Kolosaay 3

1Kunyuun oo, āmu kyoonyōōru tōkōl nkōō Kiriistō sopoon nyoo rēēl, awasa nyuun tukun choo mii im wōloo mii :Kiriistō kutēpunēē ēēruu taay nyēpō Iriin. 2Mārēy āpkootēy tukun chēpō im āmootō kāāpkootuutēkwook tukun chēpō sopoon nyēpō ngʼwēny. 3Āmwoorēy kilēē nyoonēē āmu kiikima sopoontāngʼuungʼ nyēpō taay kilēē yoo kiimeer :inyēēn meerat nyēpō man. Ku paannyēēnyi, itingʼēy sopoon nyoo rēēl nkōō Kiriistō nyoo chōōnēē wōloo mii Iriin. Māsōwuuy piich chēpō ngʼwēny sopoontonoonēē rēēl. 4Sopoontongʼwoongʼ tōkōl ku Kiriistō. Paani kawaraka akarkeeyiituuy ākōō inyeentee nkōō tōrōōrintanyiin. 5Kunyuun oo, ātupō tukun tōkōl chēpō ngʼwēnyuuni chaa raacheen: Siirētoo karwa, ātēp nyoo mātiliil, ngʼat koongʼ, mākuut chaa raacheen ākōō suuynoonti. Āmu irēy chiich :suuynoonti kutiirō keey tukun chēpō ngʼwēny nyoo kātātiirēē keey Iriin. 6Tēnii :Iriin siitāt piich choo irēy tukun choo lēē choochēē. 7Kyoolēēkwaan choochēē taay paani kiitootuupēēkwaan ngʼaleepō kōōrooni. 8Nkōō paannyēēnyi nyuun, anaaytaaree keey tukuuchoochēē. Moonārēēchi keey, amaasas keey, amaangʼalaalee keey nyoo ngʼwoonchinii chiitō aka, āmoomuul keey, āmoosārēētēy ngʼal chaa raacheen. 9Moongʼuurnoonchinii keey, āmu kyoomētēēkwaan ātēpēēngʼwoongʼ nyoo kiipō taay ākōō ngʼaleechu 10aku kyaanam :akwaan sopoon nyoo rēēl. Miito :Iriin kutāsēy taay kuurēēliitēy sopoontongʼwoongʼ akarkeeyiitu nkōō inyeentee. 11Ākōy paannyēēnyi, maakumii kilē ngʼoo :ngʼoo, nēē kā Yāwuutyoon ntā mā Yāwuutyoon, nyoo muroot ntā ku māmuroot, nēē kēēpō piich choo kisāsēy ntā ku kiimanaakan, ōōtwookiin ntā ku nyoo pāyuuy keey. Kir aka tōkōl ku /kēētiirō keey Kiriistō akimii :Kiriistō ākōō chiich aka tōkōl. 12Kunyuun oo, kilēē paani kaakulēwēnook :Iriin ālēku chaachiich choo tiliilēēn akichāmook, mārēy nyuun āriirēē piich walak, āpāypāyiitu, āminingʼiitēy keey, ātālāyiitu ākoomurtooy. 13Āmurtoochii keey ākwoonēēk ākoonyōōchinii keey kaat nkōō ngʼālyoon aka tōkōl nyoo kaaku-irchi chiich aka chiitō :aka. Ānyōōchii keey kaat kilēē paani kiinyōōwook kaat :Kiptaayaan. 14Ngʼālyoontēē nyoo ōōw kusiir tōkōl ku choomnyoot, āmu nyoonēē nyoo tuuyēēyii piich tōkōl kilēku kir ākoongʼo. 15Akanya kupāywook :kaalya nyēpō Kiriistō, āmu /kikēēkuurook ālēku kir ākoongʼo nkōō kaalyaanoonēē. Āmwoochinii kōōnkēy Iriin saayit aka tōkōl. 16Ātēptēē ngʼālyoontoo Kiriistō paani āmii ānēētiisyēy ākoomwoochinii keey ngʼal tōkōl nkōō ngʼoroomnyō. Āloosuu Iriin ātuumchinii tuumwēy choo kuuloosunēē inyeentee ākōō tuumwēy chēpō Toomirmiir. 17Kir aka tōkōl nyoo āmwoorēy ntā nyoo ā-irēy, ku mārēy āmwoorēy ākoo-irēy nkōō kaarinaa Kiptaayaan Yēēsu ākoomwoochinii Paapa Iriin kōōnkēy kupuntoorō inyeentee. 18Chēēpyōōsōōchu, mārēy ākoonyit pooyikwook, āmu nyoonēē nyoo yamaat a-ir kilēē piich chēpō Kiriistō. 19Pooyichu, maraat achama chēēpyōōsōōkwook nyoo moo-usēy. 20Laakōōchu, maraat ākoonyit sikiikwook nkōō kir aka tōkōl āmu pāypooyēy :nyoonēē Kiptaayaan. 21Sikiichu, āmoosyālchi laakōōkwook āmu nēē a-ir kilēē nyoonēē, kungʼātsōōt mukuliiriikwaak. 22Ōōtwook, ākoonyitō mōkōrēēkwook nkōō kir aka tōkōl. Maa-ir kilēē nyoonēē kupaat paani mii :akwaaneek kuurōōtook kilē si nēē ngʼat apaypaay akwaaneek. A-ira nkōō moo ākoongʼo āmu āmii ākoonyitēy Kiptaayaan. 23Nēē ā-irēy kir aka tōkōl, a-ir nkōō moo ākoongʼo kilēē yoo ā-irchinii Kiptaayaan ama piich. 24Āsōwuu nyuun kilē kōōnook :Kiptaayaan nyoo āmii āpāyiisyēēchinii mālāktāngʼwoongʼ. 25Chiich aka tōkōl nyoo irēy kir nyaa ra, kunyōōruuy siiteenyiin. Mēērōōtēy :Iriin kilē anum :nyi ku anum :nyoon.

will be added

X\