Kalatiya 4

1Apkaata kee kilēē nyi: Nēē ma pooyoon akumēti laakweenyiin nyoo tāku miningʼ tukuuchiich, ku karkeey laakwaanoonēē nkōō ōōtwookiin. Mpō ntā chaachiich :tukun chēpō apoonyiin, ku mātingʼēy kaamuuka nkōō wōloo mii :tukuuchoochēē ākōy ku-ōōwiit. 2Tākumii :laakwaanoonēē ēēruun chēpō tilyay nkōō piich choo ryoonchinii tukuuchoochēē ākōy paani /kākuutē kaamuuka kupayta tukuuchoochēē. Aku pērēētuunoonēē /kuutēnii kaamuuka ku pērēētuu nyoo kiikilēwēn apoonyiin. 3Kii nēē tākupāytooyēēch :ātēpuut chēpō ngʼwēny ku kiikilēēchaan laakōōy choo mēēnkēt kir. 4Ku kii nēē it :pērēētuu nyoo /kiikiikēēchēp, kukōōnu :Iriin laakweenyiin nyoo kiinam :cheepyooso akutēpuunō kōōr nyoo kiipāytooy :ngʼātuut chēpō Yāwuutik. 5Kuchō kuutyaayteech choo kiikiikupayteech :ngʼātuut sikēēlēkuu laakōōpō Iriin kukaraam. 6Kilēē paani kiikēēlēku tōkōl laakōōpō Iriin, ku kiiyookwēēch :Iriin Toomirmiiryoo Wēēriinyiin kumāngʼiisyō ākōō achaan. Toomirmiiryoonoonēē nyi irēēch kēēkuursyēē kilē, "Apoo." 7Maakiichaan nyuun tōkōl paannyēēnyi ōōtwook. Kiikēēlēku laakōōpō Iriin. Āmu kiikēēpāyiitu nyuun Iriin, kēēkōōnēēch kir aka tōkōl nyēpō laakōōchiich. 8Kii nēē toomō āsōwuukwaan Iriin, ku kiipāytooyook :tukun choo mēērookēē /kēēkutunchi. 9Ku paanyēēnyi paani kāāsōwu Iriin, aku kaakusōwook :inyeentee oo, kilē nee saamara kuureer kupaytaak tukun choo mēētoorētook? Āmārēēkwaan kuureer kuupootook :tukuuchoochēē? 10Āmiikwaan ākiilēy keey āriipēy tuumwēyiipō Yāwuutik. Āmu nee sookiilchi keey tuumwēyiichoochēē? 11Kaawar :aneen wōloo kāātēptēēkwaan nyoo āmii :aneen āpkootēy kilē kiilēku pāyiisyeenyuun puch. 12/Kiikeetyaaytaareenaa ngʼātuut ākoomāngʼiisyaa kilēē akwaan choo kiimāpāytooyook ngʼātuut. Āsoomook nyuun tuupchēēnichuuch ātyookiisyēērēē wōloo mii ngʼātuut soomāngʼiisyēē kilēē aneen. Kyaataakaan nkōō oor nyaa karaam paani kyoochōōn nyēpō taay ā-āmwook lōkōōy choo kāroomēēn. 13Kilēē paani ānkēt :akwaan, kir nyoo ki-iraa soochoo-āmwook lōkōōy choo kāroomēēn nyēpō taay ku āmu kiimakaraam anee pōōr. 14Mpō ntā kiimuukēy kuu-iimaak :pōōrtanyuun, ku kiimaatayaan ntā a-oonoon. Kyaataakaan nyuun kilēē yoo kyaaneen malayka nyēpō Iriin, ntā ku kilēē yoo kyaaneen Yēēsu Kiriistō. 15Kiikwaamaak :nee aniin? Kiiwō ānō pāypooyēēngʼwoongʼ nyi kiipō taay? Āmwoorwook man kilē kyaachamaan nyoo ntā kiimuukēē, tākyoopāluuy koonyiikwook ākookōōnoon. 16Kunyuun oo, ara kyoolēkwaa puunyoon nkōō wōloo āmiikwaan āmu kyoomwoorwook man? 17Mii :pichoochēē mārwook atuupa ngʼātuut kuutyāmēy kilē kusaarsaaraak āchāmchii ngʼaleekwaak, aku mā ngʼal choo kāroomēēn. Mārēy :pichoochēē ku-istoorēēnook wōloo āmiiyaa sootēērchiikwaan ngʼaleekwaak. 18Karaam ānāmchi keey ngʼālyoon nēē ngʼālyoon nyaa karaam. Akaa-ir kilēē nyoonēē ākōy mpō ntā mākumii tōkōl. 19Chamanichuuch, kilēē paani ngʼwooniituuy cheepyooso :moo nēē mārēy kutuum, kumii kungʼwoonchinaa mpō kilēē nyoonēē ākōy aroo kilē kookiilyō nkōō Kiriistō. 20Ālēēlyaa ntā kākimii tōkōl saakuskuus mukulērtanyuun paani āngʼāloolwook, āmu kee-iiman :ngʼaleekwook. 21Ateertee kee, akwaan pichu āmārēy kupaytaak :ngʼātuut. Ānkēt :akwaan kiyoo mwoorēy :siruut chēpō Muusa? 22Siraat kilē kiitingʼēy :Apraam wēēchiichiich ārēēny. Kiināmēy :cheepyoosee aka nyoo lēē ōōtwookiin wēērii aka, kunam wēērii aka :cheepyooseetaa kata. 23/Kiikunam wēērii nyi pō cheepyooso nyoo lēē ōōtwookiin kutuup keey nkōō kāāpkootuut chēpō piich. Ku nyi kiipō cheepyooseetaa kata ku /kiikunam kilēē paani kiiyoomiis :Iriin Apraam. 24/Kiikuukarkeeyiit chēēpyōōsōōchoochēē nkōō miistiin ārēēny chēpō Iriin. Miis nyēpō taay nyoo /kiikutoowuunō Tulwoo Sinaay ku karkeey nkōō Akar. Nāmēy nyoonēē :laakōōy choo lēē ōōtwook. 25/Kiikuukarkeeyiit Akar Tulwoo Sinaay nyoo mii kōōroo Areepya /akeekarkeeyiita Chēērusālēēm nyēpō paannyēēnyi nyoo ōōtwook :piichiich nkōō ngʼātuut. 26Karkeey nyuun cheepyooseetaa kata nkōō :Chēērusālēēm nyēpō kipsēnkwēt. Tyaakaat aku eeyeenyoon. 27Mwoorēy :siruut kilē: "Paypayiituu, :inyēēn cheepyoosooni lēē sōōn. Isiiyta, nyoo mēētēērēy ngʼwoonin nyēpō laakwa. Tyaan :laakōōy choo nyōōruuy :cheepyooso nyoo kakusas kusiir nyoo kiitingʼēy murēn." 28Kunyuun oo, tuupchēēnichuuch, akarkee :akwaan nkōō Isaka āmu /kiikunamaak ālēku laakōōpō Iriin kilēē wōloo kiiyoomiistō :Iriin Apraam. 29Kilēē wōloo kiilēē :ngʼala nkōō pērēētuus chēpō Apraam, kilēē nyoonēē mpō paannyēēnyi. Ngʼēētēy :wēērii nyi /kiikunam kilēē wōloo pkootitooy piich ku-us nyi /kiikunam nkōō kaamuuka nyēpō Toomirmiir nyoo Tiliil. 30Mwoorēy nee nyuun :siruut chēpō Iriin akipō yēēnyi? Mwoorēy kilē, "Oona cheepyoosoonoonēē lēē ōōtwookiin nkōō wēēriinyiin kupeera kaayi. Mārāmtooy :wēēroo cheepyoosooni lēē ōōtwookiin kir nkōō wēēroo cheepyooseetaa kata." 31Kunyuun, oo, tuupchēēnichuuch, mākiichaan laakōōpō cheepyoosooni lēē ōōtwookiin, kipoochaan cheepyooseetaa kata.

will be added

X\