2 Tiimōti 3

1Tiimōti, ipkaataata kee ngʼālyoontooni: Kōrōmiituuy :pērēētuusyēk chēpō lēt. 2Lēkuuy :piich piich choo chāmēy keey kipaat akicham rōōpiyēēkwaak. Lāsēy keey akumēēnnyō. Ngʼāloolootēērēē piich walak nkōō oor nyaa ra, amēēwārēy sikiikwaak, amātingʼ kumwa kōōnkēy nkōō kir aka tōkōl. Lēkuuy piich choo mā tiliilō nkōō taayuu Iriin, 3amātingʼēy choomnyoot. Māriirēē piich, akuutoomchinootēy piich ngʼal, amātingʼ kuriip keey ngʼal. Sāmisiituuy, akichāmēy ku-irēy ngʼal chaa raacheen. 4Āltooy keey, akuturchinootēy ngʼal. Āpēy keey kilē nkēt kir aka tōkōl. Lēkuuy piich choo kiicham lala kusiir kucham Iriin. 5Irtooy keey kilē pō Iriin, akutāyēy nyuun kaamuukeenyiin. I-istoorēē keey piich choo lēē choochēē. 6Mii :walak nkōō pichoochēē choo chōōrtooy keey kēēstoonipō piich akupa kuumēlmēēlootō chēēpyōōsōōy choo kuskusō mētēwēy choo kiikunyikisiiti :ngʼōōki akiikupayta :mākuut chēpō kir aka tōkōl. 7Wāsēy :chēēpyōōsōōchoochēē koonēētuut chaa reelacheen kuumān aku mēēmuukēy nyuun kusōwu ngʼālyoon nyēpō man. 8Kārēy :pichoochēē ngʼālyoon nyēpō man kilēē paani kiikārēy :Yaanee ākōō Yaampuree Muusa. Piich :pichu choo kiikukwōngʼyō ākiikupētyō nkōō man. 9Mā-itēy nyuun :pichoochēē ōy, āmu rōōtēy :chiich aka tōkōl sōlwoonti nyoo tingʼēy akwaaneek kilēē wōli /kiikuurōōtitooy nyēpō Yaanee ākōō Yaampuree. 10Tiimōti, āpkootaa kilē inkēt :inyēēn akipō koonēētiisyeenyuun ākōō wōloo ātēptooy. Inkēt :inyēēn wōloo āpāyiisyēēchinaa Iriin nkōō sopoon nyaanyaa ākōō wōloo ārāntooy. Inkēt inyēēn mpō kilē māsip ānārēēkaa ākootingʼēy choomnyoot ākōō kirintaar. 11Inkēt :inyēēn mpō wōloo kyaakiringʼtaa usāt nyoo kyoonyōōru ākōō nyāriluut paani kyoomii Antyookya, Ikoonnya ākōō Luustra. Mpō ntā kilēē nyoonēē ku kiisārwaa :Kiptaayaan nkōō tukuuchoochēē tōkōl. 12Pō man kilē /ku-usēy chiich aka tōkōl nyoo kāchāmchi keey kutuup Yēēsu Kiriistō. 13Ku piich choo kiiku-ir ngʼōōki, choo mēlmēēliisyootēy, kutāsēy taay kuraachiituuy kitya kuumēlmēēliisyootēy /ākēēmēlmēēlootēy akwaaneek. 14Akipō inyēēn nyuun oo, Tiimōti, itas taay ituup kir nyoo /kiikuuneetin akiiran, āmu inkēt :inyēēn pichu kiineetin 15ākōō mpō wōloo kiinkētitō siruut chēpō Iriin kungʼeetee miningʼiityēēngʼuungʼ. Kiitoorētin :siruutēchoochēē isōwu kilē /kusāruuy piich nēē tiirō keey Meesaaya Yēēsu. 16Pkoonēē :siruutēchoochēē tōkōl wōloo mii :Iriin. Kāroomō :siruutēchoochēē, nēē /kiinēētiisyēērō /akeekara koongʼ tukun chaa raacheen, /keechuula ngʼal /ākēētukoonō piich kumāngʼiisyō sopoon nyoo maraat, 17sikuchēpō :chiich nyēpō Iriin kukaraam akipō pāyit aka tōkōl nyaa karaam.

will be added

X\