Ēpēēsō 3

1Āmii :aneen Paawulō korkoreet āmu āpāyiisyēēchinii Yēēsu Kiriistō akyoo-āmchi choo ma Yāwuutik lōkōōy choo kāroomēēn. 2Ānkēt :akwaan kilē kiikōōnān :Iriin ā-āmwook lōkōōyichu kāroomēēn pō chamateenyiin. 3Kiingʼoongʼwoon :Iriin lōkōōyichoochēē kii-ungʼootēēn kilēē paani kaasir nkōō nwookin. 4Nēē asooman ngʼaleechu, āsōwuukwaan tukun choo kii-ungʼootēēn choo ānkēt :aneen akipō Kiriistō. 5Ngʼālyoon nyoonēē nyoo kiitoomō kungʼoongʼchi :Iriin piich pērēētuu aka kilēē paani kaakungʼoongʼchi kupunuunēē Toomirmiiryēēnyiin kāāyooytooyiik ākōō ōōrkooy choo kiilēwēn. 6Ngʼālyoontoonoonēē kii-ungʼaat ku nyi: pēruurēy :Iriin piich choo ma Yāwuutik kilēē paani kiipēruur Yāwuutik. Kiikēētuuyō :akwaaneek tōkōl kilēku kir ākoongʼo nkōō Yēēsu Kiriistō aku nyōōruuy kiyoonēē kiiyoomiis :Iriin piich kupunuunō lōkōōy choo kāroomēēn. 7Kiingʼoongʼwoon :Iriin pērēētuu ākoongʼo kaamuukeenyiin akukōōnān nkōō chamateenyiin a-ir pāyiisyōōni pō amtaar pō lōkōōyichoochēē kāroomēēn. 8Mpō ntā āpō lēt nkōō piich tōkōl choo rānēy Iriin, ku /kiikēēkōōnān kaamuuka kilē ā-āmchi piich choo ma Yāwuutik lōkōōy choo kāroomēēn akipō pēruur choo mēē-iitiisōōt choo kinyōōrchinii :Kiristo. 9/Kiikulēwēnān nyuun soongʼuuti chiich aka tōkōl ngʼalēēchoochēē kiichēp :Iriin nyoo kii-irēy kir aka tōkōl, akii-ungʼ :inyeentee ngʼaleechoochēē kungʼeetee /kee-ir ngʼwēny. 10Kiimārēy :Iriin kungʼuuti pāytooyiik ākōō choo tingʼēy kaamuuka nkōō ngʼwēny ākōō parak ngʼoroomnyēēnyiin nyoo moomii kir nyoo kiitēēnēē. Kiimārēy kungʼuutuunō nyuun kaaniiseenyiin. 11Kiikiikuchēp :Iriin ngʼālēēchoochēē kitoomō ku-ir ngʼwēny akiisilta nkōō Kiptaayaantēēnyoon Yēēsu Kiriistō. 12Āmu kiirānēy inyeentee, kēētingʼēy nyakanat kēēpēēchii Iriin nyoo mākuuwārēy kir aka tōkōl. 13Kunyuun, āmwoorwook kilē maakany kumēērook mukuliir nkōō kiyoo ānyārilaa akipō akwaan, āmu ki-iriisyō :ngʼalēēchoochēē /sikēētōrōōrook. 14Nēē apkaat ngʼoroomnyō ākōō chēpuut tōkōl chēpō :Iriin, ākutungʼēy ākāāmwoochi Paapa Iriin kōōnkēy 15nyoo kikuurtēērēē :paapatiin tōkōl choo mii ngʼwēny nkōō Parak. 16Āsoomēy Iriin nyēpō tukun tōkōl kuukiil sopoonwēkwook nkōō kaamuukaa Toomirmiiryēēnyiin. 17Āsooyēy kilē ātēpēēkwaan nkōō Kiriistō choo ārānēy inyeentee. Ātēēchii sopēēngʼwoongʼ tālākuu choomnyoot nyēpō Iriin akaachipta iriinēkwook kuchuut choomnyoonoonēē. 18Āsooyēy kilē amuuk :akwaan nkōō piich tōkōl choo kiikuuran Iriin āsowu kilē tapees, koor, tōrōōr aku ōōw nyēpō kwongʼuut choomnyoo Kiriistō. 19Āsooyēy mpō kilē āsōwuukwaan choomnyooni siirēy wōloo pkootitooy piich. /Tākēēkōōnook kuyam pēruur tōkōl chēpō Iriin. 20Kutōrōriit :Iriin nyoo kōōnuuy choo siirēy choo kākisoom ntā ku mpō choo kiipkootinii kupunuunō kaamuukeenyiin nyoo mii ku-irēy pāyit nkōō wōloo kimii. 21Kēētōrōōrō Iriin ākōy nkōō ākōy achaan choo kuurānēy akipō kiyoo kiiku-ir kipunuunō Yēēsu Kiriistō. Lēē nyoonēē.

will be added

X\