Ēpēēsō 4

1Āsoomook :aneen nyoo arataat akipō pāyiisyoo Kiptaayaan kilē ātēpii nkōō oor nyoo chuulaat nyoo kiikuurchook :Iriin. 2Āminingʼiitō keey ākootālāyiitu. Āmurtoochinii keey ākoochoomsōōt. 3Atyam wōloo āmuuktooy aroo kilē kooriip kipakoongʼo nyoo kōōnuuy :Toomirmiir ākōō kaalya nyoo tuuyook. 4Kichaan pōōr ākoongʼo, akēētingʼēy Toomirmiir ākoongʼo kilēē paani /kikēēkuurchēēch kāāmoongʼunō ākoongʼo. 5Ākoongʼo :Kiptaayaan, aku ākoongʼo :kaaranee, ku ākoongʼo :kaapaatiisanee. 6Ākoongʼo :Iriin nyoo paapēēnyoon tōkōl. Pāytooyēēch tōkōl, pāyiisyēērēēnēēch tōkōl, akumāngʼēēch tōkōl :Toomirmiiryēēnyiin. 7Kiitō :Kiriistō chiich aka tōkōl nkōō achaan pāyit kutuup keey nkōō wōloo rōōtitooy inyeentee. 8Mwoorēy :siruutēpō Iriin kilē: "Kii nēē wō parak, kuumut luulēn akuutō piichiich kōōnunēy." 9Ngʼuutuuy nee :ngʼaleechu: 'Kii nēē wō parak?' Ngʼuutuuy kilē kiirēytō kiwō ngʼwēny kupōk. 10Nyoonēē kiirēku, ku inyeentee mpō :nyoo kiiwō parak kusiir tōkōl sikuusilta kir aka tōkōl. 11Inyeentee :nyi kiitēnii piich walak kilēku kāāyooytooyiik, kilēku :walak ōōrkooy, kilēku :walak choo āmtootēy lōkōōy choo kāroomēēn, kilēku :walak māsōwō, kilēku :walak koonēēt. 12Pāyisyoo pichu ku kuchēp :piich ku-ir pāyisyoo Iriin sikukiil :pōōrpō Kiriistō 13ākōy kēēlēku :tōkōl ākoongʼo nkōō kaarana akēēsōwu wēēroo Iriin kukaraam. Kēēlēku nyuun choo kiikēēkiilyō nkōō Kiptaayaan, akeekarkeeyiitu nkōō Kiriistō. 14Yoonēē, nyuun ku mēēlē tākēētāwārārō nkōō ngʼālyoon /āmākēēwārākēēch keepa kamasi ntā kamasiinō nkōō koonēētiisyō aka tōkōl nyēpō piich choo mēlmēēlēēy piich ngʼoroomnyēēngʼwaangʼ. 15Aku nyuun ryoongʼēē ngʼal chēpō man ākōō choomnyoot sikēēkiilyēē nkōō tukun tōkōl keekarkeeyiitu ākōō Kiriistō nyoo Kiptaayaanteenyoon. 16Inyeentee :nyoo irēy kichoomnyō :kāmōōs chēpō pōōr kilēku kir ākoongʼo kuutoorētēy keey :tōkōl. Nēē ir aka tōkōl nkōō kāmōōsichoochēē pāyiisyeenyiin, kunārēy :kaaniisee tōkōl nkōō choomnyoot. 17Āmwoorwook nkōō kaamuukaa Kiptaayaan kilē moomāngʼiisyō kilēē wōloo māngʼtooy :piich choo mēēnkēt Iriin choo tingʼēy kāāpkootuut choo mātoorētēy kir. 18Mii :pichoochēē tuurin mu kaapkootuutēkwaak /akiikuutapaana wōloo mii :sāpoon nyoo kōōnuuy :Iriin. Mēēnkēt :akwaaneek kir āmu kiikar mētēwēy. 19Maakuu-iitēy :pichu rāyiityō. Kiikuuchuut keey takal ākōō ngʼal walak tōkōl choo mā tiliilō akilēku kimootiin. 20Mā choochēē choo /kiikuuneetaak akipō Kiriistō. 21Chōōnēē :man wōloo mii :Yēēsu ākoonkēt :akwaan inyeentee. /Kiikeeneetaak 22atayee keey ātēpuutēchoochēē raacheen chu kiipō taay. Mākuutēchoochēē raacheen pō pōōr chu kiikuumēlmēēlook akuupootook. 23Kunyuun āwāliisyēē nkōō kāāpkootuutēkwook chu kiipō taay akaatuup araa Toomirmiir, 24akaanam ātēpuut choo reelacheen, saakarkeeyiitu nkōō Iriin, nkōō tiliilin, man ākōō māngʼoot nyoo chuulaat. 25Kunyuun, ataya ngʼuurnan ākoomwoochinii chiich aka tōkōl ngʼal chēpō man. Āmwoorēy kilēē nyoonēē āmu kipō :tōkōl pōōr ākoongʼo. 26Maakany kupāywook :nareek kutaa-ir ngʼōōki amaakany kumichinta asiis kutoonārēēksōōt. 27Mootō Syeetaani pārooyin mpō kiitēēn. 28Amātākichōōrsyō :chiich nyoo ka chōōriin, aku mārēy ku-ira :ēēruunēchiich pāyit tākunyōōru mpō kir nyoo chārchinii choo nyārilsōōt. 29Moongʼāloolēy ngʼal chaa raacheen. Āngʼāloolēy ngʼal choo chēērēy piich walak akutoorēt, si nēē ngʼat /kuupēēruuriisyō choo tēērtooy. 30Ma-ir :ātēpuutēkwook kuu-iim keey :Toomirmiir nyoo Tiliil nyoo kikōōnook :Iriin. /Kusōwuunēēnook Toomirmiiryooni kilē kyoolēku chaachiich, akungʼuutuuy nyoonēē kilē mii :pērēētuu nyoo /kusārwook. 31Amaakany kungʼwoonchook :ngʼala. Maanareek, amaa-ir riiri, amaa-ama keey seemseem. Ākoomētō ngʼal walak tōkōl chaa raacheen. 32Ātālāyiituu ākōy, ariiree walak, ākoonyōōchinii keey kaat kilēē paani kiikunyōōwook kaat :Iriin kupunuunō Kiriistō.

will be added

X\