Epuraan 4

1Akanya kēēriipō keey, sikunyōōru :chiich aka tōkōl kiimunytānoonēē kiiyoomiisēēch :Iriin. 2Kiikeeteer lōkōōy choo kāroomēēn kilēē wōloo kiiteerta :pichoochēē. Aku maatoorēt :lōkōōyichoochēē pichoochēē āmu maaran ngʼalēēchoochēē kiitēērēy. 3Kupēētiichaan kēēmuungʼēy tōkōl ākōō inyeentee choo kiirānēy. Kilēē wōloo kiimwoorēy :inyeentee akipō choo mēērānēy kilē, "Kyoosirpēn akipō pichoochēē nkōō ngʼwoonin, akaamwaa kilē, 'Mā ākōy kinyōōru kiimuny nyoo kyooyoomiis akwaaneek.' " Kiimwooru :Iriin ngʼaleechu mpō ntā kiikiikichēp :kiimunytonoonēē kungʼeetee /kēē-irta ngʼwēny. 4Nkōō siruut, ku mii :yoo mwoorēy akipō pērēētuu nyēpō tisap kilē, "Nkōō pērēētuu nyēpō tisap kuumuungʼ :Iriin, āmu kiikiikuuwaangʼ pāyiisyeenyiin." 5Akuureer, kimwoorēy :Iriin kilē: "Mā ākōy kinyōōru kiimuny nyoo kyooyoomiis akwaaneek." 6Mpō ntā maapa kuumuungʼ ākōō Iriin :piich choo kiipō taay choo kiteer lōkōōy choo kāroomēēn, āmu mateer iit, kumii nyuun :walak choo /kuchāmchinii kupa kuumuungʼ ākōō Iriin. 7Kiisāti :Iriin pichu pērēētuu nyoo pēētii kuumuungʼēy ākōō inyeentee aku pērēētuunoonēē ku aniinee. Kiimwooru :Iriin kupunuunō :Tāwuti kukaakusiirtō :kēnyiisyō chaa chaangʼ kungʼeetee kumii pichu suur kwēēn. Kiimwooru ngʼaleechu /kātākēēmwoorwook kilē, "Nēē ateer aniinee kiyoo āmwoorwook, ku maakar mētēwiiyiikwook." 8Ntā kii-iitita :Yooswa piich kiimunytānoonēē, tāmāngʼāloolēē :Iriin kuureer pērēētuu aka nyēpō kiimuny. 9Kunyuun, tākumii kiimuny nyēpō piipō Kiriistō. 10Chiich nyoo muungʼēy nkōō Iriin ku kiikuumuungʼō pāyiisyōōnichiich kilēē paani kiimuungʼō :Iriin chaachiich. 11Akanya nyuun kēēkiilō keey tākēēnyōōruu kiimuny pō Iriin amāchuunnyō :chiich aka tōkōl kilēē piipō Israayeel. 12Tingʼēy kaamuuka :ngʼaleepō :Iriin aku tingʼēy sopoon. Ngʼatiip kusiir rōōtwoo chōōk. Chuutēy ākōy koowō wōlipoor, akungʼuutu kilē ngʼulēy mākuut chēpō :chiich ākōō chēpō :Toomirmiir. Ngʼuutinii piich nēē karaam ntā ra :kaapkaateengʼwaangʼ. 13Moomii :kir aka tōkōl nyoo ungʼaat nkōō taayuu Iriin. Ngʼaangʼaat :kir aka tōkōl aku lēē kimutul nkōō taayuu Iriin nyoo tilēy ngʼal. 14Akanya nyuun keetasa taay keenama kukaraam ngʼalēēchoochēē kiirānēy, āmu kutingʼēy Tisiin nyoo Ōōw nyoo kiikiwō kipsēnkwēt. Nyoonēē ku Yēēsu Wēēroo Iriin. 15Riirēē :Tisiintoonoonēē Ōōw kuskuusyēēnyoon, āmu /kiikiityam mpō inyeentee nkōō oor aka tōkōl kilēē achaan wōloo nyuun maa-ir ngʼōōki. 16Keepee nyuun nkōō nyakanat taayuu ngʼacharaa paytaar nyēpō :Iriin tākuutoorētēēch nkōō riireneenyiin ākōō chamateenyiin.

will be added

X\