Chēēmis 5

1Mōkōrēēchu, ateertee kee. Āriiryēē ākoonchōōyō āmu mii kuchōōnchinook :ngʼwoonin nyoo /mākyoomu. 2Wēētiiy kupētēy :mōkōrnoontiingʼwoongʼ akiwō kwoomēy :tooryoon sirōōkwook. 3Ngʼāmiisōōt rōōpiyēēkwook choo ātingʼēy. Ngʼuutuuy ngʼamwaanoonēē rāyiityēēngʼwoongʼ paani rwookook :Iriin akupāyiisyēērēē :Iriin ngʼamwaanoonēē kilēē ma kupeel pōōrwēyiikwook. Pō nee kutoontuulchi keey mōkōrnoonti nkōō pērēētuusyēchu pō lēt? 4Lēyyē, ateera kee ngʼaleechu: Mii kuriirchinook :rōōpiyō choo kyaatay :akwaan ātē piich choo kii-irwook pāyit nkōō pareenikwook. Kiiku-iti Iriin nyoo pāyuuy kir aka tōkōl :riirataa pichoochēē. 5Kyaamangʼ :akwaan ngʼwēny āchāmēy tukun chēpō lala akukyaa-am :akwaan kuyam. Ku paannyēēnyi nyuun, akarkee :akwaan ākōō tich choo yākwooyēēn choo mii kukānyoonuuy pērēētuu nyoo /kuyēēngʼēy. 6Kyaa-ir :akwaan piich choo mātingʼēy ngʼālyoon /kēērwoochi /akeekeet; piich choo kiimēēmuukēy kuyeet keey. 7Tuupchēēnichuuch, amurtee ākōy pērēētuuni wārākēē :Kiptaayaan. Aroo kee mpō wōloo murtooy :chiich nyoo kapal pareechiich. Murtooy kungʼeetee kuchō roop nyēpō taay ākōy nyēpō lēt sikukas par choo kāroomēēn. 8Makaat nyuun mpō amurta ākookiilyō, āmu kakuriiku ku-itu :pērēētuu nyoo wārākēē :Kiptaayaan. 9Tuupchēēnichuuch, mookwiintoochinii keey simēērwookook :Iriin. Aroo kee, kaaku-itu :tiliintoo kiirwook kurkat. 10Tuupchēēnichuuch, apkaata kee ōōrkooy choo kiingʼalaal nkōō kaarinaa Iriin. Aroo kee wōloo kiikirinta nyāriluut choo kiinyōōru. 11Kiiloosuuchaan piich choo kiikiringʼ nyāriluut. Aroo kee wōloo kiikirinta :Āyuupu ākōō kir nyoo kiichō ku-irchi :Iriin lētuun. Lēyyē, riirēē piich :Iriin nkōō mukulēr nyoo rēēl. 12Tuupchēēnichuuch, ngʼālyoon nyoo mārēy apkaat ku nyi: Mēēsirpēnēē :chiich kaarinaa Iriin ntā iilē kwaaman :nyungʼwēny. Nēē icham, icham, ku nēē itay, itay, /tāmākuurwookuun. 13Nēē nyōōru :chiich nkōō akwaan nyaril, ku mārēy kusa Iriin. Nēē paypay, kutuum kuuloosu Iriin. 14Ntā nēē kamnyaan, ku mārēy kukuur kāāntōōy chēpō kaaniisa sipākusoochi inyeentee akuu-iila mwaar nkōō kaarinaa Kiptaayaan. 15Nēē /kusoochinii chiich nyoo mnyoonēy /kēētiirēē keey Iriin, kuusoopēy :Iriin chiichoonēē. Ku nēē kiiku-ir ngʼōōki, /kēēnyōōchinii kaat. 16Āmwoochii keey nyuun ngʼōōkiikwook choo kyaa-ir ākoosoochi keey, /sikēēsoopook. Nēē sa :chiich nyoo tiliil, kutingʼēy :soowuutēchiich kaamuuka akuutoorētēy kwōngʼuut. 17Aroo kee Eliicha! Kii chiich nyoo karkeey ākōō achaan aku paani kiisa kilē mārōōpēn kōōroo Israayeel, kutēērchi :Iriin soowuutēchiich. Kumaakurōōpēn nyuun kōōroo Israayeel kēnyiis sōmōk nkōō aroo lo. 18Nēē mii lētuun, kuureer kusa Iriin kukōōnu roop. Kutēērchi :Iriin soowuutēchiich, kurōōpēn akupiityō par. 19Tuupchēēnichuuch, nēē chuunnyō :chiich nkōō akwaan kumētō araa :man, ku maraat /kēē-isu kichō aree nyēpō man. 20Ateera kee ngʼālyoontooni: Chiich aka tōkōl nyoo kā-isuunō chiitō aka wōloo mii :rāyiityō, ku kaakusāru :chiichoonēē chiitō nyiinō aka akaaku-ir /kēētup ngʼōōki chaa chaangʼ.

will be added

X\