Chēēmis 3

1Tuupchēēnichuuch, amaawas :chaa chaangʼ kilē ntā ālēku koonēēt chēpō ngʼālyoontoo Iriin. Āmwooraa kilēē nyoonēē āmu ānkēt :akwaan kilē /kuusyookēēchaan choo kuunēētēy ngʼālyoontoo Iriin kusiir piich walak, paani tilchinii :Iriin piich kiirwook. 2Man kilē kulēēlēēchaan tōkōl saayit aka tōkōl. Ku nēē muuk nyuun :chiich kuriip kuutiinyiin, kumuukēy :chiichoonēē kuriip sāpoontanyiin tōkōl. 3Keemwaa kee kilē kitingʼēy paraasi. Nēē /kurat kuut /ākēērēētē, kuumuukēē /kēērēētē kiwō wōltō aka tōkōl. Nēē kaakee-ir kilēē nyoonēē, ku kaakeepayta paraasinoonēē tōkōl. 4Karkeey mpō ākōō mēēliin choo ēēchēēn mu araaray. Paani āpootēy :yoomēt nyoo nyikiis, ku mii :kir nyoo miningʼ nyoo roongʼēē :chiich mēēlii sikuutangʼ wōli /kumārēy kiwō. 5Nkōō oor nyoo lēē nyoonēē, kēētingʼēēchaan ngʼalyap. Miningʼ kitya akungʼāloolēy ngʼal choo ēēchēēn. Muukēy :ma nyoo miningʼ kupeel kērti nyoo tēēnō wōli nkōō wōliinō! 6Kōrōōm :ngʼalyap inyeentee kilēē ma. Nkōō pōōrpō chiich tōkōl, ngʼalyap :nyoo kiiwoonchi keey ngʼōōki nyoo /mākyoomu. Ngʼāmēy :ngʼalyap chiitōkōl aku :Syeetaani nyoo loorchinii maat. 7Kiikuumuuk :piich kuriip aku tākuriipēy tyoongʼin tōkōl kungʼeetee :tāriit, tyoongʼin choo chuutēē keey ngʼwēny ākōō mpō walak choo mii araaray. 8Moomii nyuun :chiich mpō ākoongʼo nyoo kiikuumuuk kuriip ngʼalyap. Kipngʼōōkiyoon :ngʼalyap, wooywooyēnēy akutingʼēy ngʼwoonō nyoo kōrōōm kitya. 9Kupāyiisyēērēē ngʼalyap kēēloosunēē Kiptaayaan aku Paapa Iriin. Ākēēpāyiisyēērēē ngʼalyaptanyēēnyi kēēpānēē piich choo ki-irta :Iriin nkōō itōōntanyiin. 10Kunyuun, kuutiinnyēēnyi ākoongʼo nyi kuuloosunēē Iriin aku nēē ityō kēēpāniisyēērēē. Tuupchēēnichuuch, mamakaat ku-ira kilēē nyoonēē. 11Mēēmuukēē kukoosuunō :pēr choo kāroomēēn ākōō choo chāmu muuny koongʼ ākoongʼo nyēpō pēr. 12Aku nyuun oo, tuupchēēnichuuch, mēēmuukēy :mookāngʼwō kunam siimaat, amānāmēy :siimootwō maakany. Kunyuun, mēēmuukēy kukoosuunō :pēr choo kāroomēēn yoo lēē muunyaan. 13Mii :chiich nkōō akwaan nyaa ngʼoroom nyoo nkēt ngʼālyoon nyēpō man ākōō nyoo mā pō man? Nēē mii, ku karaam kungʼuutuunō sopoontanyiin akwoop keey ngʼwēny nkōō kir aka tōkōl nyoo irēy. 14Ku nēē unchi keey nyuun :chiich ngʼat koongʼ, tuurinpō moo ākōō suuynoonti, ku mēērookēē kulas keey :chiichoonēē kilē ngʼoroom akimwaaraata ngʼuurnan akipō ngʼālyoon nyēpō man. 15Ngʼoroomnyō nyoo lēē nyoonēē kuchōōnēē wōloo mii piich chēpō ngʼwēny akipō piich choo mātingʼēy Toomirmiir nyoo Tiliil. Pkoonēē kāāpkootuutēchoochēē Syeetaani. 16Ārii aka tōkōl yoo mii ngʼat koongʼ ākōō suuynoonti, ku chaangʼ kwiintaani ākōō ngʼal chaa chaangʼ chaa raacheen. 17Wōloo nyuun, nyēpō taay ku tiliil :ngʼoroomnyō nyoo chōōnēē wōloo mii :Iriin. Nēē ityō ku pō kaalya ākōō tāloosyō. Āpēy keey ngʼwēny, akuriirēē piich, akungʼuutuuy tukun choo kāroomēēn choo pkoonēē pāyiisyōōn. Mēēngʼuulēy piich amātingʼēy ngʼuurnan. 18Nēē toot :piich kaalya choo chāmēy kaalya, /kunyōōruuy kaalya.

will be added

X\