Epuraan 11

1Nēē kiirānēy Iriin ku-iriisōōt :tukun choo kiimoongʼuuy akitookuuy :tukun choo /mākuurōōtēy. 2/Kiikuuloosu kuukōtiin choo kiirānēy Iriin. 3Āmu kiirānēēchaan Iriin, kēēnkēt kilē kii nēē mwa :Iriin ngʼālyoon, ki-ira :parak ākōō ngʼwēny, sikupkaana :tukun choo /kuurōōtēy tukun choo /mākuurōōtēy. 4Āmu kiirānēy :Āpēēli Iriin, ki-irchi kōrōs choo kiicham :Iriin kusiir choo kiipō Kaayin. Kii nēē cham :Iriin kōrōsēēchoochēē, kungʼuutu kilē kiipō man :Āpēēli. Mpō ntā kiima :inyeentee, kutākungʼāloolēy :kaaraneenyiin. 5Āmu kiirānēy :Eenok Iriin, /kēē-āp kipsēnkwēt kusāpoot amaatakutooku nkōō wōli. Kitoomō /kēē-āp Eenok kipsēnkwēt ku /kiikumwooru kilē kiipaypaay :inyeentee Iriin. 6Moomii :chiich nyoo pāypooyēy :Iriin nēē mēērānēy inyeentee, āmu maraat kicham :chiich nyoo choonchinii Iriin kilē mii :inyeentee akuutēnii mālāk piich choo wāsēy inyeentee. 7Āmu kiirānēy :Noowa Iriin, kiteek mēēli kuusoop katanyiin. Kiikoonyit :inyeentee kiyoo kiimwoochinii :Iriin akipō tukun choo toomō /keero. Kingʼuutu :Noowa nkōō araani kilē kiiyamaat /kēētilchi kiirwook :ngʼwēny /akeecham inyeentee kilē pō man. 8Āmu kiirānēy :Apraam Iriin, kiteer iit paani /kiikumwoochi inyeentee kiwō kōōr nyoo tēnii :Iriin. Kii-uurchi nyuun kōōr nyoo kiimēēnkēt. 9Kiimāngʼ eema kilēē kipruutooyoon nkōō kōōroonoonēē kiiyoomiis :Iriin. Kimāngʼiisyō mpō Isaka ākōō Chaakōp kilēē nyoonēē mpō ntā /kiikuuyoomiisi akwaaneek kōōroonoonēē. 10Kiikānyoonuuy :Apraam kōōr nyoo chēpēy akutēēkēy :Iriin. 11Āmu kiirānēy :Apraam Iriin, kilēku paapaa laakwa mpō ntā kiikiikuyoosiit akiikutila :yyoot Saara. Kiitiirō keey :Apraam Iriin nyoo kiiyoomiisi inyeentee laakwa. 12Nkanyi nyuun kinyōōru :chiich ākoongʼo nyoo kiipaanta kima kuukōtiin chaa chaangʼ kitya choo tēēnō kookeel ntā ku asyaak choo mēē-iitiisyēy. 13Kiimēērō :pichu tōkōl, kitoomō ku-it kōōrooni kiikuuyoomiisi Iriin. Aku kiirānēy inyeentee kitoopēnchi wōloo lōōw akukanyaanu. Kuchāmchi keey kilē kii kipruutooyiin nkōō ngʼwēny. 14Nēē mwoorēy :piich ngʼal choo lēē chu kungʼuutuuy kilē mii kuwāsinii keey kōōr aka. 15Ntā kiipkootēy :pichoochēē kōōrooni kiipkoonēē, tākiinyōōruuy pārooyin kiwaraka. 16Aku nyuun, kiimārēy :pichu kunyōōru kōōr nyaa karaam kitya, aku nyoonēē ku kōōroo kipsēnkwēt. Kunyuun, paypay :Iriin kukuurō pichoochēē piichiich, āmu kiikuchēpchi akwaaneek kōōr mu kipsēnkwēt. 17Āmu kiirānēy :Apraam Iriin, kicham kuutētō Isaka wēēriinyiin nyoonēē kii ākoongʼo kipaat kilēē kōrōsyoon kii nēē tyam :Iriin inyeentee, 18mpō ntā kiikiiyoomiis :Iriin kilē, "Isaka :nyoo rōōptooy kaarineengʼuungʼ." 19Kiinkēt :Apraam kilē muukēy :Iriin kuungʼeet choo mēērsōōt. Kilēē nyoonēē, ku lēē yoo /kikuu-ōōkuunō Isaka meerat. 20Āmu kiirānēy :Isaka Iriin, kuusēē-ēn Chaakōp ākōō Eesaaw. 21Āmu kiirānēy :Chaakōp Iriin, kuusēē-ēn wēēchiipō Chōōsēp kitoomō kima, akutiirō keey kaaryeenyiin kukutunchi Iriin. 22Āmu kiirānēy :Chōōsēp Iriin, kimwooru kitoomō kima wōloo /kiityooytooy piipō Israayeel kupeera Miisiri akimwooru kiyoo /ku-irtooy koowēyiichiich. 23Āmu kiirānēy :sikiipō Muusa Iriin, ku-ungʼ Muusa āroo sōmōk kii nēē /kituum. Kiiro :sikiichoochēē kilē kii karaam :wēēroonēē aku maawar kupistēērēē kiyoo kiimwoorēy :pāytooyiin. 24Āmu kiirānēy :Muusa Iriin, paani kii-ōōwiit, kutay /kēēkuurō wēēroo chēpō Paraawo. 25Kiilēwēn :Muusa kunyaril ākōō piipō Iriin kusiir kuupaypaaya keey ngʼōōki chēpō pērēētuus choo ngʼērin. 26Kiiro kilē kii kaykay /kēē-us kilēē Kiriistō kusiir kinyōōru mōkōrnoonti nyēpō Miisiri, āmu kikānyoonuuy mālāk nyoo /kuutēnii. 27Āmu kiirānēy :Muusa Iriin, kiwēērō Miisiri amaawar nareek chēpō pāytooyiin. Kiimurta āmu kiikiikuuro Iriin nyoo mātookuuy. 28Āmu kiirānēy :Muusa Iriin, kimwoochi piipō :Israayeel kwaam Tuumpō Pasaka akimwoochi :inyeentee pichoochēē ku-isō kērēti kurkoot simapar :malaykayaantaa Iriin wēēchiipō Israayeel choo lēē kipōōrēētōōy. 29Āmu kiirānēy :piipō Israayeel Iriin, kitilta Araaray nyoo Pirir kilēē kōōr nyoo yaamaat. Aku kii nēē tyam :Miisirik kilē kitilta, kwoop :pērēēchoochēē. 30Āmu kiirānēy :piipō Israayeel Iriin, kiruul :karwaa kōōroo Chēērikō nyoo kiikuteeka korin kii nēē muruut :akwaaneek pērēētuus tisap. 31Āmu kiirānēy :Raa-ap nyoo kii cheepaykeeyaan Iriin, /kimaakipar nyuun ākōō pichoochēē kiimaakoonyit Iriin āmu kiitaak yōōtiipō Israayeel. 32Ara, tāāmwooraa nee? Moomii :pārooyin nyoo kātoomwoorwook akipō Kiityōn, Paarak, Sāmsōn, Cheepta, Tāwuti, Sāmwēēl ākōō ōōrkooyiipō Iriin. 33Āmu kiirānēy :pichoochēē Iriin, kipooryō ākōō kōōrootin akuupēl, kii-ir tukun chēpō man akunyōōru kiyoo kiikiikuuyoomiis :Iriin. Kikar :pichoochēē walak kuutuwayiipō ngʼētuuny. 34Kiipuntēērēē :walak moot choo kii ngʼwoonō, akichirila :walak chōōkoon. Mpō ntā kii makiilootēēn :pichoochēē walak, ku kiinyōōru kaamuuka. Kii kōrōōmiituuy :walak nkōō pooryoot akuupēl luk chēpō kōōrootin walak. 35Kiitaak :chēēpyōōsōōy piikwaak choo kiikuungʼēētuunō meerat. Mii :walak choo /kiiku-us kuti mēērō āmu maacham kumētō kiyoo kiirānēy. Kiitay akwaaneek /keetyaayta āmu kiimoongʼuuy kunyōōru sopoon nyaa karaam nyoo siirēy nyēpō ngʼwēny. 36/Kiikimuul walak /ākēēnoor, /keerat walak akēēkārchi korkoreet. 37/Kiikuwiira walak korin kumēērō, /keetiluuna walak ārēēny nkōō musumēēnō, /keepara walak chōōkoon. Kiilookēy walak siroopō kwārēēy nkōō chēpō kēēchiir, kii mēēy walak, /kēē-us /akeenyariil. 38Kii kāroomō :akwaaneek kitya kusiir piipō ngʼwēny. Kii uurootēy nkōō suur kwēēn nkōō tulwēy akiimāngʼēy kēpēnoot. 39/Kiikuuloosu pichoochēē āmu kiirānēy Iriin, akiitoomō kunyōōru kiyoo kiiyoomiis :Iriin, 40āmu kiichēpwēēch :inyeentee kir nyaa karaam kitya, amānyōōruuy kiyoonēē nēē mākimii tōkōl.

will be added

X\