1 Aneen nyi Paawulō kāāyooytooyiin nyoo ā-irchinii Yēēsu Kiriistō pāyit. Ā-iraa pāyiisyōōnoonēē āmu kiilēwēnān :Iriin. Kiiyookwoon soochō ā-āmchi piich akipō sopoon nyēpō ākōy nyoo kiiyoomiisēēch kupunuunō Yēēsu Kiriistō. 2 Āsiruun inyēēn wēēriinyuun Tiimōti nyoo āchāmēy. Kuupēēruurin :Paapa Iriin ākōō Kiptaayaantēēnyoon Yēēsu Kiriistō. Kuriireeniin akukōōnin kaalya. 3 Āpāyiisyēēchinaa Iriin nyoo ānkēt :aneen kukaraam kilēē paani kiipāyiisyēēchi sikiichuuch ākōō mpō kuukōtiināchuuch. Ākoomwoochinaa Iriin kōōnkēy akipō inyēēn pērēēt ākōō langʼa. 4 Nēē apkaat :aneen wōloo kiiriirta pērēētuuni kiikumētooy keey, kwaaman :ēēmō kilē ntā arootiin saapaypayiitu. 5 Ānkēt :aneen kilē irānēē Iriin nyoo mātingʼ /keemwa kilēē :kōōkōngʼuungʼ Lōōyis ākōō eeyeengʼuungʼ Yuunis. 6 Kutuup keey nyuun nkōō nyoonēē, ku āpkootuun kilē ikany kungʼuutu keey :kaamuuka nyoo kiikōōnin :Iriin paani kyookōnōōriin ēēruunēchuuch. 7 Mēēlē kiikōōnēēch :Iriin Toomirmiir nyēpō kāwāriisyō, aku kiikōōnēēch Toomirmiir nyēpō kaamuuka, choomnyoot ākōō kaapkootuut choo kāroomēēn. 8 Amēēwāriisyō imwoochinii piich akipō Kiptaayaantēēnyoon ntā akipō aneen nyoo arataat āmu āpāyiisyēēchinii inyeentee. Ikany kēēnyārilyēē :tōkōl akipō lōkōōy choo kāroomēēn kēētiirēē keey kaamuukaa Iriin. 9 Mēēruutyēērēē kilē Iriin nyoo kiikusārwēēch ākiikukuurēēch kēēpāyiisyēēchii nkōō sopoon nyoo tiliil. Maa-ir kilēē nyoonēē akipō kir aka tōkōl nyoo kiikee-ir, ki-ir kilēē wōloo mārtooy inyeentee nkōō moonyiin ākōō choomnyeenyiin ākityōōn. Kiisip kuchameech :Iriin kutoomō /kēētoowu ngʼwēny 10 akungʼuutwēēch choomnyoonoonēē paani kiichō Sāruuniintēēnyoon Yēēsu Kiriistō. Kiikuupēlwēēch :Kiriistō meerat akungʼuutwēēch oor nyēpō sopoon nyēpō ākōy kupunuunō lōkōōy choo kāroomēēn. 11 Kiikulēwēnān :Iriin nyuun a-amtaata lōkōōyichu. Kiikulēwēnān ālēku kāāyooytooyiin akaaneetaata ngʼālyoon nyēpō man. 12 Kiyoonēē nyoo /kiinyāriilchinoon kilēē nyēēnyi. Mpō ntā lēē nyoonēē, kumoowārēy :aneen, āmu ānkēt chiichi kyootiirēē keey ākootingʼēy man kilē muukēy kuriip kiyoo kiikuurchoon a-ir ākōy pērēētuu nyoo wārākēē. 13 Tiimōti, ineet piich kilēē wōloo kyoonēētitooy, akiitiirēē keey Yēēsu Kiriistō akiicham kilēē wōloo kyoochāmtooyaa. 14 Iriip ngʼaleechoochēē kāroomēēn choo /kiikēēkōōnin. Kuutoorētin :Toomirmiir nyoo Tiliil nyoo mii nkōō achaan tōkōl. 15 Inkēt :inyēēn kilē kiikumētaa :piich tōkōl chēpō kōōroo Eesya choo kiikumii tōkōl kupootō mpō Pukēēlō ākōō Ērmookēnē. 16 Āsooyaa kilē kuriira :Iriin kaa Ōnēsipōōrō, āmu inyeentee nyoo kiichō kuukaaykaayan akuukiilān ākēny. Kiichō kuurootān nyoo maawar kilē arataat aneen. 17 Kii nēē itu Rooma, kuwasaataan wōltō aka tōkōl ākōy kunyōōrwoon. 18 Āsooyaa kilē kuriira :Kiptaayaan Ōnēsipōōrō ākōy pērēētuuni /kuurwoochinii piich. Ānkēt :akwaan wōloo kiitoorētitoon :Ōnēsipōōrō paani kiikumii tōkōl Ēpēēsō.
