Epuraan 2

1Kunyuun, mārēy keenama kukaraam ngʼālyoontooni kiikeeteer, simakuchiityō. 2Pō koomānuut :ngʼātuutēpō Iriin choo /kiikukōōnu kupunuunō malaykeen nyoo nēē siiru :chiich, kunyōōruuy siitāt nyoo yāmēy. 3Ara oo, kichiriltooy ānō, nēē makuyāpchi iit ngʼālyoontooni ōōw pō sāruuno? Kiisip kwoomu :Kiptaayaan ngʼālyoontooni akumwoorwēēch akwaaneek :choo kiiteer. 4Kiingʼuutu mpō kuureer :Iriin kilē man :ngʼālyoontoonoonēē kupunuunō tukun chēpō kwōngʼuut choo ngʼuloongʼulēy akurōōpchi piich kōōnunēy chēpō :Toomirmiiryeenyiin kilēē wōloo mārtooy :inyeentee. 5Maa-ir :Iriin malaykeen kupāyu kōōrooni chōōnēy nyi kimiichaan kēēngʼāloolēē. 6Mii nkōō siruut :yoo mwoochinii :chiich aka Iriin kilē, "Ara, ngʼoo :chiich tēē-iimchii keey? Ntā ngʼoo :chiich tēētoorētō? 7Kii-ir inyēēn chiich kuminingʼiit nkōō malaykeen pērēētuus choo ngʼērin. Aku nyuun kiipkaat itē tōrōōrin ākōō koonyit, akiitō kipāyu tukun tōkōl choo kii-ir, 8akiitō kuuryoonchi tukun tōkōl." Nēē /kumwoorēy kilē 'Kuuryoonchi tukun tōkōl,' ku moomii :kir nyoo mēēryoontooy. Toomō keeroo ku-iriisōōt ngʼaleechu, 9akēērōōtēy nyuun Yēēsu nyoo /kiikuuminingʼiit pērēētuus choo ngʼērin nkōō malaykeen ku /kiikēētē ōōwin ākōō koonyit. Kiingʼuutu choomnyoo Iriin paani kiima akipō piich tōkōl. 10Ki-ir :Iriin kir aka tōkōl kilēē wōloo kiimārtooy. Nkanyi, kiiyam kunyaril :Yēēsu siku-ira :kiyoo kiichēp :Iriin, akuumut laakōōchiich chaa chaangʼ kupa /kēētōrōōr. Kunyuun, Yēēsu nyoo ntōrōōrchinii piich /kēēsāru. 11Kunyuun Yēēsu ākōō piich choo /kēētiliil inyeentee ku laakōōpō Paapa ākoongʼo. Nkanyi mēēwārēy :Yēēsu kukuurō pichoochēē choo kituupchō. 12Āmu kiimwa kilē, "Āngʼāloolēēniin nkōō wōloo mii :choo kituupchō! Āloosuun nkōō taayuu piich tōkōl choo kēēruruuk keey." 13Mwoorēy kuureer kilē, "Ātiirēē keey inyeentee." Akimwoorēy mpō kilē, "Āmii yi ākōō laakook choo kiikukōōnān :Iriin." 14Kiilēku Yēēsu chiich kilēē laakōōchoochēē, si nēē ngʼat kuupēl nkōō meereenyiin Puunyoontoonoonēē tingʼēy kaamuukaa meerat 15akuutyaayta piich choo kiirātootēēn nkōō kāāwāriisyō nyēpō meerat. 16Pō man, kiimāmārēy kicho kuutyaayta :Yēēsu malaykeen, aku kiichōōnēy kuutyooytooy piich chēpō kōpō Apraam. 17Kunyuun, kiilēku inyeentee tuupchēē nkōō oor aka tōkōl, tākilēku Tisiin nyoo Ōōw nyoo riirēē piich /ākēērānēy nkōō pāyiisyoo Iriin. /Kiikupar /tākwoop ngʼōōkiipō piich tōkōl. 18Āmu /kiikiityam inyeentee /akeenyariil, kumuukēy nyuun kuutoorēt piich choo /kakiityam.

will be added

X\