Epuraan 1

1Kiingʼāloolchinii :Iriin kēny paapatiinēchooch āsip chaa chaangʼ nkōō oortin chaa chaangʼ kupunuunō ōōrkooyichiich, 2aku nkōō pērēētuusyēchu pō lēt kingʼāloolwēēch kupunuunō wēēriinyiin nyoo kiikuutō kupāyiit :kir aka tōkōl. Kii-ir :Iriin im ākōō ngʼwēny kipunuunō wēēroonēē. 3Kuurōōtēē wēēroonēē ōōwinpō Iriin. Inyeentee nyoonēē ku itōōn pō Iriin kilē tas akupāyuuy im ākōō ngʼwēny nkōō kaamuukaa ngʼālyoontēēnyiin. Kii nēē kaakima akuutiliilō piich ngʼōōkiikwaak, kuwēēchi keey kipsēnkwēt kiwō kitēpō ēēruu taay nyēpō Iriin nyoo pāyuuy kir aka tōkōl. 4/Kiiki-ir Wēēroonēē ku ōōwiit kusiir malaykeen. /Kukuurēē inyeentee Wēēroo Iriin aku ōōw kaarinaanoonēē kusiir kaarin aka tōkōl nyēpō malaykeen. 5Ara, malayka ngʼoo nyoo kiikumwoochi :Iriin kilēē woloo kiimwoochiintō Yēēsu kilē, "Inyēēn Wēēriinyuun! Koolēku aniinee āpoongʼuungʼ." Āmoomwoochi :Iriin malaykayaan aka tōkōl kilē, "Ālēkuuy āpoonyiin akilēku inyeentee wēēriinyuun." 6Paani kiiyooku :Iriin wēēriinyiin kipooreet kuchō ngʼwēny, kuureer kimwooru akipō Wēēroonēē kilē, "Kukutunchi :malaykeen tōkōl inyeentee." 7Akipō malaykeen ku /kiikumwooru kilē, "Kii-ir kukarkeeyiit nkōō yoomēt, aku-ir kipāyitiin choo karkeey nkōō ma." 8Akipō wēēriinyiin ku /kiikumwooru kilē, "Inyēēn Iriin, akiipāytooy ākōy nkōō ākōy! Ipāyuunēē piikuuk ngʼālyoontoo man. 9Ichāmēy ngʼālyoon nyēpō man akiisāsēy kir nyoo māpō man. Kunyuun oo, kiikulēwēnin akuu-iilin :Iriin akukōōnin pāypooyō kusiir nyēpō chiich aka tōkōl." 10/Kiikumwooru mpō kilē, "Nkōō taay, ku kii-ir :inyēēn, Kiptaayaan, ngʼwēny tōkōl, akii-ira ēēruunēkuuk kir aka tōkōl nyoo mii im. 11Pētsōōt :tukuuchoochēē tōkōl, akiingʼātuunyēēn. Yōōsiituuy :kipsēnkwēt ākōō ngʼwēny kilēē sirōōy. 12Iyoonukēy tukuuchoochēē kilēē sirōōy /akēēwāloowālēy kilēē sirōōy choo /kiilookēy, aku nyuun mēēwālēēnyēēn, āmēēyōōsiituuy ākōy." 13Ara malayka ngʼoo nyoo kiikumwoochi :Iriin kilēē woloo kiimwoochiintō Wēēriinyiin kilē, "Tēpēē ēēruunyuun pō taay ākōy āpēluun puunikuuk akaa-ir kusiisyō."? 14Malaykeen ku :ngʼoo nyuun? Akwaaneek ku toomirmiirēy choo kipāyitiin chēpō Iriin akuuyooytooy :Iriin kupa kutoorēt piich choo /kusāruuy.

will be added

X\