Kolosaay 2

1Āmārēy āsōwuukwaan kilē āmiiyaa ākiilēy keey akipō akwaan nkōō piich chēpō Kiriistō choo mii Laawotikyaa, ākōō mpō piich tōkōl choo toomō kutuuyō nkōō aneen. 2Ā-iraa kilēē nyoonēē saacheer piich kunam keey kilēku kir ākoongʼo nkōō choomnyoot sikukiilyō akusōwu kukaraam kilē Kiriistō ku ngʼoo. Nyoonēē nyi kii-ungʼaat /ākikēēngʼoongʼchi nyuun. 3Kiriistō ākityōōn nyoo iriinyēēn isōwu tukun tōkōl āmu inyeentee nyoo tingʼēy ngʼoroomnyēē tōkōl. 4Āmwoorwook ngʼaleechu tāmēēmēlmēēlook :chiich kumwoorwook ngʼal choo nēē ateer akuurēē pō man aku mā pō man. 5Mpō ntā moomii :aneen wōloonēē āmiikwaan, ku kumii :tōkōl nkōō Toomirmiir, akaapaypay ateer wōloo āmāngʼtooy nkōō oor nyaa karaam ānāmēy ngʼālyoontoo Kiriistō nyoo moomii :kir nyoo moosook taay. 6Kunyuun oo, kilēē paani kyaaran Yēēsu nyoo Meesaaya kilēku Kiptaayaantēēngʼwoongʼ, atas taay ālēku kir ākoongʼo ākōō inyeentee. 7Achipta iriiniikwook wōloo mii inyeentee sookiilyēē kukaraam. Ātiirēē keey inyeentee ākityōōn kilēē wōloo /kiikuuneetitaak ākoo-ōōchi Iriin kōōnkēy pērēētuu aka tōkōl. 8Āriip keey nyuun amaakany kuupootook :chiich aka tōkōl nkōō koonēētiisyō nyoo mēētoorētēy chiich āmu nēētēy ātēpuut chēpō kōōrooni choo kiiteera piich. Mēēnēētēy piich tukun chēpō man akipō Kiriistō. 9Kiingʼuutuunō keey :Iriin Kiriistō, 10ākoonyōōruukwaan kir aka tōkōl nyoo āmārēy kupunuunō inyeentee nyoo pāyuuy kir aka tōkōl. 11Paani kyoowāliisyō ākoomētō a-ir ngʼōōki, ku /kiikumurook āpoyiitu Kiriistō nkōō murwō nyoo makarkeey nkōō nyoo irēē piich ēēruunēkwaak. 12/Kiikutupook nkōō Kiriistō paani /kiikuupootiisānook /akeengʼeeteenaak meerat ākōō inyeentee, āmu kyootiirēē keey kaamuuka nyēpō Iriin nyoo kiingʼeeta inyeentee meerat. 13Kii nēē toomō aran :akwaan Kiriistō, ku kiipāytooyook :ngʼōōkiikwook akyaakarkeey ākōō piich choo kiikumēērō. Kukōōnook nyuun :Iriin sopoon nyoo rēēl kilēē paani kiitē Kiriistō sopoon nyoo rēēl. Kiikunyōōwēēch kaat :Iriin ngʼōōkiichooch tōkōl. 14Kiipuuktoowēēch ngʼālyoon aka tōkōl nyoo kiikee-ir /akiikeesir tā keepa /kēērwookwēēch āmu kiikiikēēput ngʼātuut chēpō Iriin. Kyoop ngʼaleechoochēē akupārchi kimurtooyoon. 15Kiisara :Iriin kaamuuka toomirmiirēy chaa raacheen choo pāyuunēē im akungʼuuti chiich aka tōkōl kilē kiikuupēl :inyeentee toomirmiirēyiichoochēē kipunuunō meeraa Kiriistō nkōō kimurtooyoon. 16Kunyuun oo, maakany kutilwaak :chiich ngʼal kukōōnook ngʼātuut akipō āmiisyō ntā ku kir nyoo ārēēy ntā ku pērēētuus choo tiliilēēn chēpō Yāwuutik ntā ku pērēētuus choo kupāypāychinii araawa nyoo rēēl ntā ku pērēētuu Sapaatō. 17Kii kitōōntōrtiin :ngʼātuutēchoochēē chēpō ngʼal choo kiimii kupkoonēy. Ku Kiriistō nyuun nyi kyoopu ngʼālyoon nyēpō man. 18Maakany kuupootook :chiich aka tōkōl nyoo irēy keey kilēē yoo āpēy keey ngʼwēny akukutunchinii malaykeen. Maakany kukartaak :pichoochēē kumoonyōōru mālāktāngʼwoongʼ. Mwoorēy :pichoochēē kilē nyōōruuy :akwaaneek ngʼoongʼuut, ntā kuutaam ngʼal choo toomō kuuro. Lāsēē keey :pichoonēē kaapkootuut choo pkootēy :akwaaneek choo mā-irchinii chiich kir. 19Kiikuput keey :pichoochēē maakumārēy kutiirō keey Kiriistō nyoo pāytooy piichiich kilēē paani pāytooy mētit pōōrtō. Inyeentee mpō nyi irēy pōōr kunar paani mii kamasta aka tōkōl nyēpō pōōr ku-irēy pāyit kilēē wōloo mārtooy Iriin. 20Paani kyoomēērō ākōō Kiriistō ku /kiikutyaaytaareenaak ātēpuutēkwook chēpō taay. Ku āmu nee nyuun tootuupēy ngʼātuut chēpō kōōrooni 21choo mwoorēy kilē maa-am nyi, maachamcham nyi ntā ku mootiingʼ nyi? 22Ngʼātuutēchu tōkōl ku koonēētuut chēpō piich puch āmu /kiiku-irēy āmiisyō kilē /sikēē-āmēy akupāyiisyēērō :pōōr aku nēē kaakupāyiisyēērō pōōr tukuuchoochēē, kurook. 23Piich choo nēētēy ngʼātuutēchu kuupkootēy kilē ngʼoroomō āmu irēy ngʼal choo nyikiisēēn sukungʼuutu kilē chāmēy Iriin, kwoop keey ngʼwēny akuunyariil pōōrwēyiikwaak. Mpō ta-ir kilēē nyoonēē, kumēētoorētēy :ngʼātuutēchu chiich kuriip keey mākuut chaa raacheen.

will be added

X\