Ēpēēsō 5

1Āmu akwaan laakōōpō Iriin choo chāmootēēn, ātēpii kilēē wōloo lēē :inyeentee. 2Kēēmāngʼiisyēē kēēchoomsōōt kilēē paani kiichameech :Kiriistō. Kiichameech :Kiriistō kutuutētō sopoontanyiin akipō achaan kilēē kōrōs choo kākipēēlchi Iriin akungʼuutooy nyaa anyiny. 3Māmārēy kutookunēēnook :ngʼala chēpō takalaanti, ntā ku oortin walak choo mā tiliilō ntā mpō suuynoonti. Ngʼal :choochēē choo /mākinyōōrchinii wōloo mii :piich choo tiliilēēn. 4Amāmārēy mpō /kēēngʼāloolēy ngʼal chaa raacheen, ntā ku ngʼal chēpō sālwoonti ntā kēēchiirānēy nkōō oor nyoo makaraam. Kiyoo kimārēy ku /kēēmwoochi Iriin kōōnkēy. 5Ānkēt :akwaan man kilē: Mēēmuukēy kiptakalyaan, ntā ku chiich nyoo mā tiliil ntā ku nyoo lēē suuyoon kuchuut kaa Iriin ākōō Kiriistō. Chiich nyoo lēē suuyoon kukutunchinii tukun chēpō ngʼwēny nyoo katakutunchinii Iriin. 6Amaakany kuumēlmēēlook :chiich kilē mā-irēē :kir nēē /ku-ir ngʼaleechoochēē. Irēy :ngʼalēēchoochēē kunareek :Iriin akuutō siitāt piich choo mātēērēy iit inyeentee. 7Kunyuun, maakany kēērēēmook nkōō piich choo lēē choochēē. 8Mpō ntā kyoomiikwaan tuurin taay, ku kyoonyōōru lēpooyin nkōō Kiptaayaan. Āmāngʼiisyēē nyuun kilēē laakōōpō lēpooyin, 9āmu lēpooyin :nyoo āpuuy tukun tōkōl choo kāroomēēn, choo chuulootēēn, ākōō chēpō man. 10Atyama awasa āsōwu kiyoo pāypooyēy Kiptaayaan. 11Maachuut keey ngʼal chēpō tuurin choo mākōōnuuy kir, aku āsyooruu kupka saangʼ. 12Sōōrnān mpō /keemwa tukun choo irēy nkōō ungʼoot :piich choo mātēērēy Iriin. 13Aku nyuun nēē pkangʼ :lēpooyin tukuuchoochēē tōkōl, kutookuuy kilē lēē nee, 14āmu lēpooyin nyoo irēy kir aka tōkōl kutooku. Nyoonēē nyoo irēy /keemwa kilē, "Ngʼeeta, chēērwoon, akiingʼēētuunō meerat tākuulēpooyin :Kiriistō." 15Āriip keey nyuun wōloo āmāngʼtooy. Mōōmāngʼiisyō nkōō oor nyoo pō sālwoonti, aku āngʼōrōmiituuy. 16Āpāyiisyēērēē pārooyin aka tōkōl kukaraam, āmu rāāchō :pērēētuusyēchu. 17Kunyuun, moolēku sālwēy, aku awasa āsōwuu kiyoo mārēy :Kiptaayaan a-ir. 18Āmētoorēē keey pōōkitō āmu ngʼāmook. Nyoo kātālēē nyoonēē, akany /kinyiryaak Toomirmiir nyoo Tiliil. 19Yoonēē nyuun acheeree keey tuumwēy chēpō Toomirmiir ākōō tuumwēy choo kuuloosunēē Kiptaayaan. Āloosuuy mu mukuliiriikwook 20ākoomwoochinii Paapa Iriin kōōnkēy ākōy akipō kir aka tōkōl nkōō kaarinaa Kiptaayaantēēnyoon Yēēsu Kiriistō. 21Āmu ākoonyitēy Kiriistō ākoonyit keey mpō. 22Mārēy nyuun kuukoonyit :chēēpyōōsōōy pooyiikwaak kilēē wōloo koonyititooy Kiriistō. 23Āmwoorēy kilēē nyoonēē, āmu pooyoon :nyoo pāyuuy cheepyooseenyiin kilēē paani pāyuuy :Kiriistō kaaniiseenyiin nyoo akwaaneek ku pōōrtanyiin aku inyeentee :nyoo kiisāruuy. 24Kilēē wōloo koonyititooy :kaaniisee Kiriistō, ku mārēy kuukoonyit mpō :chēēpyōōsōōy pooyikwaak nkōō oor aka tōkōl. 25Akwaan pooy, achama chēēpyōōsōōkwook kilēē paani kiicham :Kiriistō kaaniisee kutuutētō sopoontanyiin akipō akwaaneek, 26sikutiliil kaaniiseenyiin nkōō ngʼālyoontoo Iriin kilēē paani /kii-ilēy cheeroos nyoo /kuu-iiltooy. 27Kiitēto sopoonoonēē siku-irchi keey kaaniisee nyoo lēē pukat, akichuulaat nyoo mātingʼēy tisya ntā ku rāyiityō aka tōkōl. Aku mārēy kutililiit nyoo mātingʼēy lēēluut. 28Nkōō oor nyoo lēē nyēēnyi, ku mārēy :pooyoon aka tōkōl kucham cheepyooseenyiin kilēē wōloo chāmtooy keey. Chiich aka tōkōl nyoo chāmēy cheepyooseenyiin ku kacham keey. 29Moomii :chiich pērēētuu aka nyoo kiikusas keey, aku pāyēy nyuun pōōrtanyiin akuriipēy kilēē wōloo irtooy :Kiriistō kaaniiseenyiin, 30āmu kichaan pōōrtanyiin. 31Kilēē paani /kiikusir kilē, "Mētooy :chiich apoonyiin ākōō eeyeenyiin akwoop cheepyooseenyiin akichoomnyō :tōkōl kilēku pōōr ākoongʼo." 32Ngʼuutuuy :siruutēchu man nyoo ōōw nyoo ungʼaat akungʼāloolēē mpō Kiriistō ākōō kaaniisee. 33Kunyuun, mārēy chiich aka tōkōl kucham cheepyooseenyiin kilēē wōloo chāmtooy keey. Akēēmārēy mpō cheepyooso kuukoonyit poonteenyiin.

will be added

X\