1 Aneen :nyi Paawulō kimii kipootō Siila ākōō Tiimōti. Āsirwook kaaniisa nyēpō Teesaloonika choo āpō Paapa Iriin ākōō Kiptaayaan Yēēsu Kiriistō. 2 Kuupēēruurook :Paapa Iriin ākōō Kiptaayaan Yēēsu Kiriistō ākoonyōōru kaalya. 3 Choo kituupchō, kumwoochinii Iriin kōōnkēy saayit aka tōkōl akipō akwaan. Yāmēy kee-ira kilēē nyoonēē āmu ātāsēēkwaan taay ārānēy Kiriistō kitya ākoochoomsōōt tōkōl. 4 Kiyoonēē nyoo kulāsēē keey nkōō wōloo mii :kaaniiseen chēpō Iriin walak akipō akwaan. Kulāsēy keey akipō woloo ātāstooy taay āmurtooy ākoorānēy Kiriistō nkōō ngʼwoonin tōkōl ākōō usāt nyoo āmii ānyōōruuy. 5 Ngʼuutuuy :ngʼalēēchoochēē kilē pō man tilwaa kiirwook nyēpō :Iriin, nēē cham kilē nyooluuy achuut :akwaan pāyuunātēēnyiin nyoo āmii ānyārilchinii. 6 Irēy :Iriin kir nyēpō man nēē nyariil pichoochēē nyāriilook, 7 aku kōōnook choo ānyārilēy kiimuny ākōō mpō achaan. Iriisōōt :ngʼalēēchoochēē nēē rēkuunō :Yēēsu parak kipootō malaykeenichiich choo tingʼēy kaamuuka 8 nkōō ma nyoo pēēlēē piich choo mēēkoonyitēy Iriin ākōō choo maaran lōkōōyipō Kiptaayaan Yēēsu. 9 Nyōōruuy :pichoochēē ngʼwoonin nyēpō ākōy, amāriichinii wōloo mii :Kiptaayaan ākōō wōloo mii :ōōwinpō kaamuukeenyiin. 10 Paani chōōnēy :Kiptaayaan kichō kunyōōruuy koonyit nkōō wōloo mii :piichiich kuuloosuuy :piich tōkōl choo rānēy inyeentee. Yāmook :mpō akwaan āmii nkōō pichoochēē, āmu kyaacham lōkōōy choo kiikumwoorwook. 11 Kiyēēnyi :nyoo irēēch kēēsoowook ākōy, sikuutoorētook :Iriintēēnyoon ātēpi kilēē wōloo mārtooy :inyeentee ākoo-irēy kiyoo ārōōtēy kilē karaam. Kusooywook kuureer kilē kukōōnook kaamuuka nyoo āmuukēy ā-irchi pāyiisyeenyiin ārānēy inyeentee. 12 Nēē a-ir kilēē nyoonēē nyuun /kēēloosu kaarinaa Kiptaayaantēēnyoon Yēēsu /ākēēlooswook mpō. Iriisōōt :ngʼalēēchoochēē tōkōl, āmu pēēruurook :Iriin ākōō Kiptaayaan Yēēsu Kiriistō.
