Epuraan 10

1Kii kitōōntōr ngʼātuutēpō kēny chēpō tukun choo kāroomēēn choo kiimii kupkoonēy, akiimā tukuuk akwaaneek. Kunyuun, kimēēmuukēy :ngʼātuutēchoochēē ākōō kōrōs choo /kiiku-irēy kēny aka tōkōl kuutiliil piich choo kiipkoonēy kukutunchinii Iriin. 2Ntā kii-uuntoochinii :kōrōsēēchoochēē pichoochēē ngʼōōkiikwaak kutililiituuy, ntā kiikuuryoongʼ :pēēlsyoo kōrōs, āmu kiikuu-uuntō ngʼōōki kilē chiim mu kāāpkootuutēkwaak. 3Kiipkootinii :pēēlsyoonoonēē pō kōrōs piich ngʼōōkiikwaak kēny aka tōkōl kipaat, 4āmu kimēēmuukēy kuu-uuntō :kērētipō kiiruuk ākōō chēpō kwārēēy ngʼōōki. 5Kunyuun, kichōōnēy :Yēēsu ngʼwēny, ku kiimwoochi Iriin kilē, "Kiimēēmārēy /kee-iruun kōrōs /akēēkōōniin par; aku kiichēpoon saateerin iit. 6Mēēpāypāychinii chaak choo /kupēēlēy, ntā pēēlsyoo kōrōs akipō ngʼōōki. 7Nkanyi kyaamwaa kilē, 'Āmii yi, Iriin. Kāāchōōn saa-ir kir aka tōkōl nyoo imārēy a-ir, kilēē wōloo siraat akipō aneen nkōō kiitapuungʼuungʼ.' " 8Kiimwooru kupōk kilē, "Kiimēēmārēy /kee-iruun kōrōs /akēēkōōniin par. Mēēpāypāychinii chaak choo /kupēēlēy, ntā pēēlsyoo kōrōs akipō ngʼōōki." (Mpō ntā /kiku-irēy kōrōsēēchu kutuup keey ākōō wōloo lēē :ngʼātuut.) 9Nēē mii yoonēē, kumwooru kilē, "Āmii yi, Iriin. Kāāchōōn saa-ir kir aka tōkōl nyoo imārēy a-ir." Kunyuun, kiiput :Iriin ārāruut nyoo kiipō taay akuukeera ārāruut nyoo rēēl. 10/Kiitiliilēēch āmu kiitētō keey :Yēēsu Kiriistō kilēē wōloo kimārtooy :Iriin kilēku kōrōsyoon nyēpō āsip ākoongʼo kipaat. 11Irēy tisiik chēpō Yāwuutik pāyit pērēētuu aka tōkōl kupēēlēy kōrōsēēchoochēē āsip chaa chaangʼ, amēēmuukēy kwoop ngʼōōki. 12Aku, kiitētō keey :Yēēsu kilēku kōrōsyoon āsip ākoongʼo kipaat, akiwō kutēpō ēēruu taay nyēpō Iriin. 13Mii wōloonēē aniin kukānyiisyēy ākōy pērēētuu nyoo /kiipēlēy puunichiich. 14Kii nēē tētooy keey :Yēēsu kilēku kōrōsyoon, ku-ir kuuchuuliisyō :piich choo mii kuutiliilēy :Iriin ākōy. 15Āsiisiin :mpō Toomirmiir nyoo Tiliil nyēpō ngʼalēēchoochēē kiimwoorēy kilē, 16"Mwoorēy :Iriin kilē ārāruut :nyi nyoo ā-irēy ākōō pichoochēē nkōō pērēētuus choo mii kupkoonēy. Ātēnii ngʼātuutēchuuch mukuliiriikwaak ākoosirchi mētēwēyiikwaak." 17Nēē ityō kumwa kilē, "Maarēērēy āpkootēy ngʼōōkiikwaak ākōō rāyiityēēngʼwaangʼ." 18Nēē /kākēēnyōōwēēch nyuun kaat, ku maakimaraat kutakee-ir kōrōs. 19Kunyuun oo choo kituupchō, kitingʼēy nyakanat keepa Wōloo Tiliil Kitya mu Kōpō Iriin nkōō kipsēnkwēt, āmu kiitarta :Yēēsu kērētiichiich akipō achaan. 20Kiiyootwēēch :inyeentee oor nyoo rēēl nyoo mutēēch wōloo mii :Iriin kēēpuntēērēē anka nyoo kiikichara Kōpō Iriin. Araani rēēl ku Yēēsu nyoo sopoot. 21Āmu kitingʼēy Tisiin nyoo Ōōw nyoo pāyuuy Kōpō Iriin, 22akany nyuun kēēriichii Iriin nkōō kāāpkootuut chēpō man kēērānēy inyeentee nyoo mākuuwāriisyēy. /Kiikēēpiitēēnēēch kērētiipō Yēēsu, sikutililiituuy :kāāpkootuutēchooch choo rāāchēēn /ākiikēē-uunēēnēēch pēr choo tiliilēēn. 23Keenama kukaraam kiyoo kumwoorēy kilē kiimoongʼuuy āmu ranaat Iriin nyoo kiiyoomiisēy kiyoonēē. 24Keepkaata wōloo kiimuuktooy keecheer keey, keecham piich, akee-ir ngʼal choo kāroomēēn. 25Maakany kēēmētēē ātēp nyoo kutuusōōt kilēē paani kiimētō :walak. Akanya kēēkiilō keey, āmu ānkēt kilē mii kiriikuuy :pērēētuu nyoo choonēy :Kiptaayaan. 26Aku nēē kaakēēnyōōru ngʼālyoontoo man ākēētāsēy taay kēē-ōōchinii kēē-irēy ngʼōōki, ku moomii nyuun :kir nyoo /kii-uuntoorēē ngʼōōkiichooch. 27Kēētēpēē nyuun kēēwāriisyēy kēēkānyoonuuy /keetilweech kiirwook nkōō ma nyaa ngʼwaan nyoo pēēlēy kuuwoongʼuuy puunipō Iriin! 28Ki nēē tay :chiich kutuup ngʼātuutēpō Muusa akumwooru :sōwi ārēēny ntā ku sōmōk ku /kiikupārēy chiichoonēē nyoo /mākuriirēē. 29Ngʼwoonchinii nyaa tyaan nyuun :chiich nyoo kareengʼ Wēēroo Iriin akuuseer kērētiipō ārāruutyeenyiin choo /kiikuutiliilō kilēku chiipō Kiriistō! Nyārilēy kilē nee kēny :chiichoonēē muulēy Toomirmiir nyēpō choomnyoot! 30Lēē nyoonēē āmu kiinkēt :achaan Iriin nyoo kiimwoorēy kilē, "Ārooytooy mukētuut." /Kumwoorēy kuureer kilē, "Tilchinii :Iriin piichiich kiirwook." 31Ngʼwoonchinii, kitya chiich nyoo /kēēputi ēēruunēpō :Iriin nyoo sopoot! 32Apkaata kee pērēētuusyēchoochēē kiipō taay paani kyoonyōōru lēpooyinpō Iriin. /Kiiku-usook nyoo kōrōōm, akyaamurteekwaan. 33Kiimii mpō :pērēētuus walak choo /kikumuulook /ākēē-usook, aku nkōō pērēētuus walak ku kyootoorētēy mpō choo /kiiku-irchinii ngʼalēēchoochēē. 34Kyooriirēē piipō Kiriistō walak choo /kiikurat, akyoomuurtooy nkōō pāypooyō nēē /kusareenaak tukuukwook, āmu kyoonkētikwaan kilē ātingʼēy kir nyoo mārookēy aku karaam kusiir tukuuchoochēē. 35Kunyuun, āmoomētō nyakanateengʼwoongʼ nyoo kōōnook mālāk. 36Makaat āmurtooy ā-irēy kiyoo mārēy :Iriin, soonyōōruu kiyoo kiiyoomiis :inyeentee. 37Mwoorēy :siruut kilē, "Chōōnēy :inyeentee nyoo kimii kēēkānyēy kilēēkit amāsiistooy. 38Nyōōruuy :chiinyuun nyēpō man sopoon nēē tiirēēnoon keey. Aku nēē chuchuuka, ku moopāypāchinii." 39Aku mākupoochaan piich choo chuchukiisōōt akupētyō, wōloo nyuun kupoochaan choo tiirēē keey Iriin /ākēēsāru.

will be added

X\