2 Teesaloonika 3

1Kunyuun oo, choo kituupchō, āsooywēēch kitas taay :ngʼālyoontoo Kiptaayaan kuseet akunyōōru koonyit, kilēē wōloo kii lēē nkōō wōloonēē āmiikwaan. 2Areer asaa kusārwēēch :Iriin nkōō wōloo mii :piich choo āwēēsēēn aku raacha, āmu mēēlē :piich tōkōl choo rānēy man. 3Aku /kiirānēy Kiptaayaan akipō man. Kiilook akuriipook nkōō wōloo mii :Kipngʼōōkiyoon. 4Kuurānēy kilē ā-irēy kiyoo kumwoorwook ākootāsēy taay ā-irēy kilēē nyoonēē āmu āpookwaan Kiptaayaan. 5Kanya kuutoorētook :Kiptaayaan āsōwuu choomnyoo Iriin akaamurta kilēē Kiriistō. 6Choo kituupchō, nkōō kaarinaa Kiptaayaan Yēēsu, kēēmwoorwook kilē ā-istoorēē keey tuupchēē aka tōkōl nyoo lēē saratan, nyoo mātuupēy koonēētuutēchoochēē kiikumwoorwook. 7Ānkēt :akwaan kilē mārēy āmuustēēchaan choo kiimaakilēku sārotoon paani kiikimii ākōō akwaan. 8Maaku-am āmiisyō nyēpō chiich amākiitō kir, aku kiikupāyiisyēy pērēēt ākōō langʼa simaku-iim chiich aka tōkōl nkōō akwaan. 9Mpō ntā kiiyamaat kēēnyōōruu kir, ku kiiku-ir kilēē nyoonēē sikeeneetaak atuup kiyoo ku-irēy. 10Paani kiikumii ākōō akwaan ku kikumwoorwook mpō kilē, "Chiich nyoo māmārēy kupāyiisyō, ku moomiisyō." 11Kimwoorēy kilēē nyoonēē, āmu kutēērēy kilē sārātoon :piich walak nkōō akwaan. Mā-irēy kir, aku kwoongʼkwoongʼootēy piich choo irchinii keey tukuukwaak. 12Nkōō kaamuukaa Kiptaayaan Yēēsu Kiriistō kēēmwoochinii pichu kilē kutēpi nyaa karaam akupāyiisyō sikunyōōru kiyoo āmēy. 13Ku akwaan, choo kituupchō, āmoochoosyō ā-irēy choo kāroomēēn. 14Nēē mākoonyitēy :chiich lōkōōyichu kusirwook, ku mārēy āsōwu chiichoonēē āmootēpi nkōō inyeentee sikuyoom :inyeentee. 15Āmoo-āp chiichoonēē kilēē puunyoon, aku ā-isu kilēē tuupchēē. 16Kilēē nyoonēē nyuun, kanya kukōōnook :Iriin kaalya ākōy nkōō oor aka tōkōl, āmu inyeentee ākityōōn nyoo kōōnuuy kaalya. Kanya kutēpō :Kiptaayaan kipootook tōkōl. 17Āsirwook :aneen Paawulō tookwēēsuutēchu nkōō ēēruunyuun aneentee. Lēē nyēēnyi :wōloo āsirtooy parwa aka tōkōl kungʼuutu kilē chōōnēēnoon. 18Kuupēēruurook tōkōl :Kiptaayaan Yēēsu Kiriistō.

will be added

X\