nēē mii pērēētuu aka, kungʼeetee :Yēēsu Naasareet nyoo mii Kōōroo Kalilaaya akiwō kuupaatiisan :Chowaana, mu ēēmpō Choortan. 10Paani kāngʼēētuunō :Yēēsu pēr, kuuro kuyaata parak, akurēku :Toomirmiir nyoo Tiliil nyoo karkeey nkōō chēēptuukō akunam inyeentee. 11Kungʼalaal kuut nkōō im kilē, "Inyēēn Wēēriinyuun nyoo āchāmēy ākoopāypāchinii." 12Paanoonēē, kuumut :Toomirmiir nyoo Tiliil Yēēsu ākōy suur kwēēn. 13Kiitēpō :Yēēsu pērēētuus artam kuutyāmēy :Syeetaani akiimii nkōō tyoongʼiipō kērti, aku kiimii malaykeen kupāyiisyēēchinii inyeentee. 14Kii nēē /kaakeerat Chowaana, kiwō :Yēēsu kōōroo Kalilaaya kwaamtaata lōkōōy choo kāroomēēn choo kiipkoonēē wōloo mii :Iriin. 15Kyoomtooy kilē, "Kaaku-it :pērēētuu! Kaaku-itu :Pāyuunātoo Iriin. Āwāliisyēē nkōō ngʼōōkiikwook akaaran lōkōōy choo kāroomēēn." 16Nēē mii pērēētuu aka, kimii kumānēē :Yēēsu tapan nyēpō araaray pō Kalilaaya, kuuro Siimnyōn ākōō wēēriingʼwaangʼ Antereeya kuwiirchinii neetiisyakwaak araaray kunamēy kaaraak. 17Kukuur :Yēēsu pichoochēē akilēēchi, "Apkaana atuupaan saaneetaak wōloo ānāmtooy piich." 18Paanoonēē, kumētō neetiisyakwaak akutuup Yēēsu. 19Kiwō :Yēēsu taay nyoo matyaan, kuuro wēēchiipō Sēpētaayo Chēēmis ākōō Chowaana choo kiimii kuu-uunēy aku-irtooy neetiisyakwaak. 20Paani keero :Yēēsu pichoochēē, kukuur. Kumēti wēēchoochēē apoongʼwaangʼ Sēpētaayo ākōō kipāyitiin mēēlii, akutuup Yēēsu. 21Kiiwō :Yēēsu ākōō kiineetanichiich Kaaparnaam. Nēē mii pērēētuu Sapaatō, kupa :tōkōl sinakōōki, akitoowu kuuneet :Yēēsu piich lōkōōy choo kāroomēēn chēpō Iriin. 22Kiikwōngʼyō :piich nkōō wōloo kiinēētitooy :Yēēsu. Kiimēēnēētēy kilēē wōloo kiinēētitooy :koonēētik chēpō ngʼātuut, aku kiinēētiisyēy kitingʼēy kaamuuka. 23Kiimii sinakōōkiinoonēē :chiich nyoo kii-iimēy :toomirmiir nyaa ra. 24Kuunchō :chiichoonēē kilē, "Yēēsu nyēpō Naasareet, imārēēnēēch nee? Kēēchōōn ipareech? Ānkētiin! Inyēēn Chiich nyoo Tiliil nyoo kiichōōnēē wōloo mii :Iriin." 25Kuupkoongʼ :Yēēsu toomirmiiryoonoonēē akilēēchi, "Siisa, ākiichōōnēē chiichoonēē." 26Paani kamwa kilēē nyoonēē, kuutimtiim :toomirmiiryoonoonēē chiichoonēē. Kuunchō nkōō kuut nyoo ōōw akichōōnēē chiichoonēē. 27Kiikwōngʼyō :piich tōkōl akutoowu kuteepee keey kilē, "Ngʼal nee :chu? Koonēētuut :nyi nyoo rēēl? Nku nēē pkoongʼ :chiichi toomirmiirēy chaa raacheen nkōō kaamuuka kupeeree piich, kuukoonyitēy :toomirmiirōōchoochēē." 28/Kiikyaamtaata ngʼaleechiich kuyāmu Kōōroo Kalilaaya tōkōl. 29Paani kangʼeetee :Yēēsu sinakōōki, kupa ākōō Siimnyōn kipootō Chēēmis ākōō Chowaana ākōō Antereeya kaa Siimnyōn. 30Kiimnyaanaat :pookēr pō Siimnyōn akiimii kurwēēy. Paani ka-it :Yēēsu, kēēmwoochi inyeentee akipō cheepyoosoonoonēē. 31Kiwō :Yēēsu akunam ēēr, akuutoorēt kuuryoongʼ. Kusop :cheepyoosoonoonēē akupay akwaaneek. 32Nēē mii pērēētuunoonēē ku kaakurēytō asiis, /kēēmuti Yēēsu piich tōkōl choo kimnyoonsōōt ākōō choo kii-iimēy :toomirmiirēy chaa raacheen. 33Kipka :piich chaa chaangʼ akuurumchi keey kurkat saangʼ kōyoonēē kiimii :Yēēsu. 34Kiisoop :Yēēsu piich chaa chaangʼ choo kiitingʼēy kōrōōytiin aku-oon toomirmiirēy chaa raacheen chaa chaangʼ. Kikar koongʼ :Yēēsu toomirmiirōōchoochēē kimamwa kir āmu kiinkēt :akwaaneek kilē ngʼoo :Yēēsu. 35Nēē mii paani kēērir :kōōrēē, kungʼeet :Yēēsu akuwēēchi keey wōloo kiimālēēkitēē :chiich, akiwō kisa. 36Kii nēē sōwu :mpō Siimnyōn kilē moomii :Yēēsu, kiwasaata wōloo kāwō. 37Kii nēē nyōōru, kilēēchi, "Mii kuwāsiin :piich tōkōl." 38Kumwoochi :Yēēsu akwaaneek kilē, "Kaykay keepee kāmōōs walak soowō a-amta lōkōōy chēpō Iriin, āmu choochēē chu kyoopkoon." 39Kyaamtaateeree :Yēēsu sinakōōkiin chēpō Kalilaaya, aku-ōōnēy toomirmiirēy chaa raacheen kupeeree piich. 40Kiimii :chiich nyoo kyaam :kōōnchōryoontō. Kichō :chiichoonēē wōloo mii :Yēēsu, kukutunchi akumwoochi kilē, "Nēē ichāmēy, isoopoon akiitiliiloon." 41Kii nēē mwa kilēē nyoonēē, kuriiree :Yēēsu. Kuukoortō ēēruunyiin kutiingʼ chiichoonēē akilēēchi, "Āchāmēy, sopō." 42Kii nēē kaakumwa kilēē nyoonēē, kusop :chiichoonēē kilē weel. 43Kukir :Yēēsu akilēēchi, 44"Āmēēmwoochi chiich aka tōkōl ngʼaleechu. Wiyō akiiwēēngʼuuti keey tisiin siitookuu kilē kaa-itililiitu akii-āp tukun choo /ki-irēē kōrōs kilēē paani kiimwoorēy :Muusa nkōō ngʼātuut." 45Wōloo nyuun kiwō :chiichoonēē akutoowu kwaamtaata lōkōōyichoochēē nyoo maa-ungʼ. Ki-ir :lōkōōyichoochēē kuti ārii aka tōkōl yoo kāwō :Yēēsu, kuurumchinii keey :piich, kumārēy kēēsoop. Ki-ir :ngʼaleechoochēē Yēēsu kuti maakuwēētii ārii aka tōkōl kuurōōtēy :piich. Ku-ir Yēēsu kutēpchi keey tapan wōloo mēēnkēt :chiich. Mpō paani kiitēpō :Yēēsu tapan wōloo mēēnkēt :chiich, kitākupkoonchinii :piich nkōō kāmōōs tōkōl.

will be added

X\