1 Choo kituupchō, kimārēy kēēngʼuutwook kir akipō chōōnētoo Kiptaayaan Yēēsu Kiriistō ākōō wōloo rumtēēch :inyeentee. Kusoomook kilē 2 amaakany kuchuunnyō kāāpkootuutēkwook, ntā ā-ātyō nēē /kumwa kilē kaaku-itu :pērēētuu Kiptaayaan. Amaaran mpō nēē kilē kiimwoorēy kilēē nyoonēē :ōōrkooyoontēē aka ntā ku piich walak ntā /kēēmwooru kilē kiikusir :achaan ngʼaleechu nkōō parwa aka. 3 Maakany kuumēlmēēlook :chiich aka nkōō oor aka tōkōl. Mā ituuy :pērēētuunoonēē ākōy kutay :piich chaa chaangʼ Iriin /ākēēngʼoongʼu kipngʼōōkiyoontoonoonēē kipa /kēēngʼāmēy. 4 Kārēy :kipngʼōōkiyoontoonoonēē kir aka tōkōl nyoo kutunchinii :piich kipootō kir aka tōkōl nyoo rōōtēy :piich kilē pō Iriin sikuumuuk kuchuut :inyeentee Kōpō Iriin akuutōrōōr keey kilē Iriin. 5 Moopkootēēkwaan sōō, mpō kilē kyoomwoorwook ngʼaleechu kēēmii tōkōl? 6 Aku ānkēt :akwaan kiyoo rēēmēy kipngʼōōkiyoontoonoonēē, ākōy pērēētuuni /kungʼoongʼuuy. 7 Mii paannyēēnyi ku-irēy :kipngʼōōkiyoontooni pāyit nkōō ungʼoot, aku tāsēy taay ākōy /kuunaayta kiyoonēē rēēmēy. 8 Yoonēē nyuun ku tookuuy :kipngʼōōkiyoontoonoonēē akuupēlēy :Kiptaayaan Yēēsu chiichoonēē nkōō kāāpuusō nyoo chōōnēē kuutiinyiin. Ngʼāmēē :Yēēsu chiichoonēē kaamuukeenyiin paani kawaraka. 9 Chōōnēy :kipngʼōōkiyoontoonoonēē nkōō kaamuukaa Syeetaani akichō kuumēlmēēlō piich ngʼal chaa chaangʼ chēpō kwōngʼuut choo irēy. 10 Pāyiisyēērēē ngʼālyoon aka tōkōl nyēpō ngʼuurnan kuumēlmēēlēy piich choo pētii kupētsōōt. Pētsōōt :pichoochēē, āmu kiitay :akwaaneek kucham ngʼālyoontoo man /sikēēsāru. 11 Kunyuun, irēy :Iriin akwaaneek kuuran ngʼuurnan, 12 /ākēētilchi kiirwook tōkōl choo kiipāypāchi ngʼal chēpō ngʼōōki amaaran ngʼaleepō man. 13 Ku akwaan oo, choo kituupchō choo chāmook :Kiptaayaan, yāmēy kēēmwoochii Iriin kōōnkēy ākōy akipō akwaan. Lēē nyoonēē, āmu kiikwaraak :Iriin ālēku chēpō taay /kēēsārwook. Kiitapaanaak :kaamuukaa Toomirmiir ālēku chaachiich, paani kyaaran ngʼālyoontoo man. 14 Kiikuurook :Iriin kupunuunō lōkōōy choo kāroomēēn choo kiiku-āmwook sikeeramtee ōōwin nyēpō Kiptaayaantēēnyoon Yēēsu Kiriistō. 15 Kunyuun oo, choo kituupchō, anama ku karaam ākookiilchi koonēētuutēchoochēē kikēē-āmwook akeesirwaak. 16 Kiichameech :Paapa Iriin aku-ireech kēēpāypāyiituu ākōy kēēkānyēy kir nyaa karaam. Kanya kucheeraak :Kiptaayaantēēnyoon Yēēsu Kiriistō ākōō Paapa Iriin 17 akuukiilook a-ira ākoomwoorēy tukun choo kāroomēēn.
