3 Chowaana 1

1Aneen nyi pooyoon nyoo ōōw. Āsiruun parwaani choorweenyuun Kaayō nyoo āchāmiin man. 2Choorweenyuun, āsooyaa Iriin kilē inyōōru pāypooyō ākōō kaalya nkōō kir aka tōkōl nyoo i-irēy. Ānkētaa kilē imiinyēēn ituupēy ngʼālyoontoo Iriin kukaraam. 3Kyaapaypayiitu nyēpō kwoongʼuut kii nēē pka tuupchēēnichooch walak kumwoorwoon wōloo ituuptooy ngʼālyoon nyēpō man. 4Moomii kir nyoo āpāypāchinii kisiir ateer kilē mii laakōōchuuch kuuryoongʼēē man. 5Chamaneenyuun, imiinyēēn i-irēy kir nyaa karaam paani itookēy tuupchēēnichooch mpō ntā too choo mēēnkēt. 6Kiikumwoochi :pichoochēē kaaniisee akipō choomnyēēngʼuungʼ. I-irchi nyaa karaam paani iyoomiisēy nkōō oor nyoo pāypāychinii :Iriin. 7Mii nyuun :pichoochēē kupēētootēy kupāyiisyēēchinii Kiriistō aku māmārēy toorētō aka tōkōl kichoonō piich chēpō saangʼ. 8Makaat nyuun kēētoorētēēchaan piich choo lēē choochēē tākēēmii kipakoongʼo tōkōl nkōō pāyisyooni pō ngʼālyoon nyēpō man. 9Kyoosirchi parwa kaaniisee, wōloo nyuun kiitay :Tyootērēpē nyoo chāmēy kwoopēy keey parak kuteer ngʼaleechuuch. 10Paani koochōōn nyuun woloonēē, āchōōnēy āsyooruuy ngʼal tōkōl choo kiiku-ir inyeentee ākōō mpō sēēmsēēmuut choo āmēēnēēch. Mā choochēē ākityōōn, māmārēy mpō inyeentee kutaak tuupchēēnichooch, akukārtooy piich choo mārēy kutookēy. Nēē taak :chiich toyēēchoochēē ku-oona kaaniisa. 11Chamaneenyuun, kumeetuup tukun chēpō ngʼōōki, ira tukun choo kāroomēēn. Chiich nyoo irēy tukun choo kāroomēēn kupō Iriin. Ku chiich nyoo irēy tukun chēpō ngʼōōki, ku mēēnkēt Iriin. 12Ngʼāloolēy :chiich aka tōkōl nyaa karaam akipō Tēēmētēēryō. Aku mwooruuy mpō man kile karaam :inyeentee. Kungʼāloolēēchaan mpō nyaa karaam akipō inyeentee akiinkēt inyēēn kilē man kiyoo kumwoorēēchaan. 13Kātootingʼēy ngʼal chaa chaangʼ choo kātoomārēy asiruun, aku moomāraa nyuun asiruuneeniin wiinō ākōō kalaamu. 14Kir nyoo āmārēy ku āchō wōloonēē lēēkitōōn sikee-ama lōkōōy. 15Inyōōru kaalya. Tookwēēsiin choorweeyiikuuk tōkōl choo mii wōli. Tookwēēswēēch choorwayiichooch tōkōl nkōō wōloonēē.

will be added

X\