Epuraan 9

1Nkōō ārāruut nyoo kiipō taay ku kiimii :tātuut choo kiingʼuutinii piich wōloo kutunchiintooy Iriin mu Eemeenyiin nyoo tiliil nyoo mii ngʼwēny. 2/Kiikuchara Eemaanoonēē pō Iriin anka. /Kiikukuurēē charwee nyēpō taay Wōloo Tiliil akiimii yoonēē :kaaptaayit nyoo /kiikuutēnii taayitiin, ākōō meesa nyoo /kiikiitēnii makatiin choo /kiitāpoonchinii Iriin. 3Charwee nyi pō wōlipoor nēē kimaalta :ankee ku /kiikukuurēē Wōloo Tiliil Kitya. 4Kiiriikēy yoonēē paakuli nyēpō kōrōs nyoo /kiiku-ira ta-aapu nyoo /kupēēlēē tukun choo ānyinyēēn. Nkōō wōlipoor ku kiimii sāntukuu ārāruut nyoo /kiikunaapa ta-aapu. Kiimii :sāntukuunoonēē tēroo ta-aapu nyoo kiimii āmiisyō nyēpō maana, kaaryaa Aaron nyoo silēē :taaptōōy, ākōō korin ārēēny choo tāpēlēlēēn choo /kiikusirchi ngʼātuut. 5Kiimii :kēēruupik choo ryēlsōōt parakuu sāntukuu. Kiikiitukō :kēēruupichoochēē kapapayiikwaak kārēywoontoo sāntukuunoonēē /kiikunyōōrchinii riirana. /Makuumuukēy nyuun /kēēngʼuutu aniinee ngʼal tōkōl akipō tukuuchoochēē. 6Ki nēē /kakeetat tukuuchoochēē kilēē nyoonēē, ku kiipēētii pērēētuu aka tōkōl tisiik charwee nyēpō taay nyēpō Kōyoonēē ku-ir pāyiisyeengʼwaangʼ. 7Aku kii Tisiin nyoo Ōōw ākityōōn :nyoo kiiwēētii charwee nyēpō ārēēny nyēpō kōyoonēē āsip ākoongʼo kipaat nkōō kēny. Kiimāwēētii yoonēē kumā-āp kērēti chēpō kōrōs tākuulipwoopō ngʼōōkiichiich ākōō choo kiiku-ir :piich kimēēnkēt. 8Nēētēēnēēch :Toomirmiir nyoo Tiliil ngʼaleechu kilē nēē tākumii :Kōyoonēē pō Iriin ngʼwēny, ku mēēmuukēy :piich kuchuut Wōloo Tiliil Kitya mu kōyoonēē. 9Ngʼuutwēēch :ngʼaleechu pērēētuusyēchu kilē mēēmuukēy kuutiliil kāāpkootuutēpō piich :kōōnunēy choo tēnii :tisiik Iriin ākōō kōrōs choo /kipēēlēy. 10Kiipō :ngʼātuutēchoochēē āmiisyō, rēēsyō ākōō kōrōs choo /kuulipwoopēē keey kipaat akiipāyiisyō ākōy pērēētuu nyoo kii-ir :Iriin ārāruut nyoo rēēl. 11Kiichō :Kiriistō kilēku Tisiin nyoo Ōōw nyēpō tukun choo kāroomēēn choo kiikēēnyōōru. Kiichuut :inyeentee Kōyoonēē pō Iriin nyoo mii kipsēnkwēt nyoo maa-ir :piich amāpō ngʼwēny. 12Kii nēē chuut :Kiriistō Wōloo Tiliil Kitya mu kipsēnkwēt, ku kiimaatētō kērētiipō kwārēēy ntā ku kiiruuk, aku kiitētō kērētiichiich āsip ākoongʼo kipaat sikuutyaayteech ākōy. 13Ki nēē /kākēē-isō piich choo tingʼēy ngʼōōki kērētiipō kwārēēy ākōō kiiruuk ntā ku areenipō musur, ku kiikitililiituuy. 14Pō kwōngʼuut kityaan :pāyiisyoo Kiriistō kusiir kōrōs choo pō kēny. Kiikōōnu keey nkōō kaamuukaa Toomirmiir nyēpō ākōy kilēku kōrōsyoon nyoo yamaat nkōō wōloo mii :Iriin. Aku kiikuu-uuntoowēēch :kērētiichiich pāyiisyōōn tōkōl choo kiipō kilēēn tākēē-irchii Iriin pāyit. 15Ki-ir :Iriin ārāruut nyoo rēēl paani kiima :Kiriistō /sikēēnyōōchi piich kaat ngʼōōkiikwaak choo kii-irēy kupāyuuy :ārāruut nyēpō kēny. Ki-ir :inyeentee kilēē nyoonēē sikunyōōru :piich choo kiikuur :Iriin pēēruur nyēpō ākōy nyoo kiikuuyoomiisi. 16Nēē ārōōrchi :chiich piich walak tukuuchiich, ku mēēmuukēy :pichoochēē kunyōōru tukuuchoochēē ākōy nēē kaakima :chiichoonēē. 17Tingʼēy kaamuuka :ārāruutyoonoonēē nēē kaakima :chiich, ama kutākusāpoot. 18/Kiikurātēē nyuun kērēti ārāruut nyoo kiipō taay. 19Kii nēē kaakumwoochi :Muusa piich ngʼātuut tōkōl, kunam keet nyoo /kiikurāti puut akulupō kērētiipō kiiruuk ākōō pēr aku-isō kiitapuu ngʼātuut ākōō piich tōkōl 20kumwoorēy kilē, "Kērētiichu choo rātēy :ārāruutyoo Iriin." 21Kiireer ki-isō :Muusa kērēti Eemaa Iriin ākōō tukun tōkōl choo /kupāyiisyēērēē nkōō yoonēē. 22Mwoorwēēch :ngʼātuut kilē /kupāyiisyēērēē kērēti kēētiliilō :tukun chaa chaangʼ akimwoorwēēch kilē nēē moomii :kērēti ku moomii :nyooyeetaa kaat. 23/Kiikiitiliilēē Kōpō Iriin nyēpō ngʼwēny nyoo itōōnpō Kōpō Iriin nyoo mii kipsēnkwēt kērētiipō chaak, aku Kōyoonēē pō kipsēnkwēt ku /kiikiitiliilēē kērētiipō Kiriistō, kōrōsyoon nyoonēē nyaa karaam kitya kusiir nyēpō ngʼwēny. 24Maachuut :Kiriistō kōyoonēē pō Iriin nyoo kii-irēy :piich nyoo kii itōōnpō Kōyoonēē pō man, aku nyuun kiiwō :inyeentee wōloo mii :Iriin akimii paannyēēnyi kusoomwēēch ārō. 25Maachuut :Kiriistō kipsēnkwēt kuutētō keey āsip chaa chaangʼ kilēē paani kiichuutēy Tisiin nyoo Ōōw Wōloo Tiliil Kitya mu Kōpō Iriin nkōō ngʼwēny kēny aka tōkōl kitingʼēy kērētipō chaak. 26Ntā kilēē nyoonēē, ntā kiimēērēy :Kiriistō āsip chaa chaangʼ kungʼeetee /kee-ir ngʼwēny. Aku paani kiiriik kuuwoonyō :pērēētuus kukōōnu keey :Kiriistō āsip ākoongʼo kilēku kōrōs sukuuwaangʼ kaamuukaa ngʼōōki. 27Mēērēy :chiich āsip ākoongʼo, nēē ityō kutilchi :Iriin kiirwookēēnyiin. 28Nkōō oor nyoo lēē nyoonēē ku kiichamta keey :Kiriistō kima āsip ākoongʼo sikwoop ngʼōōkiipō piich chaa chaangʼ. Wārākēē :Kiriistō amēēlē chōōnēy kuurēērēy kwoopēy ngʼōōkiipō piich, aku nyuun chōōnēy kusāruuy piich tōkōl choo kānyēy inyeentee.

will be added

X\