Chēēmis 4

1Nee :nyi irook sookwiintoochii keey ākoopooryō? Mākuut chookwook chaa raacheen chu mii kuu-iimook mētēwēy aku-iraak ākwiintoochii keey kilēē nyoonēē. 2Āmārēēkwaan kilē ntā koonyōōru tukun choo mootingʼēy amoonyōōruuy. Nkanyi āmārēy āpāriisyēē kilē soonyōōruu. Ārōōtiniikwaan ngʼat koongʼ tukun chēpō piich āmoomuukēy ānyōōru nkanyi ākwiintoonootēy ākoopooryootō ākōō piich. Moonyōōruukwaan tukuuchoochēē, āmu moosoomēēkwaan Iriin kukōōnook. 3Mpō paani koosoom, ku moonyōōruuy āmu āsoomēy saa-iree tukun chaa raacheen. 4Muutyō, piich choo kyoochuunnyēērēē Iriin. Moonkēt akwaan kilē nēē chuutook :tukun chēpō ngʼwēny, ālēku puun chēpō Iriin? Chiich aka tōkōl nyoo kālēwēn kilēku choorwoo ngʼwēny, ku puunyoon :chiichoonēē nkōō wōloo mii :Iriin. 5Ngʼālyoon nyēpō man nyi mwoorēy :siruut kilē, "Mārēy :Iriin toomirmiir nyoo kiikōōnēēch kuukoonyitēy inyeentee ākityōōn." 6Riirēēnēēch nyuun :Iriin nkōō chamateenyiin kilēē paani mwoorēy :siruut kilē, "Tāyēy :Iriin piich choo lāsēy keey, akuriira :choo āpēy keey ngʼwēny." 7Kunyuun oo, piichooch, ā-isii keey Iriin akaatay Syeetaani. Nēē a-ir kilēē nyoonēē, kuuripō :Syeetaaninoonēē wōli āmii. 8Nēē āriichi Iriin, kuriiku :inyeentee wōli āmii. Ātiliilō ēēruunēkwook choo kyaa-ir ngʼōōki akaakany kureelachiniituuy mootinēēkwaan choo kyaasak kāāpkootuutēkwook. 9Ānārēēkyēē, āriiryō ākoonchōōyō akipō tukun chaa raacheen choo kyaa-ir. Nyoo kātooroorsōōt, āriiryō, aku nēē kātoopāypāyiituuy, ānārēēkyō. 10Nēē ā-āp keey ngʼwēny nkōō taayuu Kiptaayaan, kuutōrōōrook :inyeentee. 11Tuupchēēnichuuch, maangʼalaalee keey nkōō oor nyaa ra. Chiich aka tōkōl nyoo māchāmēy tuupcheenyiin ku kaakuput :chiichoonēē ngʼātuut chēpō Iriin amāchāmēy :ngʼātuutyoonoonēē. Mēētingʼēēnyēēn kaamuuka imwaa kilē ra :ngʼātuut ntā karaam. Makaat ikoonyit ngʼātuut. 12Iriin nyi kiikōōnuuy ngʼātuut aku :inyeentee kipaat nyoo tingʼēy kaamuuka kuurwoochi piich. Inyeentee nyi sāruuy piich ntā kungʼam piich. Ara inyēēn ngʼoo nyuun siimwaara kilē ra chiitō aka? 13Kunyuun oo, pichu, ateertee kee :akwaan choo āmwoorēy kilē, "Aniinee ntā ku āsuun, kēēpēētiichaan ārii aka akeepa kēētēpi wōliinēē kēny ākoongʼo kēē-āltooy tukun ākēēnyōōruuy rōōpiyō chaa chaangʼ." 14Āmu nee soopkootēēkwaan kilēē nyoonēē? Ānkēt :akwaan kilē yēēkāy kilē nēē kōōrēē āsuun? Akarkee :akwaan nkōō kisuunti nyoo yuungʼuuy aku nyoo matyaan, kusarat akupēt. 15Kir nyoo maraat āmwoorēy ku nyi, "Nēē cham :Iriin kēēmāngʼiisyēē, kēēmāngʼiisyō akee-ir kiyi ntā ku nyi." 16Ku, nēē kātoo-irēēkwaan nyuun kilēē nyoonēē, alas keey. Ra :lasataanoonēē. 17Āsōwu nyuun kilē chiich aka tōkōl nyoo nkēt kir nyaa karaam nyoo maraat ku-ir, ama-ir, ku kaaku-ir ngʼōōki.

will be added

X\